Genese 1:26 - Iaai Bible 1901 (New Caledonia)

²⁶ Ke haba Khong ame ha, ka habe, E so ate me op at hnyi wi ota, me tha ûcû mʼ öta: ke hamödra he ka musö ta je wâ eû hnyi köiö, me ta je meno ame gâ ethö, me ta je meno a vak cadra, me hmeledrany hia thithö, me ta je meno ame iyâû wale adre me iyâûâ hmeledrany.

Genese 1:26 ပူးပေါင်းရင်းမြစ်များ

Genese 11:7

E so ate me utut me omonumonâ hwen hodra, me me ca khana ke at hofuc hwan ke at.

Genese 2:19

Ke Iehova Khong ame op ûnyi hnyi kânâ ta je menoiny hnyot hia, me ta je meno hia ame gâ ethö; me hum ödra ka at me me wâ ia ien e ame he ka hwenyi ödra: ke haba ien ta je meno ae möt hia ame hwenyi iödra at, wale ien bi.

Genese 3:22

Haba Iehova Khong ame ha, ka habe, Wa bi, e ûcû but at mötin, ame wâhmakhmeto so me kong; ke haba walang ang, wâ e nye hinôbeny me hom minya ûnyi hnyi ûö hnân melen, me han, me möt bi nyiele balua:

Genese 5:1

WALANG tusiny je dö ûnyi ga Adamu. Haba hnyi bong Khong ame op at hnyin, e ame op e me we Khong;

Genese 9:6

Haba at ame hingâlâ dren ke at, me ame he bi ka hingâlâ dren hnen ke at: anyin adre op at e me we Khong.

Jobu 35:10

Ke ba at ame ha, ka habe, Ewa Khong at a up nya, At ame ham je khumöng hnyi hnyi nghet;

Jobu 39:11

U me he ka labageju kâu anyin ae gan hmâ hwegien? Ke u me he ka hna ânyâm huliwa kâu?

Jobu 5:23

Ke ame he je vetoiny hnyei ka tha hien möu; Ke ame he ka ûsoköu möu ta je menoiny hnyot.

Salamo 100:3

Khanʼ öbun dö a Iehova thibi Khong: E thibi at a up öta, ke öta bi laten; Öta ta je lakeiny, me mamoeiny iny ta hnyei.

Salamo 149:2

E so e he Isaraela ka senyin ka at a op e: E so e hobâ je laku Ziona ka Tuhödra.

At Khet 7:29

Wâ bi, waleû ûnyi a khaca oge me wâ, a Khong ame op at he ka wisa; ke adre me elâm bi je biûnyi ae se hia.

Khumöng Hwanyi Solomona. 1:11

Öhmun e he ka ânyâ hobi köu je hna hwâwâ gol Ke je fao sileva.

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Isaia 6:8

Ke oge me long ifuci Iehova ame ha, ka habe, Oge me he ka kunö ia, ke ie at ame he ka he hobi kötin? Me oge me ha, ka habe, Inya ang; kunö nya thö.

Isaia 64:8

Ke walang ang, Iehova lö, u thibi Kamöhmun; öhmun ang kânâ ae kece, ke u at ame op kaia; ke öhmun hia thithö ang huliwa, anyin hnyamâm.

Jeremia 27:6

Ke walang ang oge hia but ham je hnyei ang kö Nebukaneza than Babulona, athnyabaik; ke haba khaca oge hia but ham kâu je menoiny hnyot hnân bi athnyabainy.

Ioane 14:23

Iesu ame thu kâu, ka habe, A ne ke at ame hnyok könya, e ame he ka vheno hok hofuc: ke ame he Cica ka hnyok kâu, ke ohmu me he ka o kâu me tha laba mē.

Ioane 5:17

Ke haingö Iesu kodra, ka habe, Ame huliwa Cica ke ne o but hnyi bong ang, ke oge me huliwa bi nya.

Ta je huliwa 17:20

Anyin a u me hom ka hnyi je hnyikönyöhmun ke ta je ûnyi bi: anyin a wale, e bewehmun he ka wâ ûnykûme bongon ta je ûnyi e.

Ta je huliwa 17:26

ke e ame op hnyi dra a khaca tavat hia he ka labâ hmeledrany, ke a hia but thu je ûen adre otilâ ehac, me je hnyigoulen je idra;

I. Korinito 11:7

Anyin ae ca ûcû baga he ka binybak, anyin a e we me hmanenanginy Khong: ke haba momo, me hmanenangin baga.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

Efeso 4:24

me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.

Kolose 1:15

e thibi a we Khong ae ca manen bi, atöiny ta je ûnyi hia adre op;

Kolose 3:10

me khaû öbun ge at ae teb ûnyi, adre me labö ohâtâ hnyi metâ hoton we at a op e:

Iakobo 3:7

Anyin adre me ohnamâ ta je meno ae ve bongon me ta je meno ame gâ, me ta je ûnyi ame iyâû, me ta je ûnyi ae möt eû hnyin köiö, adre hia but ohnamâ ta je ûnyi e ge metâ anyin at:

Iakobo 3:9

Ate me haisoâ Khong a Kamen hnen e; ke hnen e minya ate me hangâ at, wale adre me op e me we Khong:

I. Ioane 5:7

Ke Hanu at ame ohnathö, anyin ae hnathu Hanu.