Esodo 8:7 - Iaai Bible 1901 (New Caledonia)

⁷ Ke ame ânyâ helâe ta je magoi ge anyidrin je bibihwakeoin, me oâ ta je rana hon hnyei Aigupito.

Esodo 8:7 ပူးပေါင်းရင်းမြစ်များ

Esodo 7:11

Me haba Farao ame hawâ tavat metâ me tavat tren khong: me haba odrin minya a je magoi hnyi Aigupito odrin e ânyâ helâe ge anyidrin je bibihwakeoin.

Esodo 7:22

Haba ta je magoi hnyi Aigupito odrin e ânyâ helâe ge anyidrin ta je bibihwakeoin: ke ame nâk hnyeku Farao, me ca ling ödru, helâ me hna ha hnö Iehova.

Esodo 8:18

Ke haba ta je magoi adre me ânyâ helâe ge anyidrin je bibihwakeoin mʼ odrin e he ka oâ ta je uto: ke ca khanʼ odrin: ke e but uto hon at me meno.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

II. Timoteo 3:8

Ke helâ me Jane me Jamebere ödru me tot ûcû Mose, helâe minya tavat e adre me tot ûcon hnathu; tavat ae kong hnyekudra, kadre me ca hnathu ka hnyi labageju.

Hna Omanenâ 13:14

Ke e ame iyawâ tavat adre me labâ hmeledrany ge ta je haten adre hna kâu he ka ânyâ hnyi hnyimakan meno; ame ha ka tavat hnyi hmeledrany, a adre me he ka theatâ me me we meno, waleji ae hu aat ge hele vat, kʼ ame möt.