Filipi 2:5 - Iaai Bible 1901 (New Caledonia)

⁵ E so eû hnyi je hnyekubun ûnykûme eang, wale ame ûnykûme Keriso Iesu:

Filipi 2:5 ပူးပေါင်းရင်းမြစ်များ

Mataio 11:29

Kap ju anyik ûnyi hnân ûhûkâlâköaâ hubun, me nâ thö ûnyi gak; anyin a iny menyik ke hnyikânâ hnyok, me öbun e he ka wâ hna menâ hobi kâu ta je hanubun.

Luka 22:27

Anyin a ie at ae beönua, a at ame laba ka han, hawa athnyabainy? hawa ca at ame han? ke inya ang unyibun helâ me athnyaba.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 20:35

Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.

Roma 14:15

Ke a ne hmak hnyekon liamekeiny möu, can âm jeû, awe, u me ca vheno hmetu ibetengiö. Ca he ka ohia hnen âm jeû at a mok Keriso hobi kâu.

Roma 15:3

Anyin a haba Keriso ame ca ka osenyinâ e; ke helâ me hna sihnalimen, ka habe, Haba hna û hnen tavat adre me û u, me ame ta but huk.

Roma 15:5

E so e ham köbun hnen Khongon lingvec me kaukahwa he ka tha hnyok hoton Keriso Iesu:

I. Korinito 10:33

helâ me inya oge me osenyinâ tavat hia hnyi ta je ûnyi hia, oge me ca elâm bi soik, ke so bi soiny tavat ae se hia, mʼ adre me möt ut.

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Filipi 1:1

INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona:

I. Peteru 2:21

Anyin adre hawʼ öbun kâ e: anyin a Keriso ame hom vec minya hobi köbun, me ham köbun tulut, mʼ öbun e he ka cet hwadeny li hnyeûcan:

I. Peteru 4:1

ANYIN a wale haba Keriso ame hom vec hnyi unyin, e so öbun e tet metâ me hnyok helâe; anyin a hia but mok degec hulo hnen at ame hom vec hnyi unyin;

I. Ioane 2:6

haba at ame ha, ka habe, e ame laba eû hnyi hnyekon, me ûcû kâu he ka he helâ me ûheny.