Esodo 6:5 - Iaai Bible 1901 (New Caledonia)

⁵ Ke haba khaca oge hia but löng mâng anyin lakon Isaraela, wale hnen at Aigupito hna hom hwenbödra; me inya oge me ûnykûme anyik ûhihinyköu.

Esodo 6:5 ပူးပေါင်းရင်းမြစ်များ

Genese 8:1

KE Khong ame ûnykûmi Noa, me ta je ûnyi ae möt, me ta je meno hia a vak can a tha e më hnyin aka: me Khong ame kunâ ang he ka tûâ hmeledrany me ame nunu but köiö;

Genese 9:15

me oge me he ka ûnykûme anyik ûhihinyköu, wale möbun, me ta je ûnyi hia ae möt ae ve bongon; ke haba köio ame ca he hmetu ka uoû me ohia je ûnyi hia ae möt.

Salamo 105:8

E ame hia but ûnykûme bala anyin ûhihinyköu, Waleji hofuc e ame hûna ka ta je dö a khaca thauzan,

Esodo 2:23

Ke hwaban ta je bong e ae se hia, a mokcu than Aigupito; kʼ ame mâng je lakon Isaraela can hna hwenbʼ ödra kʼ adre me hongot tenge, kʼ ame o but ka Khong anyidra hwatenge can hna hwenbʼ ödra.

Esodo 2:24

Ke Khong ame löng anyidra mâng, kʼ ame ûnykûme Khong hnen hna ûhihinyköu me Aberahama, me Isaaka, me Jekob.

Esodo 3:7

Ke Iehova ame ha, ka habe, Inya oge hia but wâ hna okongoâ lakeik walödra hnyi hnyei Aigupito, me löng anyidra tenge ûnyi ge je tuhan anyidra huliwa; anyin ae khanö nya anyidra vec;

Esodo 5:4

Ke haingen than Aigupito ködru, ka habe, Ieû gabu Mose me Arona öbu me uny jut je hok ge tavat hnyi je hanymödra? He bi thö ka huliwa.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Luka 1:54

E ame hom hadruâ athnyabainy a Isaraela, Kʼ ame ûnykûme ibetengiö,

Luka 1:72

He ka ânyâ betenge ka lakamöta, Me ûnykûme anyin ûhihinyköu ae kap;