Esodo 8:8 - Iaai Bible 1901 (New Caledonia)

⁸ Me haba Farao ame hao Mose me Arona, me habe, Khöû thʼ öbu kö Iehova, me me ohia ta je rana unyik, me unyin lakeik; me oge me he ka hna but tavat, mʼ adre me he ka hudo kö Iehova.

Esodo 8:8 ပူးပေါင်းရင်းမြစ်များ

I. Je Than 13:6

Haba than ame thu me ha ka aten Khong, ka habe, Ö u khöû thö kö Iehova Khongom walang ang, me hic hobi könya, me me so hmetu but hnyamok. Me haba aten Khong ame khöû kö Iehova, me me so hmetu hnyamen than helâ me eja.

Salamo 66:3

Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.

Esodo 10:16

Me haba Farao ame ie hao Mose me Arona, me ha, ka habe, Oge hia but monu kö Iehova Khongubun, me köbu.

Esodo 10:17

Ke walang ang ö u na okhaca thibi hna degecâ anyik monu, ke khöû thʼ öbu kö Iehova Khongubun, me me he ka hom ûnyi gak mok eang.

Esodo 10:18

Ke ame he ûheny unyi Farao, me khöû kö Iehova.

Esodo 14:5

Ke adre me thumeto than Aigupito a ga kec ut tavat: me ame wia thö hnyeku Farao me lathnyabainy ka tavat, me haingödrin, ka habe, Ieû hnötin hna ânyâ he ka hna at Isaraela adre me huliwa kötin?

Esodo 32:11

Ke Mose ame khöu kö Iehova a Khongon, me ha, ka habe, Iehova lö, geû ame he ka ubâhlâ gan ânyâm hmönyin ka je lakem waleji u je hom ûnyi hnyi hnyei Aigupito ge man ae gan me hnyam ae hwege?

Esodo 5:2

Ke Farao ame ha, ka habe, Ia Iehova mʼ inye he ka löng ifucin he ka hna but at Isaraela? E ca khanö nya Iehova, ke oge me ca he bi nya ka hna but at Isaraela,

Esodo 8:15

Ke a wâ but Farao a ga menâ thö, me ame onâkâ hmetu but hnyekon, kʼ ame ca löng ködru; helâji me hofuc ho Iehova.

Esodo 8:29

Ke haingö Mose, ka habe, Wâ bi, oge me he but ang ûhek unyâm, kʼ oge me he ka kböû kö Iehova me me hia but nyi ta je nöng unyi Farao, me lathnyabainy, me lakeiny: ke so bi, ca he hmetu Farao ka iyawâ, wale he ka ca hna but tavat he ka bi hut kö Iehova.

Esodo 8:32

Ke Farao ame onâkâ hmetu but hnyekon hnyi ûen minya e, kʼ ame ca hna bala tavat.

Esodo 8:9

Ke haingö Mose kö Farao, ka habe, Hamâm he ka musi könya: kehö oge me he ka khöû hobi köu, me lathnyabaem, me lakem, me me he ka hia but ta je rana unyâm, me hnyi umâm je uma, mʼ adre me laba thibi hnyi wagewe?

Esodo 9:27

Ke haba Farao ame ûkhûnöng he ka hao Mose me Arona, me ha ködru, ka habe, Oge hia but monu hnyi ûen eang: e wisa Iehova, kʼ iny kong ut me lakeik.

Esodo 9:28

Khöû thö kö Iehova; ö e so ju hendring angʼme we ae wahma; kʼ oge me he ka hnʼ öbun, ke öbun e ca he hmetu ka laba.

Esodo 9:33

Ke Mose ame he ûheny hnyi taun unyi Farao, me hai li hnyamen kö Iehova: me ame hia ju hendreng, me we ae wahma, kʼ ame ca ta hmetu we ka hnyi kânâ.

Numera 21:7

Me ame he tavat kö Mose, me ha, ka habe, Öhmun e hia but ânyâ hulö, anyin a ohmun e fuc hwege kö Iehova, mʼ u: ö u hic dö kö Iehova, me me he ka ohia je on unyihmun. Ke Mose ame hic hobi kâu tavat.

Ta je huliwa 8:24

Haba Simona ame thu, ka habe, Hic dʼöbu ka Than hobi könya, me me ba ûnyi ame he ka o könya hnyi ta je ûnyi öbe ha.

I. Samuela 12:19

Ke ame ha tavat hia kö Samuela, ka habe, Bethe hic hobi kohmun a lathnyabaem kö Iehova Khongom, mʼ ohmun e ca be ka mokcu: anyin a ohmun e hia but bi hanen ka anyihmun ta je hulö hia ûnyi eang ae kong, he ka sumatö tuhömun.