Genese 1:27 - Iaai Bible 1901 (New Caledonia)

²⁷ Ke Khong ame op at ae we e bi, ame op e me we Khong; e ame up ödru baga me momo.

Genese 1:27 ပူးပေါင်းရင်းမြစ်များ

Genese 2:18

Haba Iehova Khong ame ha, ka habe, E ca so e he ka hake laba at; oge me he ka ânyâ hobi kâu ke ûhadruo ae ûcû kâu.

Genese 2:7

Ke haba Iehova Khong ame op at ge sesâiny kânâ, me menâ ka hnyi li hnyingöiny homenâiny möt; ke haba at ame wia me me hanu ae möt.

Genese 9:6

Haba at ame hingâlâ dren ke at, me ame he bi ka hingâlâ dren hnen ke at: anyin adre op at e me we Khong.

Salamo 139:14

Oge me he ka oleâ köu; anyin a hnân ot me lâiâ ge hnödra hna tretrau nya: Hnân lâiâ ânyâm ta je huliwa; Ke a wâ wia but e hnen hanuk.

At Khet 7:29

Wâ bi, waleû ûnyi a khaca oge me wâ, a Khong ame op at he ka wisa; ke adre me elâm bi je biûnyi ae se hia.

Isaia 43:7

haba ödra hia adre ip hudra iök, waleji oge me op hnân oganö nya; me inya at a huliwön ödra; eke, oge hia but up ödra.

Jeremia 29:6

hok öiöbun dö me bi lakubun da me in; ke heleû âiân dö lakubun obaga, ke ûham-köuâ thö lakubun wahlu ka je baga, mʼ adre me he ka hnokoâ obaga me wahlu; me öbun e he ka se hia eling, me ca he bi ka wakhalet.

Malaki 2:15

Hawa, e ame ca ânyâ ûnyi a khaca, ke e unyin kolon hanu? Ke at a khaca geû? Anyin e ame elâm mâtrân ae so. Anyin a wale, tuö ju je hanubun, me ca he ke at ka iyawâ âiân anyin hidröu.

Mataio 19:4

Me e ame thu me ha, ka habe, Hawa, öbun e ca hnyi aû, a haba at ame op tavat hnyi can a e ame up ödru baga me momo,

Mareko 10:6

Ke haba adrem hwân dö hnyi hna op ta ûnyi, e ame wiʼ ödru baga me momo.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Efeso 4:24

me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.

Deuteronomi 4:32

Ke he thö u ka elâm je bong ehac, ke tiga hiö u, hwân hnyi bong waleji Khong ame op at eang hmelen hnyin, ke hwân hnyi ke keihen drany ke ne o but ka hnyi ke keihen, hawa e hu ûnyi ae gan helâng, kʼ adre me ne löng helâ me ûnyi aug!

Kolose 1:15

e thibi a we Khong ae ca manen bi, atöiny ta je ûnyi hia adre op;

Kolose 1:26

wale ûnyi ae iyong adre ikhâlâ ehac hnyi ta je ûen adrem, me ta je dö hia thithö; ke walang ang, adre hia but omanenâ e ka anyin wakap,

Kolose 3:10

me khaû öbun ge at ae teb ûnyi, adre me labö ohâtâ hnyi metâ hoton we at a op e:

Owisa 21:22

Ke ame ne o je kamen me je hanidrin he ka haiʼ öbun kohmun, me ohmun e he ka ha ködrin, ka habe, Me betenge kohmun gadrin; anyin a ohmun e ca ve hok âiân hobi ködrin hnyi vat: ke haba khaca öbun e ca ham bi ködrin; anyin a wale e ba jönibun.