Filipi 1:8 - Iaai Bible 1901 (New Caledonia)

⁸ Anyin a Khong ame ohnathu nya ae gan hmâ hnok hna hnyok köbun hia ûnyi hnyi ibetengiö ae gan anyin Keriso Iesu.

Filipi 1:8 ပူးပေါင်းရင်းမြစ်များ

Jobu 16:19

Ke walang ang, wâ bi, e hnyi drany at ame ohnathu nya, Ke e hnyi dok ae gorany at ame haiwisö nya.

Isaia 16:11

Anyin a wale ame fuc hnyekuk helâ me kitara can Moaba, kʼ ame fuc hnyekuk can Kira-heres.

Isaia 63:15

Wâ ju ûnyi hnyi drany, me wâ ûnyi hnyi hnyabam ae kap me hmanenang; ewa wem ae hwege me hna ânyâ hnen manâm man? adre hom behânâ medien hnyekom me ânyâm betenge könya.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Luka 1:78

Ûnyi hnyi ibetengiö ae menyik anyin Khonguta. Anyin a wale ame he haolany ka senʼ ota,

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Roma 9:1

INYA oge me ha hnathu ûnyi hnyi Keriso, oge me ca thoi bi, ame ohnathu nya hnen anyik ûnykûm sah ûnyi hnyi Hanu Kap,

II. Korinito 13:9

Anyin öhmun e sēnyin; a ne hwege öbun kʼ öhmun sënyin bi: öhmun e hic miny mʼ öbun e he ka bekhöt.

II. Korinito 6:12

Öbun ca ûhnyûkong eû hnyi je hnyekuhmun, ke öbun ka ûhnyûkong eû hnyi je hnyekubun.

II. Korinito 7:15

Ke e ame ti hnyok gan hmâ köbun, me ûnykûme anyibun ûling hia, me hnobun hna ot, me öbubuny hnyi hna kap e.

Galatia 1:20

Ke haba ta je ûnyi oge sihnalimen köbun, wâ bi, oge me ca thoi hnyi hnyimakan Khong.

Galatia 3:26

Anyin a je lakon Khong öbun hia a deny labageju kö Keriso Iesu.

Galatia 4:19

Je lakuk lö, inya hmetu oge me vec hnyekon helâ me at erkini öbun, ke ne o but a e but Keriso eû hnyibun,

Filipi 2:1

ANYIN a wale a ne e unyin Keriso ûökahwa, me otubwelâ hnyi betenge, me tha hnyok unyin Hanu, ame ne ta je ibetengiö ae menyik, me vec betenge,

Filipi 2:26

ke e ame ti weny köbun hia, kʼ ame hmak ge hnobun hna long a ga hu mok gan:

Filipi 4:1

ANYIN a wale hnyat me lakeiny mönya lö, laoûnykûmik me wek, hnok hna senyinâ, ke anyik minya korona, tethmâ ju öbun helâe hnyi Than, laoûnykûmik.

Kolose 2:1

ANYIN ae wek e me khanʼ öbun ûganiny hnok hna ûjöng hwege hobi köbun, mʼ ödra minya hnyi Laodikea, mʼ ödra hia adre me ca hnyi wâ hnyimakök hnyi unyin;

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

I. Thesalonika 2:5

Ke adre me ca ō ʼhmun bala a öhmun e ha hofuc ûtakû, e khanʼ öbun e, ke öhmun e ca huliwa hnyi behu, Khong ame ohnathoâ;

I. Thesalonika 2:8

helâe minya öhmun e betenge gan hmâ gabun, me me so kohmun he ka ham köbun ca ûthumetu ae so thibi anyin Khong, ke anyihmun minya bi möt, anyin a öhmun e ti hnyoki öbun.

II. Timoteo 1:4

ke bewek hmonyin he ka iouny möu mʼ inye unöngötö ge senyin, anyin oge me ûnykûme li deköiâm;

Filemona 1:12

ke oge me kunâ hmetu e köu, ke wale bi e, a hing hnyekuk bi:

Filemona 1:20

Eke, liamekeiny lö, osenyini nya thö ge Than: okahwa thö hnyekuk unyin Keriso.

I. Ioane 3:17

Haba at ae hu ta ûnyi eang hmeledrany, kʼ ame wâ liamekeiny më ae theduoc, kʼ ame thelöng oûnykûminy gan, me ame he ka kâmâu hnyok ka Khong ka laba eû hnyin at e?