Filipi 1:27 - Iaai Bible 1901 (New Caledonia)

²⁷ E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so;

Filipi 1:27 ပူးပေါင်းရင်းမြစ်များ

I. Man Ûlabainy Je Than. 19:12

Ke e ame ha, ka habe, A ne hwege huk at Suria, me u me he ka hadruo nya: ke ame ne hwege hom lakon Amona, me oge me he bi nya ka hadruo u.

Salamo 122:3

Wale Jerusalema adre op Helâ me taun adre ûhûjâköuâ wia:

Salamo 133:1

WÂ bi, e ti so me kese hmönyin He ka tha laba je liamekeiny me ûhnyoköu!

Ta je Vejec 22:23

Anyin ame he Iehova ka ivino hobi ködra, Me hûgûnâ melen tavat adre me sei ödra.

Jeremia 32:39

ke oge me he ka ham kodra hnyok a khaca, me gethen a khaca, mʼ adre me he ka outö nya balua; mʼ adre me he ka so, me je lakudra hwabödra:

Mataio 12:25

Ke e ame wâ je ûnykûmenödrin, me e ame ha ködrin, ka habe, Haba je dökhu hia adre imouköu gadra, me ame he ka ba wan; ke ame ca he ka tethmâ taun ame ne hnyaba adre me imouköu gadra:

Ta je huliwa 2:46

Ke adre me laba bala me hnyok a khaca hnyin uma kap hnyi je bong, me susubâ areto hnyi ke uma me ke uma, me an ö ʼdra jeû me senyin me hnyok a khaca,

Ta je huliwa 24:24

Ke hwaban ke je bong ame o but Filiki me Drusila a âiân momo Juda, me e ame hum Paulo he ka long gan bongon labageju ka Keriso.

Ta je huliwa 4:32

Ke haba ûseiny tavat adre me labageju, adre me tha hnyok me tha ûnykûme: kʼ ame ca ha bi ke at gadra, a ga ka anyin bi ûnyi eling e ame hu; ke ka tha anyidra thibi.

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

Roma 1:5

öhmun e kap betenge baû a deny e, me hanymen aposetolo, mʼ adre me he ka long hoton hna labageju hnyi ta je hnyei hia ûnyi ge ien:

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Roma 10:8

Ke ieû ame ha? walang, E hakekeny köu hofuc, e hnyi hnyimâm me hnyekom; wale hofuciny labageju ohmun e khetâ:

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

Roma 15:29

Ke e khanö nya, a iny ka he ka he köbun, me oge me he ka o but hnyi unöngötiny hnahic ge Keriso.

I. Korinito 1:10

Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca.

I. Korinito 15:58

Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

II. Korinito 9:13

anyin adre me ogânâ Khong hnyi haten huliwa eang, me hnyi hnobun hna long hoton uthumetu ae so anyin Keriso, wale öbun e hom, me hnyi ibetengiö ae gan hmâ kodra me tavat hia;

Galatia 1:7

ke ca ke evangelia bi: ke haba keihen adre me ohluhlu öbun, me bewia evangelia anyin Keriso.

Efeso 1:13

waleji öbun minya, öbun e long hofuc ae hnathu, wale ûthumetu ae so hnân hobi kâu anyibun möt, —waleji öbun e labageju kâu, kʼ adre me otethmʼ öbun hnen Hanu Kap waleji adre me ha bânâ,

Efeso 1:15

Waleling, inya oge me long anyibun labageju ka Than Iesu, ke manen e ka wakap hia,

Efeso 4:1

ANYIN a wale inya at adre cö nya can Than, inya oge me khöu köbun he ka he hoton hna hawʼ öbun ka hnyin,

Filipi 1:5

anyin a öbun e tha hnyok hnyi ûthumetu ae so, hwân hnyi bong a bân ke ne o but walang ang;

Filipi 2:12

Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny;

Filipi 2:24

ke inya oge me labageju ka Than a oge me he ka ie o minya

Filipi 3:18

Anyin ae se hia tavat adre me he, kʼ oge me ibi ose hai odra köbun, kʼ oge me ha tengiâ walang ang, a ödra je iwahnaihmiony me satauro anyin Keriso:

Filipi 3:20

Ke öta aten drany ethö; kʼ ate me halubahingen At ûhomeli ûheny thö, wale Than Iesu Keriso;

Filipi 4:1

ANYIN a wale hnyat me lakeiny mönya lö, laoûnykûmik me wek, hnok hna senyinâ, ke anyik minya korona, tethmâ ju öbun helâe hnyi Than, laoûnykûmik.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 1:4

anyin a öhmu me long anyibun labageju ka Keriso Iesu, me anyibun ibetengiö ka wakap hia,

I. Thesalonika 3:6

Ke walang ang ame o but kohmun Timoteo ûheny unyibun, me thumetu öhmun ge hofuc ae so ge anyibun labageju me anyibun ibetengiö, me hnobun hna ûnykûmi öhmun bala, me webun gan hmâ he ka ö ʼhmun, ke helâ öhmun köbun;

I. Thesalonika 4:1

KE walang obiny, hnyat me lakeiny lö, öhmun e sumat me ûjengi öbun ge Than Iesu, ka habe, haba hnöbun hna kap gahmun ge bongon he a öbun, me me osenyinâ Khong, ke öbun e he helâe,— mʼ öbun e he ka hwege tot hnyin bala.

I. Timoteo 1:11

hoton evangelia ae hmanenang anyin Khong ae tren hnahic, waleji adre me hna könya.

I. Timoteo 1:19

he ka kât labageju me oûnykûm ae so; waleji ame hna degecâ keihen adre öûâ but anyidra labageju:

II. Timoteo 4:7

Oge hia but vâtâ vat ae so, oge hia but umo hna ûö logot, oge hia but kât hmâ bala labageju:

Tito 2:10

ke ca hwenenöu bi, ke so adre me omanenâ but hwakecin ae hnathu me so; mʼ adre me he ka ohmanenangâ hnyi ta je ûnyi hia thithö hna ûne anyin Khong At omeli öta.

Filemona 1:5

anyin oge me löng ut ânyâm ibetengiö, me ânyâm labageju ka Than Iesu, me ka wakap hia thithö;

Iakobo 3:18

Ke haba wan hwakecin ae wisa, me adre me tä hnyi ûsoköu hnen tavat adre me okûâ ûsoköu.

II. Peteru 3:11

Ke can ame he ka hia ta je ûnyi e, me ieû hwakecin ae ûcû köbun? hawa e ca so öbun e he ka tavat ae hnathu hnyi hwakecin ae kap me hwakecin ae ûcû me Khong,

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

Juda 1:3

Hnyat a oûnykûmik lö, oge me wek hmonyin he ka set köbun ge möt adre ham gânâ köta, kʼ ame ûjongi nya hnyekuk he ka set köbun me sihwegi öbun, mʼ öbun e he ka hwege ûsabû ûöhwege hobi kâu labageju, waleji adre tha ham ka tavat ae kap.