Esodo 8:22 - Iaai Bible 1901 (New Caledonia)

²² Ke haba hnyi bong eling oge me he ka ovebongonâ hnyei Gosena, wale ame labâ lakeik, kʼ ame ca he ka o kâ e ta je nöng; me me khanö u a inya Iehova eang hmelen.

Esodo 8:22 ပူးပေါင်းရင်းမြစ်များ

Genese 46:34

me öbun e he ka ha, ka habe, Öhmun lathnyabaem hnyat tuö meno hwân hnyi hidröu a öhmun ke ne o but walang ang öhmun me lakamöhmun: mʼ öbun e he ka laba hnyi hnyei Gosena; anyin a at Aigupito adre me ikikiâ hnyat tnö mamoe.

Salamo 110:2

Ame he Iehova ka kunâ uciny tang hwegiâm ûheny Ziona: U ma muso bi hnyi wanben ta je iwahnaihmiöny möu.

Salamo 74:12

Ke Khong thibi Tuhok kâû adrem, At ame huliwan hna ûhomeli hnyi wanben hmeledrany.

Esodo 10:23

adre me ca iodraköu, ke ba at ame höhöi hnyi hnen hnyi je bong a kun: i ke so bi e hu lany hnyi je hnyaban lakon, Isaraela hia.

Esodo 12:13

Ke haten köbun dra hnyi ta je uma öbun e laba hnyin: ke iny ka wâ but dra, me oge me he ka hanyâûʼ öbun, kʼ ame ca he ka o köbun mok at ame ohia, iny ka he ka kot hnyei Aigupito.

Esodo 19:5

Ke walang ang öbun e ne he ka löng hoton hok hofuc me vheno anyik uhihinyköu, mʼ öbun e he ka helâ me omjeû ae ûnyi hnathu hon ta je hnyei hia: anyin a anyik hmeledrany hia:

Esodo 20:11

anyin a Iehova ame op hnyi siks ta bong drany me hmeledrany, me köiö me ta je ûnyi hia eû hnyin, kʼ ame menâ hnyi bong a seveniny: waleling me me hahnahicâ bong sabath hnö Iehova me o kbâ.

Esodo 7:17

Walang hna ha hnö Iehova, ka habe, U ma he ka wâhmakhmetoâ a inya Iehova hnyi ûnyi eang: wâ bi, oge me he ka kot köiöiny wagewe ge uci hnyi hnyamok me me dra but.

Esodo 7:5

Ke ame he at Aigupito ka wâ a Inya Iehova iny ka he ka hai hnyamok hon Aigupito, me hom lakon Isaraela ûhedra.

Esodo 8:10

Ke haingen, ka habe, Bong nyi. Ke ame thu, ka habe, Ame he ka helâ me hnâm hna ha: me me he ka khanö u ae ba ke at ae ûcû me Iehova Khonguhmun.

Esodo 8:21

Ke u je ne ca he ka hna lakeik, wâ bi, oge me he ka kunâ ta je nöng köu ae se hia hmönyin, me lathnyabaem, me lakem, me eiö hnyin umâm ta je uma: kʼ ame he ka unöngöt ta je uma umen at Aigupito hnen ta je nöng, me kânâ minya adre me laba hon.

Esodo 8:23

Ke oge me he ka sihnyigöulen dut lakeik me lakem: ke haba nyi ame he ka hu haten ang.

Esodo 9:26

Ke haba Gosena thibi, hnyei ame labâ hnen lakon Isaraela, e ba we ae wahma eling.

Esodo 9:29

Ke Mose ame ha kâu, ka habe, Iny ka he ûhek ang hnyi taun oge me he ka hai li hnyamok kö Iehova; kʼ ame he ka hia hendreng, kʼ ame he ka ba hmetu we ae wahma: me me khanö u, ka habe, anyi Iehova hmeledrany.

Esodo 9:4

Kʼ ame he Iehova ka sihnyigöulen dut ta je meno haleny at Isaraela me ta je meno haleny at Aigupito: ke ba meno a khaca haleny at Isaraela ame he ka mok.

Esodo 9:6

Ke haba nyi, Iehova ame ânyâ ûnyi eling, kʼ ame mokcu ta jo meno hia haleny at Aigupito: kʼ ame ca mokcu ke meno a khaca haleny lakon Isaraela.

Ezekiela 30:19

Helâe oge me he ka bi hwaban hnyi Aigupito, mʼ adre me he ka wâ a inya Iehova.

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.