Filipi 1:20 - Iaai Bible 1901 (New Caledonia)

²⁰ hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

Filipi 1:20 ပူးပေါင်းရင်းမြစ်များ

Salamo 119:116

Ci nya thö e ûcû me hwâm hofuc, mʼ oge me he ka möt: Ke ca hnö nya bi he ka hmehma ge hnok hna gejon.

Salamo 119:80

E so e ba hnyikongon hnyekuk hnyi ânyâm ta je hnanyibu; Me inye ca he ka hmehma.

Salamo 25:2

Khonguk lö, oge me labageju köu, Iny na ca he ju ka hmehma; U na ca hna ju je iwahnaihmiony mönyn he ka ngö nya.

Salamo 62:5

Hanuk lö, e so u me he ka laba hnyibû ka Khong thibi; Anyin a ûnyi gan hnok hna gejon.

Ta je Vejec 10:28

Hnân osenyinâ gejon anyin tavat ae wisa: Ke ame he ka hia geju anyin tavat ae kong.

Ta je Vejec 23:18

Anyin e hnathu ame he ka hu obiny; Ke adre me ca he ka subâ degecâ ânyâm geju.

Isaia 45:17

Ke adre me he ka omeli Isaraela unyi Iehova hnyi möt ame ca ba balua: öbun e ca he ka hmehma me hlohlo nyiele balua.

Isaia 50:7

Ke ame he Than Iehova ka hadruo nya; anyin a wale ame ca kong hnyekuk: anyin a wale oge me ânyâ hnyimakök helâ me oût, ke e khanö nya but a oge me ca he ka hmehma.

Isaia 54:4

Ca ot bi; anyin a u me ca he ka hmehma: ke ca hlohlo bi; anyin adre me ca he ka ohmehmai u: anyin a u me he ka hnying hmehma waleji u ka tiga ûhnyûkong, ke u me ca he bi ka ûnykûme hna ohmehmai u waleji u tiga safac.

Ioane 21:19

E ame ha e, ame omanenâ bongon mok ame he ka moko me hnân ogânâ Khong. Ke a hia but ha e, e ame ha kâu, ka habe He hotuk.

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Ta je huliwa 21:13

Haba Paulo ame thu me ha, ka habe, Ieû gabun öbun e tenge me ohluhluâ hnyekuk? anyin a oge hia but penapena, ca ka hnyi ûceat thibi, ke so minya he ka mok hnyi Jerusalema can iö Iesu a Than.

Ta je huliwa 4:31

Ke ödrin e um dö hic, me ame jijing uma ödrin e laba hnyin; me ödrin e unöngöt hia thö ge Hanu Kap, me ödrin e ha hofuc hwan Khong hnen hwege.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 5:5

ke haba gejon ame ca ohmehma bi; anyin adre hia but hingâlâ ka hnyi je hnyekuta ibetengiö anyin Khong ûnyi ge Hanu Kap waleji adre ham köta.

Roma 6:13

ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong.

Roma 6:19

Inya oge me ha helâ me bongon at, anyin ae sënyin je unyibun: anyin a öbun e hna je outhunyibun he ka bi athnyabainy hwakecin ae ikiki ehac me hulo, he ka ânyâ hulo; ke walang ang e so öbun e hna but helâe je outhunyibun he ka bi athnyabainy hwakecin ae wisa me hwakecin ae kap.

Roma 8:19

Anyin a haba hmeledrany ame halubahingen me ti weny gan hmâ hna omanenâ lakon Khong.

Roma 9:33

helâ me hna sihnalimen, ka habe, Wâ bi, inya oge me ip hnyi Ziona veto hnân othöâ me kic hnân öüo: Ke ame ca he bi ka hmehma at ame labageju kâu.

I. Korinito 15:31

Hnyat me lakeiny lö, inya oge me ha hwegiâ hnyi hnok hna hobeluâ gabun ûnyi ge Keriso Iesu a Tuhöta, a oge me mokcu hnyi je bong hia thibut

I. Korinito 6:20

anyin adre hia but ûcû öbun ge hwaban: anyin a wale ogânâ thö Khong ge ta je unyibun bi.

I. Korinito 7:34

E ve bongon bi minya momo ae hu âiân, me hlu. Haba at ae hu âiân ame ûnykûme loloâ ge ta je ûnyi anyin Than, me me he ka kap hnyi unyin me hanu: ke haba at ae hu âiân baga, ame ûnykûme loloâ ge ta je ûnyi anyin hmeledrany, ka habe, ama hawa ka osenyinâ âiân a baga.

II. Korinito 10:8

Eja ke ne a ne ka gan dut hnok hna hobeluâ anyihmun musi, (waleji a ham köhmun Than hnân otilʼ öbun, ke ca hnân bi hagutʼ öbun), oge me ca he ka hmehma:

II. Korinito 3:12

Anyin a wale, öhmun e ha hwegiâ, anyin ae hu gahmun gejon a helâng,

II. Korinito 4:10

öhmun e hom tilâ hnyi je unyihmun mok anyin Than Iesu, me me manen minya but möt anyi Iesu hnyi je unyihmun.

II. Korinito 5:15

ke e ame mok hobi kâu tavat hia, mʼ adre me ca he hmetu ka möt kodra bi tavat ae möt, ke so bi kâu at a mok me möt hmetu thö hobi kodra.

II. Korinito 7:14

Anyin a ne hu hnok hna ohobeluâ kâu ûnyi gabun, iny ca hmehmâ bi; ke öhmun e ha ta je ûnyi hia köbun hnyi hnathu, helâe minya adre wâ ae hnathu hnöhmun hna ohobeluâ, waleji oge ânyâ hnyi hnyimakö Tito.

II. Korinito 7:4

E gan hmâ hnok hna fuc hwege köbun, ke gan hmâ hnok hna hobeluâ gabun: inya at ae unöngöt ge kahwa, oge me ti sēnyin gan hmâ hnyi anyihmun ta je vec hia.

Filipi 1:14

ke haba hna cö nya, me ame ha hwegiâ je hnyat me lakeiny ae se hia unyin Than, mʼ adre me hwege hmonyin he ka ha hofuc hwan Khong me ca ot.

Filipi 2:17

Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

I. Thesalonika 5:23

Ke so ame he Khongon hnahic ka tha okabi öbun; e na tuö ju je hanubun hia thithö, me je hnyekubun, me je unyibun, me me ba hnyikongon, e ka o hmetu Tuhöta Iesu Keriso.

I. Peteru 4:16

ke a ne vec ke at anyin a e Kerisiano ca he ka hmehma; ke so e he ka ogânâ Khong hnyi ien e.

I. Ioane 2:28

Ke walang ang je wanakat lö, laba ju eû hnyi hnyin; me me hu gata hnyok ae hwege, e ka manen dut, mʼ ate me ca he ka hmehma hnyi hnyimakan e ka o but.