Esodo 7:23 - Iaai Bible 1901 (New Caledonia)

²³ Ke Farao ame hwiö me didrö ka hnyi umen uma, ka ame ca oûnyihnathoâ ûnyi e eû hnyi hnyekon.

Esodo 7:23 ပူးပေါင်းရင်းမြစ်များ

Jobu 7:17

E hö at, mʼ u me he ka ogânâ e, Mʼ u me hnyok kâu,

Salamo 62:10

Ca geju bi ka hwakecin sedâ, Ke ca hobelöu bi ka hnyi hwakecin venöu: E ka osehia tot omejeû, ca hnyok kâu.

Esodo 7:22

Haba ta je magoi hnyi Aigupito odrin e ânyâ helâe ge anyidrin ta je bibihwakeoin: ke ame nâk hnyeku Farao, me ca ling ödru, helâ me hna ha hnö Iehova.

Esodo 7:24

Ke haba at Aigupito adre me khû an hnyi haten wagewe hnân ic; anyin ae ca khanʼ odra ijem köiöiny wagewe.

Esodo 9:20

Haba je hnyat unyin je lathnyabai Farao, a tavat outen hna ha hnö Iehova, odrin e kâcâ lathnyabaidrin me haledrin je meno ka hnyi je uma:

Esodo 9:21

ke haba at ame ca oûnyihnathoâ hna ha hnö Iehova, e ame hna but lathnyabainy, me haleny je meno hnyi hnyei.

Ta je Vejec 22:17

Tevehlöng ju, ke long ju hofuc hwan at ae metâ, Me hnyok ju ka hnok hna wâhmakhmeto.

Ta je Vejec 24:32

Me oge me wâ, me ûnykûme wia: Oge me wâ me kap hna ûne.

Ta je Vejec 28:14

Hnahic hnen at ame labö ot: Ke haba at ame onâkâ hnyekon me ame he ka ta ka hnyi vec.

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 47:7

Ke u je ha, ka habe, Oge me he bala ka than momo; ke u je ca ûnykûme ta je ûnyi eling eû hnyi hnyekom, u je ca ûnykûme ge obiny ta je ûnyi e.

Jeremia 36:24

Ke ödrin e ca ot bi, me kia anyidrin je ûkhaû, wale than me je athnyabainy hia, tavat ödrin e löng ta je hofuc hia eling.

Jeremia 5:3

Iehova lö, hawa, ame ca wâ ûnyi ae hnathu hnen li emâkâm? u je kuc ödra ke adre me ca vec bi; u je öaûʼ ödra, kʼ ödra höcö bi he ka kap hna nâ: adre hia but onâkâ je hnyimakodra hon veto; ödra höcö bi he ka hmetu.

Ezekiela 40:4

Ke ame ha könya at, ka habe, Nokon at lö, wâ thö ge li emâkâm, ke long dö ge li hnyikönyâm, ke wâhmakhmetoâ thö ta je ûnyi hia wale oge me he ka omanenâ köu; anyin adre hum u kââng mʼ oge me he ka omanenâ köu ta je ûnyi e: omanenâ thö ka lap anyi Isaraela ta je ûnyi hia thithö u me he ka wâ.

Habakuka 1:5

Bwele thö unyin ta je hnyei me wâhmakhmeto, me lâiâ gan hmâ thö: anyin oge me ânyâ huliwa hnyi bongubun je bong, eje ke ne adre ne thumetu öbun, öbun e ca he ka kap.

Malaki 2:2

Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.

Deuteronomi 32:46

me haingen ködra, ka habe, E so öbun e kong hnyekunâ ta je hofuc eang hia oge me ha köbun hnyi bong ang; wale mʼöbun e he ka ha ka je lakubun he ka wâ! wia me ânyâ ta je hofucin hia hnanyibu ang.

I. Samuela 4:20

Ke hnyi ûen anyin mok ame ha kâu je momo adre tha e mē, ka habe, Ca he ka ot, anyin a u je hia but hnokoâ da. Ke e ame ca thu bi, ke ame ca long minya bi.