Esodo 7:17 - Iaai Bible 1901 (New Caledonia)

¹⁷ Walang hna ha hnö Iehova, ka habe, U ma he ka wâhmakhmetoâ a inya Iehova hnyi ûnyi eang: wâ bi, oge me he ka kot köiöiny wagewe ge uci hnyi hnyamok me me dra but.

Esodo 7:17 ပူးပေါင်းရင်းမြစ်များ

I. Je Than 20:28

Ke ame o but ke aten Khong me ha ka than Isaraela, ka habe, Walang hna ha hnö Iehova, ka habe, Anyin ame ha at Suria, ka habe, haba Iehova me Khongon je hnyei ae hut, ke ca Khongon je hnyigöulen bucen, awe, oge me he ka hna köien at ang hia ka hnyi hnyamâm, mʼ öbun e he ka wâhmakhmeto a inya Iehova.

II. Je Than 19:19

Iehova lö, Khonguhmun, ö u omeli ohmun walang ang ûnyi hnyi hnyamen, me me khana ge je dökhu hia eang hmeledrany a u Iehova Khong, a u thibi.

Salamo 105:29

E ame wia belidra je an me me dra, Me hlingö haledra ta je wâ.

Salamo 78:44

Me wia anyidra je wagewe, me me dra bi, Me anyidra ta je di, mʼ adre me ca be hmetu ka ic.

Salamo 83:18

Me me khanʼ ödra a u thibi, wale a iâm Iehova, At ae Beönua hon hmeledrany hia thithö.

Salamo 9:16

Ke haba Iehova ame omanenâ e bi, kʼ ame owisa: Kʼ ame hnok dö at ae kong ge huliwa anyin li hnyamen. [Higaiona. Sela.

Esodo 1:22

Ke Farao ame hûna ka lakeiny hia, ka habe, Öbun e he ka khûâ ka hnyi wagewe je wainda hia adre hnokoâ, ke omelö ju je waindusem hia.

Esodo 10:2

mʼ u ma he ka ha hnyi li hnyikönyen nokom, me öbem, ta je ûnyi oge hia but ânyâ ka Aigupito, me ta je hatök oge hia but ânyâ hnyi wanbödra; me me khanʼ öbun dö a inya Iehova.

Esodo 4:9

Ke adre me ne ca kap li haten eling, me ca löng minya ifucâm, me u ma he ka sâû ûnyi hnyi köien wagewe, ke hingâlâ ka hnyi hon kânâ ae mada: me haba köiö u ma he ka sâû ûnyi hnyi wagewe, me ame he ka dra hnyi dok ae mada.

Esodo 5:2

Ke Farao ame ha, ka habe, Ia Iehova mʼ inye he ka löng ifucin he ka hna but at Isaraela? E ca khanö nya Iehova, ke oge me ca he bi nya ka hna but at Isaraela,

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Esodo 7:20

Ke haba Mose me Arona ödru me ânyâ eling, helâ me hna hûna hnö Iehova; ke ame hai thö uci me kot köiö hnyi wagewe hnyi hnyimakö Farao me lathnyabainy, kʼ ame dra but dân wagewe hia.

Esodo 7:5

Ke ame he at Aigupito ka wâ a Inya Iehova iny ka he ka hai hnyamok hon Aigupito, me hom lakon Isaraela ûhedra.

Ezekiela 25:17

Ke oge me he ka ti bi hwaban kodra hnyi û ae hwege; ke adre me he ka wâ a inya Iehova, iny ka he ka bi hwaban ûnyi gak hnyi hudrin.

Ezekiela 29:9

Ke ame he ka wau hnyei Aigupito me ba aten; ke adre me he ka wâ a inya Iehova: anyin a e ame ha, ka habe, Anyik bi wagewe, ke oge hia but op e.

Ezekiela 30:19

Helâe oge me he ka bi hwaban hnyi Aigupito, mʼ adre me he ka wâ a inya Iehova.

Ezekiela 30:8

Ke adre me he ka wâ a inya Iehova, iny ka hia but hu meic hnyi Aigupito, me kot hia tavat ûhadruo.

Ezekiela 32:15

Iny ka hia but oba wan hnyei Aigupito, me me hnyei wau, me ohia iunöngötiny hnyei, iny ka hia but kot hia tavat adre me laba hnyin, adre me he ka wâ a inya Iehova.

Ezekiela 32:6

Oge me he minya ka hû hnyei u je hai hnyrn ke ne o but hnyi je bucen, ge drâm; ke ame he ka unöngöt je deny köiö gam.

Ezekiela 38:23

Ke oge me he ka oganö nya, me okabi nya bi, ke oge me he ka manen hnyi hnyimakan je hnyei ae se hia; me adre me he ka wâ a inya Iehova.

Ezekiela 39:28

Me adre me he ka wâ a inya Iehova Khongudrin, anyin oge me kunʼ ödra ka bâ hnyi je hnyei, ke oge hia but ûkhacaköu ödra ka hnyi idra bi; ke oge me ca he hmetu ka hna degecâ ke at gadra nyiele;

Daniela 4:17

Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.

Daniela 4:32

Me adre me he ka obö u unyin tavat, me u me he ka tha laba me ta je menoiny hnyot; u m he bi ka han önying helâ me bolok ke ame he ka seven je ûâm, ke ne o but ame khanö u thö a gʼ ame musi At ae Beönua hnyi dokhu dokhon tavat, me ham e ka at e ame weny kâu.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Daniela 5:21

ke adre obâ e unyin tavat; ke helâ but me je meno hnyekon, ke e ame tha laba me je asinainy hnyot; e ame han önying helâ me bolok, ke khubet unyin ge dân hau ûnyi hnyi drany: ke ne o but e ame wâ a gʼ ame musi Khong ae Beönua hnyi dökhu dokhon tavat, me e ame otilâ hon e hnen hna weny kâu.

Daniela 5:23

ke u je bi gan ka Thaniny drany; ke adre hia but hom je omjehen umen uma ka hnyi hnyimâkâm, ke u je hia but, ke ânyâm je taben, ke laâiâm, ke ânyâm je momo, ic waina kâu; ke u je hia but ogânâ je khong sileva, me gol, me bras, me fao, me uto, me veto, wale adre me ca bwele, me löng, me khana: ke haba Khong at ame muso homenâm, ke e unyin dem je gethen hia, me u je ca ogânâ:

Hna Omanenâ 11:6

E unyidru man he ka hlöng drany me me ca he ka ta we hnyi ta je bonginy perofeta a ödru; ke e hu gadru man hon ta je wagewe he ka wia me me dra, me he ka kot hmeledrany ge ta je mok hia helâ me wedru.

Hna Omanenâ 8:8

Ke ame tûâ thö trutru hnen angela a loiny, ke helâke adre khûâ but bucen ae gan ame hiâ ge meic ka hnyi köiö: me ame dra but ke keihen köiö a kuniny;