Filipi 3:12 - Iaai Bible 1901 (New Caledonia)

¹² Ca ûnyi bi hnyi hnok hna hu walang ang, ke ca ûnyi minya bi hnyi bekhöt a soik walang ang: ke so bi inya bala oge me hnu hoton, me inye he ka kât ûnyi ame kot nya ka hnyin Keriso.

Filipi 3:12 ပူးပေါင်းရင်းမြစ်များ

Jobu 17:9

Ke so bi ame he at ae wisa ka vheno balua deny gethen, Ke ame he ka hwege tot at ae tren li hnyam ae kalaöt.

Salamo 119:5

E na tethmâ ju dek ta je gethen He ka vheno ânyâm ta je hnanyibu!

Salamo 138:8

Ame he Iehova ka obekhötâ hobi könya: Iehova lö, nyiele balua ânyâm ibetengiö; Ca hna degecâ bi ta je huliwa anyin li hnyamâm.

Salamo 42:1

HELÂ me aila ame he momokhon ka hnyi ta je wagewe, Helâe minya hanuk ame mokhon köu, Khong.

Salamo 63:8

Ame hwege he hanuk hotom: Haba at ame ci nya, me, hnyamâm a metâm.

Salamo 84:2

Ame ti weny hanuk, eke, ame mokhon ae behe ka hnyi je hnyeule Iehova; Ame khumöng senyin hnyekuk me vik ka Khong ae möt.

Salamo 94:15

Anyin ame he ka hmetu thö hna owisa ka hwakecin ae wisa Kʼ ame he tavat adre me hnyok wisa hia ka hnu hoton e.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Isaia 51:1

LING nya ju öbun tavat öbun e hnu hoton wisa, tavat öbun e elom Iehova: wâ ju kic adre subʼ öbun ûnyi hnyin, me hwanumen thop adre hiny öbun hnyin.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Mataio 5:48

Anyin a wale hamöbun he ka wisa helâ me iwisainy Kamöbun ethö hnyi drany.

Ta je huliwa 9:15

Haba Than ame ha kâu, ka habe, He thö, anyin adre ûca e hnân anyik utkaia he ka kap tilâ iök ka Aten ke je hnyei, me ta je than, me lakon Isaraela:

Roma 8:39

me dok ae görany, me dok ae dit, me ke ûnyi adre hia but op, e ca khana ta je ûnyi e he ka oûsâkâû öta me ibetengiö anyin Khong unyi Keriso Iesu a Tuhöta.

I. Korinito 13:10

ke e ka o but ûnyi ae bekhöt, me adre me he bi ka ohia ûnyi ae ca bekhöt.

I. Korinito 13:12

Anyin a walang ang ate me bwele hnyi uselat ae hûkehmuen; ke haba nyiele, me ûhnyimakötaköu: walang ang e khanö nya thibi hanen; ke nyiele oge me he ka wâhmakhmeto helâ me hnödra hna hia but wâhmakhmetu nya.

I. Korinito 9:24

E ca khanʼ öbun a haba tavat adre me wadring hnyi ûölogot, me adre me tha wadring hia, ke khaca thibi at ame he ka hok hwaban? E Wadring thʼ öbun helâe, mʼ öbun e he ka hu.

II. Korinito 13:9

Anyin öhmun e sēnyin; a ne hwege öbun kʼ öhmun sënyin bi: öhmun e hic miny mʼ öbun e he ka bekhöt.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Galatia 5:17

Anyin a haba unyin ame ûö bi ûnyi me Hanu, ke haba Hanu ame ûö bi ûnyi me unyin; anyin a ödru li at ûö bi ûnyi köu ödru; waleling me öbun e ca ânyâ bi ûnyi ame webun.

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Efeso 4:12

hnân he ka owisa wakap, me he ka hom hadruâ huliwa, me he ka op tavat goranyai unyin Keriso:

Filipi 1:1

INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona:

Filipi 3:16

ke haba hnöta hna o ka hnyin, me so ate me he bala bi hnyi ûnyi eling.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

I. Thesalonika 5:15

Ca he ke at ka bi hwaban monu ge monu ka ke at; ke hnu bala hoton so unyibun bi, me tavat hia.

II. Thesalonika. 2:13

Ke hamöhmun he ka oleâ bala bi gabun, hnyat me lakeiny a laoûnykûminy Than, anyin a Khong ame ûcʼ öbun ûnyi hnyi can he ka möt, hnyi hna okabâ hnen Hanu, me he ka kap hnathu.

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

I. Timoteo 6:19

me he ka ip hobi kodra bi tang om jeû ae so hnân hobi kâu nyiele, mʼ adre me he ka kât möt wale möt ae hnathu.

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

Heberu 12:23

ke ka hnyi ûkhacaköu ae bekhöt, ke ekalesiainy watö wale adre me sihnalimi ʼdra hnyi drany, ke ka Khong At owisa tavat hia, me ka ta je hanon tavat ae wisa hwakecidra adre obekhötâ,

Heberu 13:21

e so e ame he ka wia wisai öbun hnyi ta je huliwa ae so he ka ânyâ weny, me huliwa eû hnyita, ûnyi hnân kû senyin hnyi hnyimakan, a deny Iesu Keriso; e so e unyin hmanenang nyiele nyiele balua. Amen.

Iakobo 3:2

Anyin ate thö hia thö hnyi ta je ûnyi ae se hia. A ne ca thö at hnyi hofuc, awe, e wisa at e, ke e khana he ka tha hom ûhnyûkongo unyin.

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.