Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filipi 4:17 - Iaai Bible 1901 (New Caledonia)

17 Ke oge me ca elâm bwihlany; ke oge me heleû wan bi, me me se hia but troban köbun.

အခန်းကိုကြည့်ပါ။ ကော်ပီ




Filipi 4:17
26 ပူးပေါင်းရင်းမြစ်များ  

Haba at ame betenge ge at ae theduoc, me ame më ham kö Iehova, Ke e ame he ka bi hwaban hnen hna ânyâ ae so.


EKÖLÖ gak! anyin a iny ûcû me ûö adre me tau wan, ke iny ûcû me hna hlo wan vine: ke ba hmetu bi wan vine hnân ic; me wan meta a bân wale ame wek hnen hanuk.


Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.


Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.


Hnân ogânö Cica, öbun ka he ka wa gan hmâ; ke helâe öbun e he ka bi latök.


Anyin a wale, iny ka hia but umo e, me ohmâ kodra wan eang, me oge me he ka he unyibun iny ka he Sepania ai.


Inya oge me ha hmetu, ka habe, Ca he bi ke at ka ûnykûme a iny monu but; ke a ne ûnykûme helâe, awe, köp nya thö helâ me monu, me inye na hnyi ohobeluö nya thö.


Anyin a wale oge me ûnykûme ae ûnyi hnathu he ka khöû ka ta je liamekeiny he ka bodrin köbun me penapena ta je ûnyi hnyi anyibun ibetengiö, waleji öbun e ha bânâ ehac, mʼ öbun e he ka penapena e, helâ me ûnyi hnyi ibetengiö, ke ca helâ bi me hna behânâ.


mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.


Ke oge me ca ha ge anyik theduoc: anyin adre hia but nö nya he ka sekuk hnyi ta je hwakecin hia.


Ke adre me ca ō ʼhmun bala a öhmun e ha hofuc ûtakû, e khanʼ öbun e, ke öhmun e ca huliwa hnyi behu, Khong ame ohnathoâ;


ca at ame beijem gânâ waina, ke at ame ca ûkûc; e so e menyik, me ca at bi ame iwatretra, ke ca at hnyokâ mone:


Haba hnyok ka mone, me wale iwân ta je monu hia thithö ae ve bongon: waleji ame hnu hoton hnen keihen mʼ adre me osaûʼ ödra but ûnyi hnyi labageju, ke adre me ka hamödra bi dâ fineci ödra bi hnen ta je vec ae se hia.


Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;


E so e he minya tavat unyita he ka nâ ka ânyâ ta je huliwa ae so, me me hu ta je ûnyi ae ûnyi hnathu, wâ adre nye ca wa but.


anyin a ca hwakecin ae ca wisa Khong, me me he ka hnying anyibun huliwa, me ibetengiö öbun e omanenâ ka hnyi ien, wale hnyi hnobun hna bi athnyabainy wakap, me labö bi athnyabaidra.


Tuö ju hna hat mamoe e unyibun, me bi homakan, ca ge musi, ke so bi ge weny, hoton Khong; ke ca ûnyi ge behu omjeû, ke so bi ge hnyok ame weny;


ödra hnyat adre me hna degecâ gethen ae wisa, kʼ adre me he monu, kʼ adre me hnu hoton gethen de Balaama nöku Beora, waleji at ame hnyokâ hwaban hwakecin ae ca wisa;


Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.


E köiö gadra! anyin adre me vheno gethen de Kaina, me patrutrua ka hnyi monu anyi Balaama hnân hwaban, me mok hnyi ivinö anyi Kora.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ