Filipi 2:14 - Iaai Bible 1901 (New Caledonia)

¹⁴ Ânyâ thʼ öbun ta je ûnyi hia ke ca ulit me ca iwatretra;

Filipi 2:14 ပူးပေါင်းရင်းမြစ်များ

Salamo 106:25

Me adre me ulit hnyi umödra je uma mano, Me ca long ifuci Iehova.

Ta je Vejec 13:10

Ame oâ iwatretra ge bigan Ke hu metâ ge tavat adre me kap ûhnenamö ae so.

Numera 14:27

Oge me he ka hokhnyokâ ke ne o but kehö ûkhacaköu eang ae kong, tavat adre me ulidri nya? oge löng ut ulit anyin lakon Isaraela wale adre me ulidri nya.

Mataio 20:11

Ke adre hia but kap, me adre me ulidro tuhan uma,

Mareko 14:5

Anyin a haba muro ang, adre ne ûco, me ûhnyûkong theri haded je denari hwaban, mʼ adre me he ka ham ka ta je theduoc. Me adre me ulidro momo.

Mareko 9:14

Ke ödrin e o but ka laten, me ödrin e wâ tavat ae se hia igigili ödrin, me hnyat sihnalimen adre me ûhnenamö mödrin.

Luka 5:30

Ke haba ta je Faresaio me tavat sihnalimen unyidrin, adre me ulidro laten, ka habe, Ieû gabun öbun e tha han me ic me ta je telona, me tavat ae kong.

Ta je huliwa 15:2

Haba Paulo me Banaba ödru me iwatetra me ivinö mʼ ödra, me adre me thamuâ he ka kunö Paulo me Banaba me keihen gadra Jerusalema ai ka ta je aposetolo me wahingat, can hnödra hna ivinö.

Ta je huliwa 15:39

Me ödru me iwatetra; me ödru me ûsâkâûö but, haba Banaba ame hawo Mareko, me tabâ hu Kupero ai;

Ta je huliwa 15:7

Adre hia but ivinö gan hmâ, me ame todrö Peteru me ha ködra, ka habe, Hnyat me lakein lö, e khanʼ öbun dut ehac a hnen Khong hna ûca ke at gabun, me me he Aten ta je hnyei ka hnyi long hofucin ûthumetu ae so ûnyi hnyi hnyimök, me me labageju.

Ta je huliwa 6:1

AME gan tot ûseiny laten hnyi je bong e, ke ame kû thö ulit ge at Helenisi ka at Heberu, anyin adre me hnying ut ta je safac gadrin hnyi hna khenâ ta ûnyi hnyi je bong hia.

Roma 12:18

Laba ûsoköu me tavat hia a ne khanʼ öbun.

Roma 14:1

KAP dö at ae sënyin hnyi labageju, ca hnân he ka iwatretra hna loloâ.

Roma 16:17

Inya oge me sumat Öbun hnyat me lakeiny, möbun e wâhmakhmetu ödra ju, waleji a tavat adre me okûâ imouköu me hnân öthöâ, wale ta je hwakecin ae ca ûcû bi me hnobun hna ûne: ke ûsâkâû mödrae

I. Korinito 10:10

Ke ca he minya öbun ka ulit, helâ me keihen gadra adre me ulit, me adre me mokcu ge at ame ohia.

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

Galatia 5:15

Ke öbun e ne ûhûlû, me ûönöbunköu, ö ʼbun âu, wâ öbun nye he ka ûohiöbunköu.

Galatia 5:26

Ca he öta ka weta lung baû, me ûhmönyinköu, me ihunyinköu.

Filipi 2:3

ca ânyâ ke ûnyi hoton ihunyinköu, me bi gan, ke so he ka ve hu hnyok ae hnyikânâ, me ve ogânâ ke at me ke at;

I. Thesalonika 5:13

me oûnyihnathu ödrin hmönyin hnyi ibetengiö can anyidrin huliwa. E so öbun e laba ûsoköu.

I. Thesalonika 5:15

Ca he ke at ka bi hwaban monu ge monu ka ke at; ke hnu bala hoton so unyibun bi, me tavat hia.

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

Iakobo 1:20

anyin a ca hnân he ka okûâ hwakecin ae wisa anyin Khong, hmonyin anyin at.

Iakobo 3:14

Ke a ne hu gabun eû hnyi je hnyekubun ihuhnyi-nköu ae hiny me imouköu, me ca he bi ka hobelöu, ke ca thoi bi ka hofuc ae hnathu.

Iakobo 5:9

Hnyat me lakeiny lö, ca iulitköuâ ju, mʼ adre me ca he ka hângʼ öbun bi; wâ bi at ame owisa ame tot eû hnyi je hwanuma.

I. Peteru 3:11

E so e ame saû but ûnyi hnyi hulo, me mâdrâ so; E so e ame elâm ûsoköu, me hnu hoton e.

I. Peteru 4:9

Imetenyimwi ju ke at ka ke at, ke ca ulidro bi;

Juda 1:16

Ödra tavat ulit, me tavat fuc, adre me he hoton ta je wedra ae kong (ke ame fufuc je hnyimödra) kʼ adre me ogânâ at me me hu troban bi kodra.