Esodo 6:2 - Iaai Bible 1901 (New Caledonia)

² Ke Khong ame fuc kö Mose, me ha kâu, ka habe, Inya iehova:

Esodo 6:2 ပူးပေါင်းရင်းမြစ်များ

Genese 15:7

Me e ame ha kâu, ka habe, Inya Iehova, at ame su u ûhem Ure hnyi Kaledaia, me me he ka ham köu hnyei ang hnân em.

Esodo 12:12

Anyin oge me he ka vheno hnyei Aigupito hnyi lit eling, me kot ta je atö hia hnyi hnyei Aigupito, wale at me omeno; ke oge me he ka bi hwaban ta je khong, hia hnyi Aigupito: inya Iehova.

Esodo 14:18

Kʼ ame he ka khana hnen at Aigupito a inya Iehova, iny ka hia but oganö nya bi ga Farao, me anyin je kariota, me anyin tavat tabö hos.

Esodo 15:3

Iehova thibi at vat: Iehova ien.

Esodo 17:1

KE haba ûkhaeaköu hia anyin lakon Isaraela, adre me he ûhedra hnyi hnyebuba Sina, hoton je ûhedra, helâ me hna hûna hnö Iehova, me hunuma hnyi Refidima: ke ba köiö belen tavat.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 3:14

Haba Khong ame ha kö Mose, ka habe, inya ang a e, ke ka inya ang: ke e ame ka, ka habe, U ma ha helâng ka lakon Isaraela, ka habe, inya ang at a hia but kunö nya köbun.

Esodo 3:15

Ke Khong ame ha minya kö Mose, ka habe, U ma he ka ha helâng ka lakon Isaraela, ka habe, A hia but kunö nya köbun Iehova, Khongon, lakamöbun, a Khongu Aberahama, me Khongu Isaaka, me Khongu Jekob; wale iök nyiele balua, ke wale hnân ûnykûmi nya hnyi ta je dö hia.

Esodo 6:29

me haingö Iehova kö Mose, ka habe, Inya Iehova: bethe ha kö Farao than Aigupito je hofuc hia thithö oge me haköu.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Esodo 6:8

Ke oge me he ka hum öbun ka hnyi hnyei waleji oge ogörânyâ hnyamok he ka ham kö Aberahama, me Isaaka, me Jekob; kʼ oge ma he ka ham köbun me hwajekhöubun: haba inya Iehova.

Isaia 42:8

Inya Iehova, wale iök: ke oge me ca he ka ham anyik hmanenang ka ke at, ke hna oganö nya bi ka ta je idola.

Isaia 43:11

Inya thibi Iehova, ke ba ju ke at ûhomeli, ke hake inya ke.

Isaia 43:15

Inya Iehova, Kabibun, at a Up Isaraela, ke Tuhöbun.

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Jeremia 9:24

ke so at ame hobâ he ka hobâ ûnyi ang, a e ame wâhmakhmeto me khana inya, a inya Iehova at ame ânyâ betenge, me owisa, me ûnyi ae ûcû eang hmeledrany: anyin a inya oge me senyin ka ta je ûnyi eling, haingö Iehova.

Ezekiela 20:5

ke ha thö ködrin, ka habe, Walang hna ha hnen Than Iehova, ka habe, Haba hnyi bong eji oge me ûcâ hnyin Isaraela, ke oge me hinöbeny ka je mâtrâniny lap anyi Jekob, ke omanenö nya kodra hnyi hnyei Aigupito, ke oge me hinöbeny kodra me ha, ka habe, Inya Iehova Khongubun;

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.