Filemona 1:24 - Iaai Bible 1901 (New Caledonia)

²⁴ ke ame italofa möu Mareko, me Aretako, me Dema, me Luka, hnyat ödrin e tha huliwa mönya.

Filemona 1:24 ပူးပေါင်းရင်းမြစ်များ

Ta je huliwa 12:12

Ke a hia but ûnykûme wia, e ame he ka hnyi uma umo Maria hinyö Ioane, ke ien minya Mareko; wale ame ûkhacaköu hnyin tavat ae se hia he ka hic.

Ta je huliwa 12:25

Ke haba Banaba me Saulo, ödru me hmetu ûhedru Jerusalema, kʼ ame um dö hanymödru, kʼ ödru tha hum Ioane, ke ien minya Mareko.

Ta je huliwa 13:13

Ke haba Paulo me anyin bunyen ödrin e tabâ hu ûhedrin Pafo, me ödrin e khop dö Perega hnyi Pamafulia: ke haba Ioane ame hnʼ ödru but me hmetu Jerusalema ai.

Ta je huliwa 19:29

Me ame unöngötö taun ge imonumonuny: ke adre me kot Gaio me Aritako, li at Makedonia, a li at ödre tha he me Paulo, me adre me tha wadring ka hnyi uma mat.

Ta je huliwa 27:2

Me ohmun e ölö ka hnyi hon hu Adamutiu, wale ame he ka kec ka hnyi je taun hnyi hobatköiöiny Asia, me ohmun e kec ut, tha ohmun me Aritako at Makedonia, ûheny Thesalonika.

II. Korinito 8:23

A ne ke at ame hnei ga Tito, awe, e at ame tha e mönya, me at ame tha huliwa mönya köbun; ke adre ne hnei minya ge liamekeiny mötu, awe, ödru li ûthumetu anyin ekalesia ke hmanenanginy Keriso.

Filipi 2:25

Ke inya oge me ûnykûme me ûnyi hnathu he ka kunö Epaferodito köbun, ke liamekeiny mönya, at ame tha huliwa me tha vat mönya, ke anyibun bi metâ, kʼ ame hadruo nya hnyi anyik theduoc;

Filipi 4:3

Eke, oge me sumatö u minya at ame hadruo nya hnathu nya, ka habe, hom hadruâ thö omomo tavat adre me tha huliwa mönya hnyi ûthumetu ae so, me jia Kelemene minya, me keihen tavat adre me tha huliwa mönya, a eû hnyi tusiny möt je iödra.

Kolose 4:10

Ame italofa mʼ öbun Aritako at adre tha ca mönya, me Mareko liamekeiny me Banaba (oge me hûna köbun gan, e ka o köbun mʼ öbun kap ju),

Kolose 4:14

Ame italofa mʼ öbun Luka, at tren bubuny a oûnykûmik, me Dema minya.

I. Peteru 5:13

Haba ekalesia hnyi Babulona, wale adre me tha ûca möbun, me ame italofa mʼ öbun; ke helâe minya Mareko a nokuk.

III. Ioane 1:8

Anyin a wale e ûcû köta be ka kap soâ tavat helâe, mʼ ate me he ka tha huliwan hnathu.