Filemona 1:22 - Iaai Bible 1901 (New Caledonia)

²² Ke wale minya eang penapena thö ke dok mʼ oge me he ka laba hnyin: anyin a inya oge me gejon adre me he ka hnö nya köbun ûnyi ge maniny hijibun hic.

Filemona 1:22 ပူးပေါင်းရင်းမြစ်များ

Ta je huliwa 27:24

ame ha, ka habe, Paulo lö, ca ot bi; anyin a u me he bala ka tot hnyi hnyimakö Kaisara: ke wâ bi, a hia but Khong ham ödra hia köu, tavat adre me tha kec möu.

Ta je huliwa 28:23

Ke adre me thu bong hobi kâu, me ödrin se hia adre me o kâu hnyi hnen hna laba; ke e ame khetâ hofuc, me ohnathoâ ködra dokhu dokhon Khong, me ûjongi ödra ga Iesu, ûnyi hnyi hnanyibu anyi Mose me ta je perofeta, hwân hnyi hnyomakatu ke ne o but sahac.

Roma 15:24

iny ka he Sepania ai (anyin oge me ûnykûme he ka iouny möbun hnyi ûhek, ke öbun e he ka su nya, ama bâu ka sekuk hnyi iouny a öta)

II. Korinito 1:11

kʼ öbun e hnyi hadruâ ûnyi ge hic hobi kohmun; me me ole minya tavat ae se hia hobi kohmun, hnyi ibetengiö kohmun a deny tavat ae se hia.

Filipi 1:19

Anyin ae khanö nya, a haba ûnyi eang, me ame he ka obiny ka hnyi anyik jmöt, hnen hijibun hic, me hna ham Hanu Iesu Keriso,

Filipi 2:24

ke inya oge me labageju ka Than a oge me he ka ie o minya

Heberu 13:19

Ke inya oge me ûjongi öbun hwege he ka ânyâ e, mʼ adre me logot he ka hnö nya but köbun.

Heberu 13:23

Khanʼ öbun dö a gʼ adre thong Timoteo liamekeiny möta; e ka ie o, me ohmu me he ka iouny mʼ öbun.

Iakobo 5:16

Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.

II. Ioane 1:12

E hu but gak ta je hofuc ae se hia he ka sihnalimen köbun, ke ca bewek he ka set hnyi peipa me köiö sisit, ke so bi oge me gejon he ka o but köbun, me ûhnenamö iohnyimak, me me hwâdâ anyibun senyin.

III. Ioane 1:14

ke inya oge me gejon he ka ie iouny möu, ke otu me he ka ûhnenamö ûhnyimaköu. E so e unyâm ûsoköu. Je lahanöta ödrin e italofa möu. Inya oge me ve italofa ka je lahanöta.