Esodo 7:2 - Iaai Bible 1901 (New Caledonia)

² U ma he ka ha hia hnök hna hûna köu: kʼ ame he Arona a tuham ka fuc kö Farao, me me he ka hna lakon Isaraela ûnyi hnyi iny hnyei.

Esodo 7:2 ပူးပေါင်းရင်းမြစ်များ

I. Je Than 22:14

Ke haingö Mikaia, ka habe, Kia inya Iehova, a haba ûnyi ame he Iehova ka ha, wale thibi e oge me he ka ha.

Esodo 4:15

Ke u ma he ka ha hofuc kâu, me bi hofuc ka hnyi hnyimen: ke oge me he ka tha inya me hnyimâm me hnyimen, me ku köbu ûnyi öbu me he ka ânyâ.

Esodo 4:16

Ke ame he ka hwabâm he ka fuc ka tavat: ke ame he ka bi hnyimâm, me u me he ka helâ me Khong kâu.

Esodo 5:1

KE hwaban dö e haba Mose me Arona ödru me he me ha kö Farao, ka habe, Walang hna ha hnö Iehova Khongu Isaraela, ka habe, Hna but lakeik mʼ adre me he ka bi jeû könya hnyi hnyebuba.

Esodo 6:29

me haingö Iehova kö Mose, ka habe, Inya Iehova: bethe ha kö Farao than Aigupito je hofuc hia thithö oge me haköu.

Esodo 7:6

Ke haba Mose me Arona ödru me ânyâ helâ me Iehova ame ha ködru, ödru me ânyâ helâe.

Jeremia 1:17

Anyin a wale, u me ke ka hûkâlâ wen hnyekom, ke todrö, me ha kodra ta je ûnyi hia thithö oge me hûna köu: ca hlohlo gadra, wâ oge nye he ka ohlohloi u hnyi hnyimakodra.

Jeremia 1:7

Haba Iehova ame ha könya, ka habe, Ca ha bi, ka habe, Iny wanakat: anyin a u me he ka he kodra hia thithö, wale oge me kunö u ka hnyin, ke u me he ka ha ta je hofuc hia thithö oge me he ka hûna köu.

Ezekiela 3:10

Ke e ame ha könya, ka habe, Nokon at lö, haba hok ta je hofuc hia oge me he ka ha köu, ip ju eû hnyi hnyekom, me long ju ge li hnyikönyâm.

Ezekiela 3:17

Nokon at lö, oge hia but otilö u hnân at tue hobi kâu lap anyi Isaraela: anyin a wale long ju hofuc ûnyi hnyi hnyimök, me koû kodra ûnyi gak.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Ta je huliwa 20:27

Anyin oge me ca höcö omanenâ köbun ûnykûmânen hia Khong.

Deuteronomi 4:2

Ca he öbun ka bi hanen ka hnyi hofuc oge me hûna köbun, ke ca ohia ke hanen, mʼ öbun e he ka löng hoton je hna hûna hnö Iehova Khongubun wale oge me hûna köbun.