Ezera 7:9 - Iaai Bible 1901 (New Caledonia)

⁹ Anyin a haba hnyi bong a bâniny tehi a bân e ame ibi hwân he ka he ûheny Babulona, ke haba hnyi bong a bâniny tehi a thabûnginy, e ame o but hnyi Jerusalema, helâ me hnyamen Khongon ae so hon.

Ezera 7:9 ပူးပေါင်းရင်းမြစ်များ

Ezera 7:6

haba at eling a Ezera ame he but ûheny Babulona; ke e at ae ti khana sihnalimen hnyi hnanyibu anyi Mose, waleji a ham Iehova Khongu Isaraela: ke haba than ame ham hia kâu hnen hna sumâtâ, helâ me hnyamö Iehova a Khongon hon.

Nehemia 2:8

me ke tusi kö Asafa at ame tuö hnyot anyin than, me me he ka ham könya je ûö hnân je venyâiny je homagouleny uma, me hobi kâu haginy taun, me uma minya oge me he ka dit ka hnyin. Ke haba than ame ham könya, helâ me hnyamen Khong ae so könya.

Nehemia 2:18

Ke oge me thumetu ödrin ge hnyamen Khonguk ae so huk; helâe minya ge je hofuc hwan than waleji e ame ha könya. Me ödrin e ha, ka habe, Hʼ ötin ka op. Me ödrin e sihwegiâ je hnyamödrin ka hnyi huliwa eling ae so.

Ezera 7:8

Ke e ame o but hnyi Jerusalema hnyi tehi a thabûnginy wale huna a seveniny than.

Ezera 8:22

Anyin a iny hmehma he ka sumâtâ ge than je soje me tavat tabô hors he ka badruʼ öhmun can je iwahnaihmiony eû hnyi gethen: anyin a öhmun e hia but ha ka than, ka habe, E bala bi hnyamen Khonguhmun hnân so ködrin a hnyat adre me elâm e; ke haba maniny man me anyin hmonyin me e bala bi hudrin hia thithö tavat adre me hna degecâ.

Ezera 8:31

Me öhmun e he ûheny hnyi wagewe Ahava hnyi bong a twelviny tehi a bân, he ka he Jerusalema ai: ke ka e huhmun hnyamen Khonguhmun, me e ame omeli öhmun ûnyi hnyi hnyamen je iwahnaihmiony, me at ame laba duöng eû hnyi gethen.

Isaia 66:14

Ke öbun e he ka wâ e, me ame he ka senyin je hnyekubun, ke ame he ka möt so je jeiöbun, helâ me je bâtân: ke ame he je athnyabainy ka khanʼ ödra hnyamö Iehova, ke e ame he ka hmonyin ka je iwahnaihmiony mē.

Ezera 7:28

me at ame okûâ könya ibetengiö hnyi hnyimakan than me anyin je obotkong, me hnyi hnyimakan je taben ae gan hia thithö anyin than. Ke adre me ohwegiö nya hoton hnyamö Iehova Khonguk huk, me oge me ûkhacaköuâ ke je at ae ûnyi hnathu ûhedrin hnyi Isaraela he ka tha he mönya.

Ezera 8:18

Ke helâ me hnyamen Khonguhmun ae so huhmun me ödrin e hom ke at ae metâ kohmun, hanen je laku Maheli nöku Levi, nöku Isaraela; me Serebia, me lakon me je liamekeiny mē a ödrin eitin;

Ezera 8:32

Ke öhmun e o but hnyi Jerusalema, me laba eling hnyi kun ta bong.

Salamo 80:18

Me ohmun e ca he ka hmetu gam: Omeli ohmun ju, mʼ ohmun e he ka hawâ iâm.