Ezera 1:3 - Iaai Bible 1901 (New Caledonia)

³ Haba at unyibun a hanen lakeiny hia, ke so e he Khong ka tha e mē, ke so e ame he thö Jerusalema ai, wale hnyi hnyei Juda, me me hnyi op uma umo Iehova, Khongu Isaraela, hnyi Jerusalema, (e thibi Khong).

Ezera 1:3 ပူးပေါင်းရင်းမြစ်များ

I. Je Than 18:39

Ke ame wâ e hnen tavat, me ödrin e ta hnyikânâi, me ha, ka habe, Iehova, Khong.

I. Je Than 8:23

ke haingen, ka habe, Iehova lö, Khongu Isaraela, e ba ke khong ae ûcû möu, ethö hnyi drany, me eang hmeledrany; at ame tuö ûhihinyköu mo ibetengiö ka je laathnyabaem, tavat adre me vheno hnyi hnyimâkâm me hnyekudrin ae bekhot:

I. Man Ûlabainy Je Than. 28:20

Ke Davita ame ha kö Solomona a nokon, ka habe, Hwege thö, me hnyok baga but, me ânyâ thö; ca ot bi, ke ca öbubuny bi: anyin ame he Iehova Khong, a Khonguk, ka tha e möu; e ame ca he ka hia unyâm, me hna degeci u, ke ne o but adre umo ta je ûnyi hia hnân huliwainy uma umö Iehova.

Ezera 1:4

Ke haba kolon tavat hia hnyi je hnyaba hia ödrin e laba hnyin, me so e he tavat aten je hnyabadrin he ka hadruʼ ödrin ge sileva, me gol, me omjeû, me omeno, me ta je bwihlany minya ae betenge hobi kâu uma umen Khong wale hnyi Jerusalema.

Ezera 4:3

Me ame ha ködrin Zerubabela, me Jesua, me je kolon je kamen ae beönua hnyi Isaraela, ka habe, E ca hu hanymöbun unyihmun he ka op uma hobi kâu Khonguhmun; ke öhmun e he ka hake op hobi kö Iehova Khongon at Isaraela, helâ me hna hûna kohmun ga Koreso a than, tuhan at Peresi.

Ezera 5:13

Ke haba hnyi huna a bân a than hnyin Koreso than Babulona, me Koreso than ame hûna he ka op uma eang umen Khong.

Ezera 5:3

Haba hnyi ûen eling ame o but ködrin Tatenai at ame musi hoton wagewe, me Setara-bozenai, me je lahanödru, me ha ködrin ka habe, Ie at ame hnʼ öbun he ka op uma ang, me umo hna up hak ang?

Ezera 6:7

ca he ka ovhelö huliwa hnyi uma umen Khong; hamen at ame muso at Juda me wahingatiny at Juda op uma umen Khong eling hnyi hnen.

Salamo 132:13

Anyin a hia but Iehova ûca Ziona; E ame weny e hnân hnyaban.

Salamo 83:18

Me me khanʼ ödra a u thibi, wale a iâm Iehova, At ae Beönua hon hmeledrany hia thithö.

Isaia 37:16

Iehova tuhan sabaoth lö, Khongu Isaraela, ke at ame laba wanben li kerubi, u thibi Khong, a hake u ke, hnyi ta je dokhu hia eang hmeledrany; u je op drany me hmeledrany.

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Isaia 45:5

Inya Iehova, ke ba ju ke at; ke ba ju ke Khong, ke hake inya ke: oge me he ka oweikâ hnyâm, ke ca khanö u bi nya:

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Deuteronomi 32:31

Anyin ae ca tha ûcû anyidra kic me anyita Kic, Kʼ ame he ta je iwahnaihmiony möta ka ohnathoâ.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.