Esodo 6:6 - Iaai Bible 1901 (New Caledonia)

⁶ Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Esodo 6:6 ပူးပေါင်းရင်းမြစ်များ

I. Je Than 8:42

(anyin a adre me he ka long ge iâm ae gan, me hnyamâm ae hwege, me benyâm adre hai;) ke e ka o me hic hnyi uma eang;

II. Je Than 17:36

Ke haba Iehova at ame hum öbun ûnyi hnyi hnyei Aigupito ge man ae gan me benyin ame hai, öbun e he ka outen, me khudrung kâu, me bi hut kâu:

I. Man Ûlabainy Je Than. 17:21

Ke ewa ke hnyei eang hmeledrany ae ûcû me em hnyei wale a Isaraela, waleji a he but Khong he ka omelö kâu bi me hnân lakeiny, me he ka hu iâm, ge je ûnyi ae gan, me hnân outen, ge hna obâ je hnyei hnyi hnyimakan lakem, waleji u je omelö ûheny Aigupito?

Nehemia 1:10

Ke walang ang lathnyabaem me lakem, waleji u je omelö ge manâm man ae gan, me hnyamâm ae hwege.

Salamo 77:16

Khong lö, a ō u but köiö; A ö u but köiö, me ot ju. Ame öbubuny minya je dok ae dit.

Salamo 81:11

Ke haba lakeik adre me ca long ifucik; Kʼ ame ca ogo nya bi Isaraela.

Salamo 81:6

Oge me uny jut hok ûnyi hnyi li abenyin: Adre thang li hnyamen ûnyi hnyi tang.

Salamo 81:7

U je khöû hnyi vec, me oge me omeli u; Oge me thu köu ûnyi hnyi dok ae iyong, a umen hwan than; Oge me cubic u hnyi je köien Meriba. [Sela.

Esodo 1:11

Anyina wale, adre roe otilâ hudrin ta je tuhan hu-liwa, hnân he ka oveci ödra ge anyidrin ta je huliwa ae hmak. Ke adre me otilâ li hnyaba hobi kö Farao, Pithoma me Ramese, hnân ip omjeû hnyin.

Esodo 12:41

Ke haba hnyi obiny je huna a foa haded ke thöte, hnyi bong eling ame he but ta je köiö anyi Iehova hia ûhedra hnyi hnyei Aigupito.

Esodo 12:51

Me haba hnyi bong heling, Iehova ame hom lakon Isaraela ûnyi hnyi hnyei Aigupito hoton anyidra je dö.

Esodo 13:14

Ke e ka he nokom nyiele ka hnei u, ka habe, Ieû e? U me he ka ba kâu, ka habe, Iehova ame hum ohmun ge hnyamen ae hwege ûhehmun Aigupito, ûnyi hnyi hnyaban at hwenbâ:

Esodo 13:16

Kʼ ame he ka bi haten köu ûnyi eling hnyi hnyamâm, me hnân wen bariny hnyi wanben li emakâm: anyin a Iehova ame hum ohmun ûheny Aigupito ge hnyamen ae hwege.

Esodo 13:3

Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 15:13

Hnyi ânyâm ibetengiö u je lelö tavat u je hia but omelö: U je lili odra ge tang hwegiâm ka hnyi hnyabam ae kap.

Esodo 16:6

Ke haingö Mose me Arona ka lakon Isaraela hia, ka habe, Öbun e he ka wâhmakhmeto eâu sahac a ga hum öbun Iehova ûhebun huyi hnyei Aigupito:

Esodo 18:1

KE a wâ but Jethero at bihut e Midiana, ûngu Mose, ta je ûnyi hia Khong ame ânyâ hobi kö Mose, me at Isaraela a lakeiny, waleji a Iehova ame hom at Isaraela ûheny Aigupito.

Esodo 2:11

Ke haba hnyi je bong wale a gan dut hnyin Mose, me e ame he ka je liamekeiny mē, me wâ anyidra huliwa ae hmak: ke e ame wâ ke at Aigupito ame kot at Heberu aliamekeiny mē.

Esodo 3:17

kʼ oge hia but ha a oge me he ka hum öbun ûnyi hnyi ta je vec hnyi Aigupito ka hnyi hnyei iny at Kanana, me Heth, me Amora, me Perizi, me Hivi, me Jebusi, wale hnyei ame di hnyin debai me hani.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 32:11

Ke Mose ame khöu kö Iehova a Khongon, me ha, ka habe, Iehova lö, geû ame he ka ubâhlâ gan ânyâm hmönyin ka je lakem waleji u je hom ûnyi hnyi hnyei Aigupito ge man ae gan me hnyam ae hwege?

Esodo 6:2

Ke Khong ame fuc kö Mose, me ha kâu, ka habe, Inya iehova:

Esodo 6:29

me haingö Iehova kö Mose, ka habe, Inya Iehova: bethe ha kö Farao than Aigupito je hofuc hia thithö oge me haköu.

Esodo 6:8

Ke oge me he ka hum öbun ka hnyi hnyei waleji oge ogörânyâ hnyamok he ka ham kö Aberahama, me Isaaka, me Jekob; kʼ oge ma he ka ham köbun me hwajekhöubun: haba inya Iehova.

Esodo 7:4

Ke so bi ame ca he Farao ka ling öbu, me, oge me he ka ip hnyamok hon Aigupito, me hom anyik köiö, wale lakeik a lakon Isaraela ûnyi hnyi hnyei Aigupito ge ta je hwaban ae gan hmâ.

Esodo 7:5

Ke ame he at Aigupito ka wâ a Inya Iehova iny ka he ka hai hnyamok hon Aigupito, me hom lakon Isaraela ûhedra.

Isaia 9:12

at Suria hnyi hnyimakodra, me at Filisiti hotudra ai; ke adre me he ka uto Isaraela ge hnyem ae memang. Ke hnyi ta je ûnyi e hia, e ame ca hwio hnyi anyin hmonyin, ke ame lau bala bi hnyamen.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Isaia 9:21

Manase ame he ka ön Eferaima; ke Eferaima ame he ka ön Manase: kʼ ödru ma he ka tha hiödru ka vat me Juda. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Jeremia 21:5

Ke haba inya oge me he ka vat möbun ge hnyam adre hai me beny ae hwege, me hnyi hmonyin me wathethot, me hmonyin ae gan hmâ.

Jeremia 27:5

ka habe, Oge hia but op hmeledrany, wale at me meno hon hmeledrany hnen manik man ae gan hmâ me benyik ae lau; ke oge me ham e ka at ae ûcû könya.

Jeremia 32:21

ke u je hom lakem a Isaraela ûnyi hnyi hnyei Aigupito ge je haten, me je ûnyi hnân lâiâ, me hnyam ae hwege, me beny adre hai, me ûnyi hnân ot ae gan hmâ;

Ezekiela 20:33

Haingen Than Iehova, ka habe, kia inya inya a oge me he ka bi than hubun ge hnyam ae hwege me beny adre hai, me hmonyin adre hingâlâ:

Ta je huliwa 13:17

Haba Khongon hnyei ang Isaraela, ame ûca lakamöta, me ogöranyâ tavat waleji kʼ adre me tiga laba kanyua hnyi hnyei Aigupito, ke e ame hum ödra ûheny e ge hnyamen ae hwege.

Deuteronomi 11:2

Khanʼ öbun ju hnyi bong ang: anyin a oge me ca fuc ka lakubun, tavat ae ca khana ke ca hnyi wâ hna bi hwaban ûnyi ga Iehova Khongubun, ge ûganiny, me hnyamen ae hwege, me benyin adre hai,

Deuteronomi 15:15

Ke u me he ka ûnykûme a gʼ adre thaluö u hnyi hnyei Aigupito, ke Iehova Khongom ame omeli u; anyin a wale, inya oge me hûna köu hofuc e hnyi bong ang.

Deuteronomi 26:8

me Iehova ame hum ota ûheny Aigupito ge hnyam ae hwege, me benyin adre hai, me je ûnyi hnân outen, me je haten, me je ûnyi hnân lâiâ:

Deuteronomi 4:23

Wâ eâu, wâ öbun nye hnying ûhihinyköu anyi Iehova Khongubun, waleji e ame ûhihinyköu möbun, kʼ öbun e bi hnatheat hobi köbun he ka oûco ke ûnyi a thawâ köu hnö Iehova Khongom.

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 5:15

Ke u me he ka ûnykûme a gʼ adre thaluö u hnyi hnyei Aigupito, ke haba Iehova Khongom ame hum u ûheny e ge hnyam ae hwege me benyin adre hai: anyin a wale Iehova Khongom ame hûna köu he ka tuö bong sabath.

Deuteronomi 6:12

awe, wâ eâu, wâ u nye hnying Iehova at ame hum u ûheny hnyi hnyei Aigupito, ûnyi hnyi hnyaba ae ûthaluo.

Deuteronomi 7:19

a ta je ûcûbic ae gan a wâ li emakâm, me je haten, me je ûnyi hnân lâiâ, me hnyamen ae hwege, me benyin adre hai, waleji hnö Iehova Khongom hna hum u kâu: kʼ ame he Iehova Khongom ka ânyâ helâe ka ta je hnyei hia wale u me outen.

Deuteronomi 7:8

ke so bi ûnyi hnyi ibetengiö anyi Iehova köbun, ke hnyi weny he ka oûnyihnathö hnen hna khemanyin ka lakamöbun, waleling me me hum öbun hnö Iehova ge hnyam ae hwege, me omeli öbun ûnyi hnyi hnyaba ae ûthaluo, a ûheny hnyi hnyamö Farao than Aigupito.

Deuteronomi 9:29

Ke so bi em hnyei ödra, ke hwajekhom, waleji u je hom ge manâm man ae gan, me benyâm adre hai.