Esodo 7:3 - Iaai Bible 1901 (New Caledonia)

³ Ke oge me he ka onâkâ hnyeku Farao, me osehia anyik ta je haten me ta je anyi hnân lâiâ, hnyi hnyei Aigupito.

Esodo 7:3 ပူးပေါင်းရင်းမြစ်များ

Nehemia 9:10

me omanenâ je haten me je ûnyi hnân lâiâ kö Farao me lathnyabainy hia, me aten iny hnyei hia; anyin ae khanö u a ödrin e bi gan ködrin; me u je ogânâ âm bi, helâ me hnyi bong ang.

Salamo 135:9

Aigupito lö, e ame kunâ köu ta je haten, me ta je ûnyi hnân lâiâ, Hu Farao, me lathnyabainy hia thithö.

Salamo 78:12

E ame ânyâ ta je ûnyi hnân lâiâ hnyi hnyimakan lakamödra, Hnyi hnyei Aigupito, hnyi ta hnyei hnyi Zoana.

Esodo 11:10

Ke Mose me Arona ödru me ânyâ ta je ûnyi hnân lâiâ hnyi hnyimakö Farao: ke Iehova ame onâkâ hnyeku Farao, me ame ca hna lakon Isaraela ûnyi hnyi iny hnyei.

Esodo 11:9

Ke haba Iehova ame ha kö Mose, ka habe, Ame ca he Faroa ka ling öbu, mʼ adre me he ka osehia, anyik ta je ûnyi hnân lâiâ hnyi hnyei Aigupito.

Esodo 14:4

Ke oge me he bi nya ka onâkâ hnyeku Farao, kʼ ame he ka hnu hotudra; kʼ ame he ka oganö nya ga Farao, me anyin je vat hia; kʼ ame he ka khana hnen at Aigupito a inya Iehova. Kʼ adre me ânyâ helâe.

Esodo 3:20

Ke oge me he ka hai hnyamok me kot Aigupito ge ta je ûnyi hnân lâiâ, wale oge me he ka ânyâ eling: ke hwaban dö e, e ame he ka hnʼ öbun.

Esodo 4:21

Ke Iehova ame ha kö Mose, ka habe, U ka he hmetu Aigupito ai, ûnykûme ju he ka ânyâ ta je ûnyi hnân lâiâ hia hnyi hnyimakö Farao, waleji oge ip hnyi hnyamâm: ke oge me he ka okhötâ hnyekon, me ame ca he ka hna tavat.

Esodo 4:29

Kʼ ame he Mose me Arona me ûkhacaköuâ wahingatiny lakon Isaraela hia:

Esodo 4:7

Ke ame ha, ka habe, Inâ hmetu ju hnyamâm ka hnyi ûlâiâm. (Kʼ ame inâ hmetu but hnyamen ka hnyi ûlainy; ke ame oc hmetu but e ûnyi hnyi ûlainy, me wâ bi, e so hmetu but helâ me unyin.)

Esodo 7:13

Ke ame nâk ut hnyeku Farao, kʼame ca ling ödru, helâ me hna ha hnö Iehova.

Esodo 9:16

ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.

Ta je Vejec 21:1

E HNYI hnyamö Iehova hnyekon than helâ me je deny köiö: Kʼ ame wia e ka hnyi hnen hna weny.

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Mika 7:15

Oge me he ka omanenâ kodra je ûnyi hnân lâiâ helâ me hnyi je bong u je he hnyin ûhem hnyi hnyei Aigupito.

Ioane 4:48

Haingö Iesu ame ha kâu, ka habe, Öbun e ne ca wâ ta je haten me ûöman, öbun e ca he bi ka labageju.

Ta je huliwa 2:22

At Isaraela lö, long ju öbun hofuc ang: Haba Iesu at Nazareta, at a ohnathoâ köbun hnen Khong ge je huliwa ae gan me je ûöman me je haten, waleji hnen Khong hna ânyâ ûnyi gan hnyi wanböbun, ke manen e köbun;

Ta je huliwa 7:36

Haba at eling ame hum ödra but, hwaban hnen hna omanenâ ta je ûöman me haten hnyi hnyei Aigupito, me hnyi Köiö ae dra, me hnyebuba hnyi fâte je huna.

Roma 15:19

hnen maniny ta je haten me ûöman, me man maniny Hanu Kap; wale a hwân hnyi Jerusalema igigilo ke ne o but hnyi Iluriko oge me khetâ ûthumetu ae so anyin Keriso;

Roma 9:18

Awe, e ame betenge ge at e ame! betenge gan, ke e ame onâkâ at e ame beonâkâ kâu.

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 7:19

a ta je ûcûbic ae gan a wâ li emakâm, me je haten, me je ûnyi hnân lâiâ, me hnyamen ae hwege, me benyin adre hai, waleji hnö Iehova Khongom hna hum u kâu: kʼ ame he Iehova Khongom ka ânyâ helâe ka ta je hnyei hia wale u me outen.