Genese 1:16 - Iaai Bible 1901 (New Caledonia)

¹⁶ Ke Khong ame ânyâ li melam a lo ae gan; haba melam ae gan hmâ, me hnân musö lany, ke baba melam ae ûhnyûkong hnân musö lit: kʼ ame ânyâ minya ta je okhû.

Genese 1:16 ပူးပေါင်းရင်းမြစ်များ

Genese 1:15

ke wale minya e, a hnân ta je melam hnyin bwanginy drany ethö he ka omelamâ hmeledrany: ke e but e.

Jobu 31:26

Oge ne wâ seûno hnyi ûen e ame manen, Me tehi ame he hnyi melaminy;

Jobu 38:7

Hnyi ûen ame tha khumöng je okhû lany, Kʼ ame hongot senyin lakon Khong hia?

Salamo 148:3

Ogânâ thö e öbu seûno me tehi: Ogânâ thö e öbun hia ta je okhû ae umumelam.

Salamo 148:5

E so adre me he ka ogânâ iö Iehova: Anyin a e ame hûna, me up ödra.

Salamo 19:6

E ame o but ûheny hnyi can hmeledrany. Ke haba deny gethen ame he ke ne o but ka hnyi ke je can: Ke ba ke ûnyi adre ikhâlâ ûnyi ge kahwainy.

Salamo 74:16

Ânyâm bi lany ânyâm minya bi lit: U je hia but penapena melam me seûno.

Salamo 8:3

Oge me wâ hmâ ânyâm drany a huliwan ge ta je banyâm, Wale tehi me ta je okhû u je hia but otilâ;

Isaia 13:10

Anyin a haba ta je okhûiny drany me ta je deo okhûiny, ame ca he ka manen melamidra, ke ame ca he tehi ka oumumelamâ.

Isaia 24:23

Ke ame he ka hmak tehi, me hmehma bi seûno; anyin ame he Iehova tuhan sabaoth ka musi hnyi hmanenang hnyi bucen Ziona, me hnyi Jerusalema, me hnyi hnyimakan anyin wahingat.

Isaia 40:26

Bwela thʼ öbun goranyai, me wâ, ia op ta je ûnyi e, ke ame su anyidra ta je dö hnyi ûseidra: e ame ve hawâ ta je iödra hia thithö; ke haba hnyi ûganiny maniny man, ke can hwegien ae gan, me ame ca hia bi khaca.

Isaia 45:7

Oge me op lany ke oâ lit; oge me ânyâ ûsoköu, ke oâ hulo; inya Iehova at ame ânyâ ta je ûnyi hia thithö eling.

Jeremia 31:35

Walang hna ha hnö Iehova at ame ham seûno hnân lany hnyi selany, me hnanyibuiny tehi me ta je okhû hnân melam hnyi lit, at ame bwebwelâ köiö me me û je waköiöiny; Iehova tuhan sabaoth ien:

Habakuka 3:11

Ame tot seûno me tehi hnyi hnödru; Hnyi melaminy ânyâm je fana adre gâ, Hnyi melaminy ânyâm ö ame hadröngoc.

Mataio 24:29

Ke hwaban vec hnyi ûen eling, ame he ka ie menekholom but seûno, ke ame ca he hmetu ka melam tehi, ke ame he ka kolu but ta je okhû, ke adre me he ka jijing ta je man hnyi drany:

Mataio 27:45

Ke ame menekholom but hnyei hia, hwân hnyi awa a siks ke ne o but ka hnyi awa a nain.

I. Korinito 15:41

E ke hmanenanginy bi seûno, ke ke hmanenanginy bi tehi, ke ke hmanenanginy bi ta je okhû; anyin ae ve bongon hmanenanginy ke okhû me ke okhû.

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.