Genese 1:2 - Iaai Bible 1901 (New Caledonia)

² Ke haba hmeledrany ame ba hwenöiny ke ba önyen; ke ka e menekholom hon dok ae dit: kʼ ame nap Hanon Khong hon je köiö.

Genese 1:2 ပူးပေါင်းရင်းမြစ်များ

Jobu 26:14

Wâ bi, wale je baten thibi deny je gethen: Ke otin e long hwan hwaulit ae ûhnyûkong! Ke ia ame wâ ûnykûme hwan thaniny maniny man.

Jobu 26:7

E ame ulolo ke keihen ka hnyi hwadro hon ba onyen, Me uhno hmeledrany ka hnyi hon ba.

Jobu 38:9

Waleji hnyi hnok hna wia ûlâ hnân ûkhaûen bi, Ke menekholom hnân hlanyin,

Jobu 41:32

E ame ohauâ hwaban deny gethen; Me me he at ka ûnykûme ae hûen dut köiö ae gan.

Salamo 104:30

U je kunâ hanom, me adre me up ödra; Ke u je ohâtâ hnyimakan kânâ.

Salamo 104:6

U je tube e ge köiö ae dit helâ me ûkhaû; Kʼ ame bongon dö köiö hon ta je bucen.

Salamo 136:6

Kâu at ame olauâ kânâ hon köiö: Anyin a nyiele balua anyin ibetengiö:

Salamo 148:7

Oganö Iehova thö eang hmeledrany, Öbun ta je tanimo me ta je dok hia ae dit:

Salamo 33:6

Adre me op drany ge hofuc ho Iehova; Ke ta je ûnyi hia hnyin ge homenâiny hnyimen.

Ta je Vejec 8:24

Adre hnöku nya, ke tiga ba bi dok ae dit; Hnyi ûen ae tiga ba pupua ae unöngöt ge köiö.

Isaia 31:5

Haba je meno adre me gâ, me helâe ame he Iehova tuhan sabaoth ka tuö Jerusalema; e ame he ka tuö, me hna e, kʼ ame he ka he me omelo e.

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Jeremia 4:23

Oge me wâ hmeledrany, ke wâ bi, e ba hwenoiny, ke ba önyen; ke oge me wâ drany ae ba but melam.

Nahuma 2:10

E ba onyen e, adre me öba onyen, iny jut wau: ke ame köiö but hnyok, kʼ ame öbubuny je boucadra, ke vec hia thö je hnyidra, ke löhau but ta je hnyimakodra hia.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Deuteronomi 32:11

Helâ me man aeto ame ânyâwia hâuen, Ke ame gâ igigilö hon lakon, Me helâe e ame ulolo li labenyin, Me kaptilʼ ödrin hon li labenyin: