Genese 1:1 - Iaai Bible 1901 (New Caledonia)

¹ HABA hnyi can Khong ame op drany me hmeledrany.

Genese 1:1 ပူးပေါင်းရင်းမြစ်များ

II. Je Than 19:15

Ke haba Hezekia ame hic hnyi hnyimakö Iehova, me ha, ka habe, Iehova lö, Khongu Isaraela, at ame laba hnyi wanben li kerubi, u thibi Khong hnyi ta je dökhu hia eang hmeledrany; u je op drany me hmeledrany.

I. Man Ûlabainy Je Than. 16:26

Anyin a je idola thibi je khongon ta je hnyei: Anyin a Iehova ame op je drany

II. Man Ûlabainy Je Than. 2:11

Me haba Hirama than Turo ame thu hnyi tusi a kunâ kö Solomona, ka habe, Anyin a Iehova ame betenge ge lakeiny, me ame otilö u he ka tuhödrin.

Nehemia 9:6

U thibi Iehova, a hake u; u je op drany, wale dranyin ta je drany, me je ûnyi hia hnyin, me hmeledrany me ta je ûnyi hia hnyin, je köiö hia me ta je ûnyi hia hnyin, te u me tuö hia; ke ame khudrung köu ta je ûnyi hia hnyi drany.

Jobu 26:13

E ame osoâ drany ge hanon; Ke hnyamen ame dâ on ame kec.

Jobu 38:4

U uaji hnyi ûen oge me ip taben hmeledrany? U je ne wâhmakhmetoâ, awe ha thö.

Jobu 9:8

Hake e ke thibi at ame lau drany, Me uto hon je waköiöiny köiö

Salamo 102:25

U je hia but bi taben hmeledrany kâû adrem; Ke haba ta je drany me wale huliwa anyin li hnyamâm.

Salamo 104:24

Iehova lö, shaiba ge ûsehiainy ânyâm ta je huliwa! U je hia but huliwan hia thithö ge metâ: A unöngötö hmeledrany ge tang omjehem.

Salamo 104:30

U je kunâ hanom, me adre me up ödra; Ke u je ohâtâ hnyimakan kânâ.

Salamo 115:15

Öbun e hnahic ut ga Iehova, At ame op drany me hmeledrany.

Salamo 121:2

Haba ûhadruo nya me ûnyi ga Iehova, At ame op drany me hmeledrany.

Salamo 124:8

Haba iö Iehova ame hadruʼ öta, At ame op drany me hmeledrany.

Salamo 134:3

E so he ka hahnahici u ûheny Ziona hnö Iehova; Wale at ame op drany me hmeledrany.

Salamo 136:5

Kâu at ame op drany hnyi metâ: Anyin a nyiele balua anyin ibetengiö,

Salamo 146:6

Waleji ame op drany me hmeledrany, Me köiö me ta je ûnyi hia thithö hnyin; At ame tuö hnathu nyiele balua:

Salamo 33:6

Adre me op drany ge hofuc ho Iehova; Ke ta je ûnyi hia hnyin ge homenâiny hnyimen.

Salamo 33:9

Anyin a e ame fuc, me ame aat: E ame hûna, me ame tethmâ.

Salamo 8:3

Oge me wâ hmâ ânyâm drany a huliwan ge ta je banyâm, Wale tehi me ta je okhû u je hia but otilâ;

Salamo 8:4

Ehö at bi, mʼ u me ke ka ûnykûme gan? Me nokon at, mʼ u me he ka senâ?

Salamo 90:2

Adre me tiga ca hnokoâ ta je bucen, Kʼ u tiga ca op hmeleledrany me hon kânâ, Waleji hwân adrem balua ke ne o but nyiele balua, u thibi Khong.

Salamo 96:5

Anyin a haba je khongon ta je hnyei hia thithö wale, a je hnatheat; Ke haba Iehova ame op ta je drany.

Esodo 20:11

anyin a Iehova ame op hnyi siks ta bong drany me hmeledrany, me köiö me ta je ûnyi hia eû hnyin, kʼ ame menâ hnyi bong a seveniny: waleling me me hahnahicâ bong sabath hnö Iehova me o kbâ.

Esodo 31:18

Ke e ame ham kö Mose li veto ae lau anyin ûnyi hnân ohnatho, li veto ae lau a sihnalimen ge hnyamen Khong, hnyi ûen e ame um dö ûhnenamö më hon bucen Sinai.

Ta je Vejec 16:4

Iehova ame op ta je ûnyi hia he ka ve hu hanymen: Eke, me at minya ae kong hobi kâu bong ae kong.

Ta je Vejec 3:19

Iehova ame bi taben hmeledrany hnen metâ; M otilâ drany hnen wâ ûnykûmâ

At Khet 12:1

KE ûnykûme ju At a up u hnyi je bonginy ânyâm hidröu, e tiga ca o ta je bong ae kong, me tiga ca hakekeny bi ta je huna wale u me he ka ha hnyin, ka habe, O ge me ca senyinâ hmetu e;

Isaia 37:16

Iehova tuhan sabaoth lö, Khongu Isaraela, ke at ame laba wanben li kerubi, u thibi Khong, a hake u ke, hnyi ta je dokhu hia eang hmeledrany; u je op drany me hmeledrany.

Isaia 40:21

Hawa, e ca khanʼ öbun? öbun e ca long? kʼ adre ca thumetu öbun ûnyi hnyi can? kʼ öbun e ca wâhmakhmeto hwân hnyi hna bi taben hmeledrany?

Isaia 40:26

Bwela thʼ öbun goranyai, me wâ, ia op ta je ûnyi e, ke ame su anyidra ta je dö hnyi ûseidra: e ame ve hawâ ta je iödra hia thithö; ke haba hnyi ûganiny maniny man, ke can hwegien ae gan, me ame ca hia bi khaca.

Isaia 40:28

Hawa, e ca khanö u î u me ca long? a Khong nyiele balua, a Iehova, at a op je can hmeledrany e ame ca mat, me sēnyin; ca hnân bi wâ anyin metâ.

Isaia 42:5

Walang hna ha hnö Iehova a Khong, at a op drany, me ulolo e; at a olauâ hmeledrany me ta je ûnyi ame kû hnyin; at a ham homenâ ka tavat hia thithö hon e, ke hanu ka tavat adre me vheno e:

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Isaia 51:13

ke u me hnying Iehova bi At a up u, at ame ulolo drany kʼ ame bi taben hmeledrany; ke u me labö outen hnyi ta je bong hia can wathethot anyin at ûöveci, hnyi ûen e ame penapena he ka ohia? ke e but ua hmonyin anyin at ûöveci?

Isaia 51:16

Ke oge hia but ip hok ta je hofuc hnyi hnyimâm, me tubi u hnyi hmenon hnyamok, mʼ oge me he ka ohmâ drany me bi taben hmeledrany, me ha kö Ziona, ka habe, U ik hnyei.

Isaia 65:17

Anyin a wâ bi, inya oge me op drany a teb ûnyi, me hmeledrany a teb ûnyi: ke adre me ca he bi ka ûnykûme ta je ûnyi a bân, kʼ ame ca he ka o eû hnyi hnyekon at.

Jeremia 10:12

E thibi at a op kânâ ge maniny man, e ame otilâ hmâ hmeledrany ge anyin metâ, me ulolo drany ge anyin wâhmakhmeto:

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Jeremia 51:15

E ame hia but op drany ge maniny man, me otilâ hmâ ta je hnyei ge anyin metâ, me ulolo drany hnen anyin wâhmakhmeto:

Zakaria 12:1

WALANG hok, wale hofuc ho Iehova ge Isaraela.

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mareko 13:19

Anyin ame he ka hu vec hnyi je bong eling, ae ba helâe hnyi hwân hna op ta je ûnyi hia, waleji a op hnen Khong ke ne o but walang ang, ke ba minya ame he ka helâe.

Ta je huliwa 14:15

ka habe, je than lö, ieû gabun öbun e ânyâ je ûnyi e? Ohmu li at ang helâ me öbun, öhme hom köbun ûthumetu ae so, mʼ öbun e he ka hna degecâ ta je ûnyi e ae ûuyi baû, me hwio ka Khong ae möt, at a op drany me hmeledrany me köiö, me ta je ûnyi hia hnyin:

Ta je huliwa 17:24

Haba Khong at ame op hmeledrany me ta je ûnyi hia eû hnyin, e thibi Tuhan drany me hmeledrany, e ame ca laba hnyin ta je uma adre ânyâ ge je hnyamen;

Ta je huliwa 4:24

Ke ödrin e hia but long, me ödrin e ha ka Khong hnyi hnyok a khaca ke hwege ifucidrin, ka habe, Tabony Than lö, u thibi at a op drany me hmeledrany, me köiö, me ta je ûnyi hnyin:

Roma 11:36

Anyin a haba ta je ûnyi hia thithö, me ûnyi gan, me hnen e, me hnân hobi kâu, E so he ka ogânâ e nyiele balua. Amen.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

Efeso 3:9

me he ka omelamâ tavat hia, mʼ adre me he ka wâ hna penapena ae iyong adre ikhâlâ adrem unyin Khong wale at ame op ta je ûnyi hia thithö;

Heberu 1:10

Ke haba khaca, Than lö, u je hia but bi taben hmeledrany hnyi can, Ke haba je drany, me huliwa ling anyin li hnyamâm:

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;

Heberu 11:3

Ate me wâ hnen labageju a gʼ adre me ânyâ ta je ûnyi hia thithö hnen hofuc hwan Khong, me adre me ca op ta je ûnyi adre me wâ ûnyi hnyi ta je ûnyi ae manen.

Heberu 3:4

Anyin ae hu tavat adre me otilâ ta je uma hia; ke Khong at ame op ta je ûnyi hia thithö.

II. Peteru 3:5

Anyin ae wedra bi he ka hnying ûnyi eang, ka habe, walethö drany kâû adrem, me hmeledrany minya, waleji adre tretraoâ ge köiö ke ûnyi hnyi köiö hnen hofuc hwan Khong;

I. Ioane 1:1

HABA ûnyi ae ûnyi hnyi can waleji öhmun e löng me wâ ge je emaköhmun, me wâ hmâ, me kâlâ ge je hnyamöhmun, hnyi Hofucin Möt

Hna Omanenâ 10:6

me khemanyin ge at ae möt nyiele nyiele balua, waleji a at ame op drany me ta je ûnyi a e hnyin, me hmeledrany me ta je ûnyi a e hnyin, me köiö me ta je ûnyi a e hnyin, ka habe, E ba hmetu ûen:

Hna Omanenâ 14:7

ke e ame ha ge ifucin ae gan, ka habe, Outen ju Khong, me ham kâu hna ogânâ; anyin a o but ûen ûhnei gan: ke khudrung ju kâu at a op drany, me hmeledrany, me köiö me je an ame pupua.

Hna Omanenâ 21:6

Ke haingen könya, ka habe, Adre hia but ânyâ. Inya Alefa me Omega, wale hwân me obiny. Oge me he ka ham bâûâ köien möt ame pupua ka at ame beic.

Hna Omanenâ 22:13

Inya Alefa me Omega, wale bân me biliny, a can me obiny.

Hna Omanenâ 3:14

Ke sihnalimen ju ka angela anyin ekalesia hnyi Laodikea, ka habe, Walang ta je ûnyi ame ha hnen Amen, at ohnatho ae hnathu me wisa, waleji a at a hwân ta je ûnyi hia thithö a op hnen Khong:

Hna Omanenâ 4:11

U thibi ae ûcû, Than a Khonguhmun, he ka kap hna ogânâ, me hna ogöranyâ, me man: anyin a u je op ta je ûnyi hia thithö, ke haba ta je ûnyi e me hobi kâu wem, ke u je op minya.