Filipi 2:17 - Iaai Bible 1901 (New Caledonia)

¹⁷ Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

Filipi 2:17 ပူးပေါင်းရင်းမြစ်များ

Numera 28:6

Wale hudiny leû hnyi ta ogo bong hia, waleji adre hûna hnyi bucen Sinai me me bo so, a hut a an ge meic kö Iehova.

Numera 28:7

Ke haba hudiny ic, me ke keihen a vakiny hin hnân bi hanen nokon mamoe a khaca: u me he ka hingâlâ but waina ae hwege kö Iehova hnyi dok ae kap hnân hudiny ic.

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Ta je huliwa 21:13

Haba Paulo ame thu me ha, ka habe, Ieû gabun öbun e tenge me ohluhluâ hnyekuk? anyin a oge hia but penapena, ca ka hnyi ûceat thibi, ke so minya he ka mok hnyi Jerusalema can iö Iesu a Than.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

II. Korinito 12:15

Ke oge me he ka sēnyin he ka ohia omjehek, me ohiö nya minya hobi kâu je hanubun. Ke oge ne hnyok gânâ köbun, hawa, ame he ka ûhnyûkong hnobun hna hnyok könya?

II. Korinito 4:12

Wale me me huliwa mok eû hnyi je hnyekuhmun, ke ame huliwa bi möt eû hnyi je hnyekubun.

II. Korinito 6:10

helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

II. Korinito 7:4

E gan hmâ hnok hna fuc hwege köbun, ke gan hmâ hnok hna hobeluâ gabun: inya at ae unöngöt ge kahwa, oge me ti sēnyin gan hmâ hnyi anyihmun ta je vec hia.

Filipi 1:20

hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

Filipi 2:18

helâe minya, e so öbun e hobâ minya, me tha senyin mönya.

Filipi 2:30

anyin a ne moko ju huliwa anyin Keriso, ke e ame ca oûnyihnathoâ anyin möt, me me he ka hwaböbun hnyi ûen ae hiʼ öbun he ka hadruo nya.

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

I. Thesalonika 2:8

helâe minya öhmun e betenge gan hmâ gabun, me me so kohmun he ka ham köbun ca ûthumetu ae so thibi anyin Khong, ke anyihmun minya bi möt, anyin a öhmun e ti hnyoki öbun.

II. Timoteo 4:6

Anyin adre me hwân walang ang he ka hudi nya, ke ame o thö ang ûen oge me he ka he but hnyin.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Ioane 3:16

Ke manen köta ibetengiö anyin a e ame hamen ham anyin möt hnân hobi köta: me ûcû minya köta he ka ham anyita möt hnân hobi kâu je liamekeiny.