Esodo 7:5 - Iaai Bible 1901 (New Caledonia)

⁵ Ke ame he at Aigupito ka wâ a Inya Iehova iny ka he ka hai hnyamok hon Aigupito, me hom lakon Isaraela ûhedra.

Esodo 7:5 ပူးပေါင်းရင်းမြစ်များ

Salamo 138:7

Eja ke ne oge ne he hnyi wanben vec, u me he ka omeli nya: U me he ka hai hnyamâm hon hmönyin anyin je iwahnaihmiony mönya, Kʼ ame he hnyamâm a metâm ka omeli nya.

Salamo 9:16

Ke haba Iehova ame omanenâ e bi, kʼ ame owisa: Kʼ ame hnok dö at ae kong ge huliwa anyin li hnyamen. [Higaiona. Sela.

Esodo 10:2

mʼ u ma he ka ha hnyi li hnyikönyen nokom, me öbem, ta je ûnyi oge hia but ânyâ ka Aigupito, me ta je hatök oge hia but ânyâ hnyi wanbödra; me me khanʼ öbun dö a inya Iehova.

Esodo 10:7

Ke haingen je lathnyabai Farao kâu, ka habe, Ame he ka hnân knewe köta at eang ke ne o but kehö? hna but tavat mʼ adre me he ka bi athnyabai Iehova Khongudrin: hawa e ca khatö u bala a ga kong ut Aigupito?

Esodo 14:18

Kʼ ame he ka khana hnen at Aigupito a inya Iehova, iny ka hia but oganö nya bi ga Farao, me anyin je kariota, me anyin tavat tabö hos.

Esodo 14:4

Ke oge me he bi nya ka onâkâ hnyeku Farao, kʼ ame he ka hnu hotudra; kʼ ame he ka oganö nya ga Farao, me anyin je vat hia; kʼ ame he ka khana hnen at Aigupito a inya Iehova. Kʼ adre me ânyâ helâe.

Esodo 18:8

Ke Mose ame thumeto ûngon ge ta je ûnyi hia a ânyâ Iehova kö Farao me at Aigupito hobi kâu at Isaraela, me ta je vec hia a o ködra eû hnyi gethen, me hna omeli odra ga Iehova.

Esodo 3:20

Ke oge me he ka hai hnyamok me kot Aigupito ge ta je ûnyi hnân lâiâ, wale oge me he ka ânyâ eling: ke hwaban dö e, e ame he ka hnʼ öbun.

Esodo 6:1

KE Iehova ame ha kö Mose, ka habe, U ma he walang ang ka wâ ûnyi oge me be ka ânyâ kö Farao: anyin a e ame he ka hnʼ odra ge hnyam ae hwege, kʼ ame he ka obʼ odra ûnyi hnyi iny hnyei ge hnyam ae hwege.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Esodo 7:17

Walang hna ha hnö Iehova, ka habe, U ma he ka wâhmakhmetoâ a inya Iehova hnyi ûnyi eang: wâ bi, oge me he ka kot köiöiny wagewe ge uci hnyi hnyamok me me dra but.

Esodo 8:10

Ke haingen, ka habe, Bong nyi. Ke ame thu, ka habe, Ame he ka helâ me hnâm hna ha: me me he ka khanö u ae ba ke at ae ûcû me Iehova Khonguhmun.

Esodo 8:19

Me haingen ta je magoi kö Farao, ka habe, Wale but e banyen Khong: ke ame nâk hnyeku Farao, kʼ ame ca löng ködru; helâji me hna ha hnö Iehova.

Esodo 8:22

Ke haba hnyi bong eling oge me he ka ovebongonâ hnyei Gosena, wale ame labâ lakeik, kʼ ame ca he ka o kâ e ta je nöng; me me khanö u a inya Iehova eang hmelen.

Ezekiela 25:17

Ke oge me he ka ti bi hwaban kodra hnyi û ae hwege; ke adre me he ka wâ a inya Iehova, iny ka he ka bi hwaban ûnyi gak hnyi hudrin.

Ezekiela 28:22

me ha, ka habe, Walang hna ha hnen Than Iehova, ka habe, Wâ bi, ûcûk u Zidona; kʼ adre me he ka oganö nya hnyi wanbâm, mʼ adre me he ka wâ a inya Iehova, iny ka hia but owisa kâu, ke ka hia but okabi nya hnyin.

Ezekiela 32:15

Iny ka hia but oba wan hnyei Aigupito, me me hnyei wau, me ohia iunöngötiny hnyei, iny ka hia but kot hia tavat adre me laba hnyin, adre me he ka wâ a inya Iehova.

Ezekiela 36:23

Ke oge me he ka okabâ iök ae gan, waleji adre me haikongoâ unyin ta je hnyei, wale öbun e hia but haikongoâ hnyi wanbödra; me ame he je hnyei ka wâ a inya Iehova, iny ka okabi nya bi gabun hnyi hnyimaköbun, haingen Than Iehova.

Ezekiela 39:22

Me ame he lap anyi Isaraela ka wâ a inya Khongudrin, hwân hnyi bong eling ke ne o but nyiele.

Ezekiela 39:7

Ke oge me he ka omanenâ iök ae kap hnyi wanben ik hnyei a Isaraela; ke oge me ca hnʼ ödra hmetu he ka haikongoâ iök ae kap: ke ame he je hnyei ka wâ a inya Iehova a kabi Isaraela.