Ezera 5:3 - Iaai Bible 1901 (New Caledonia)

³ Haba hnyi ûen eling ame o but ködrin Tatenai at ame musi hoton wagewe, me Setara-bozenai, me je lahanödru, me ha ködrin ka habe, Ie at ame hnʼ öbun he ka op uma ang, me umo hna up hak ang?

Ezera 5:3 ပူးပေါင်းရင်းမြစ်များ

Ezera 1:3

Haba at unyibun a hanen lakeiny hia, ke so e he Khong ka tha e mē, ke so e ame he thö Jerusalema ai, wale hnyi hnyei Juda, me me hnyi op uma umo Iehova, Khongu Isaraela, hnyi Jerusalema, (e thibi Khong).

Ezera 4:12

Khanö u thö than, a haba at Juda tavat ödrin e he but kohmun ûhedrin unyâm, ödrin e o but hnyi Jerusalema; ke ödrin e op taun ame thu musi me kong, kʼ adre hia but umo je hna up haginy, me okhötâ je taben.

Ezera 4:9

ame sihnalimen Rehum at owisa, me Simesai at sihnalimen, me je kolon a je lahanödru; at Dinai, me at Afareseka, me at Tarepelai, me at Aferesai, me at Areka, me at Babulona, me at Susana, me at Deave, me at Elama,

Ezera 5:6

Haba tusi ame kunâ kö Dariu than hnö Tatenai at ame musi hnyi ke keihen hoton wagewe, me Setara-bozenai, me lahanen a at Afareseka, wale hnyi ke keihen hoton wagewe:

Ezera 5:9

Me ohmun e hnö wahingat eling, me ha ködrin, ka habe, Ia ame hna köbun he ka op uma eang, me umo hak veto ang?

Ezera 6:13

Ke haba Tatenai at ame musi hnyi ke keihen hoton wagewe, me Satara-bozenai, me je lahanödru, ödrin e ie ânyâ, can hna ûkhûnöng hnö Dariu than ködrin.

Ezera 6:6

Ke walang ang, Tatenai lö, at musi hnyi ke keihen hoton wagewe, me Setara-bozenai, me je lahanöbu a at Afareseka hnyi ke keihen hoton wagewe oûsâkâû öbun dut me ûnyi e:

Ezera 7:21

Ke haba inya, Aretaseta than, me oge me hûna ka tavat tuö omjeû hia thithö hnyi ke keihen hoton wagewe, a haba ta je ûnyi hia ame he Ezera at bihut, at a sihnalimen hnanyibu anyin Khongon drany, ka sumâtâ unyibun, me, adre me he ka ie ânyâ,

Hagai 1:1

HNYI huna a loi Dariu than, hnyi tehi a siksiny, hnyi bong a bâniny tehi, ame o but hofuc ho Iehova a deny Hagai perofeta kö Zerubabela nöku Sealetiela, gavenainy Juda, me kö Josua nöku Jozadaka, at bihut ae beönua, ame ha ka habe,

Mataio 21:23

Ke e ame o ka hnyi hnyin uma kap, me haba je taben tavat bihut me wahingatiny hnyei ödrin e o kâu hnyi ûen e ame tiga ûne, me haingödrin, ka habe, Hnen musi anyi ia u me ânyâ ta je ûnyi e?

Ta je huliwa 4:7

Me adre me otilʼ ödru hnyi wanben, me hnö, ka habe, Hnen ie man, ke hnen iö ia öbu me ânyâ ta je ûnyi e?