Filipi 1:28 - Iaai Bible 1901 (New Caledonia)

²⁸ ke ca outen bi ta je iwahnaihmiöny: wale a ke ûnyi hnân haten hnaûhango, ke haten bi möt köbun, a ûnyi ge Khong e;

Filipi 1:28 ပူးပေါင်းရင်းမြစ်များ

Genese 49:18

Iehova lö, oge hia but halubahingen ânyâm ûhomeli.

Salamo 50:23

Haba tavat hia adre me hudo ole, me adre me oganö nya; Ke oge me he ka omanenâ ûhomeli anyin Khong Ka at ame penapena deny gethen.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mareko 3:3

Ke e ame ha ka at ae meleca hnyamen, ka habe, Todrö hnyi wanben.

Luka 3:6

Ke ame he tavat hia thithö ka wâ, ûhomeli anyin Khong.

Ioane 16:8

Ke haba e, e ka o but, e ame he ka ohmâkâ hmeledrany ge hwakecin ae kong, me hwakecin ae wisa, me hna owisa:

Ta je huliwa 28:28

Anyin a wale, wâhmakhmeto ju Öbun, a gʼ adre hia but kunâ ûhomeli eang anyin Khong ka Aten ta je hnyei: me adre me he minya ka long.

Roma 8:17

ke a ne lakon, me ame he ka je mâtrân bi; wale je mâtrâniny Khong, ke tha je mâtrân me Keriso: ate ne tha vec më, mate me be ka tha hmanenang mē.

I. Thesalonika 2:2

ke adre hodra ka oveci öhmun me okongu öhmun hnyi Filipi, wale ae khanʼ öbun, ke Öhmun e hnyok hwege ûnyi ge Khong he ka ha köbun ûthumetu ae so anyin Khong me vec ae gan hmâ.

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.