Esodo 7:20 - Iaai Bible 1901 (New Caledonia)

²⁰ Ke haba Mose me Arona ödru me ânyâ eling, helâ me hna hûna hnö Iehova; ke ame hai thö uci me kot köiö hnyi wagewe hnyi hnyimakö Farao me lathnyabainy, kʼ ame dra but dân wagewe hia.

Esodo 7:20 ပူးပေါင်းရင်းမြစ်များ

II. Je Than 4:29

Me e ame ha kö Gehazi, ka habe, Hûkâlâ ju wen hnyekom, me hom anyik uci hnyi hnyamâm, me he: ame ne ûkhanö möu ke at, ca iouny mē; ke ame ne fuc köu ke at, ca fuc bi: ke u me he ka ip anyik uci hon hnyimakan wanakat.

Salamo 105:29

E ame wia belidra je an me me dra, Me hlingö haledra ta je wâ.

Salamo 78:44

Me wia anyidra je wagewe, me me dra bi, Me anyidra ta je di, mʼ adre me ca be hmetu ka ic.

Esodo 4:9

Ke adre me ne ca kap li haten eling, me ca löng minya ifucâm, me u ma he ka sâû ûnyi hnyi köien wagewe, ke hingâlâ ka hnyi hon kânâ ae mada: me haba köiö u ma he ka sâû ûnyi hnyi wagewe, me ame he ka dra hnyi dok ae mada.

Esodo 7:10

Kʼ ame didrö Mose me Arona kö Farao, me ânyâ helâ me hna hûna hnö Iehova ködru: ke Arona ame khûâ but hnyikânâi anyin uci hnyi hnyimakö Farao me je lathnyabainy, kʼ ame on dut.

Esodo 7:21

Ke a mokcu ta je wâ hnyi wagewe; kʼ ame bon dut wagewe, ka ca khana hmetu at Aigupito he ka ijem köiöiny wagewe; kʼ ame hu dra hnyi hnyei Aigupito hia thithö.

Esodo 7:6

Ke haba Mose me Arona ödru me ânyâ helâ me Iehova ame ha ködru, ödru me ânyâ helâe.

Habakuka 3:8

Hawa, Iehova ame hmonyin ka je wagewe? Hawa, u me hmönyâm ka je wagewe, Ke wathethot ge köiö ae gan, Mʼ u me tabâ halem je hors, Ke ta je kariotainy ânyâm ûhomeli?

Hna Omanenâ 8:8

Ke ame tûâ thö trutru hnen angela a loiny, ke helâke adre khûâ but bucen ae gan ame hiâ ge meic ka hnyi köiö: me ame dra but ke keihen köiö a kuniny;