Esodo 5:6 - Iaai Bible 1901 (New Caledonia)

⁶ Ke haba hnyi bong eling Farao ame hûna ka je tuhan tavat huliwa me je homakan gadra, ka habe,

Esodo 5:6 ပူးပေါင်းရင်းမြစ်များ

II. Man Ûlabainy Je Than. 26:11

Ke e hu utbavat anyi Uzia, kʼ ödrin e ve he but ka vat ke deo me ke deo, hoton ûseidrin hna öu ödrin hnö Jeiela at sihnalimen me Maseia a taben vat, hmeli Hanania a taben vat anyin than.

Esodo 1:11

Anyina wale, adre roe otilâ hudrin ta je tuhan hu-liwa, hnân he ka oveci ödra ge anyidrin ta je huliwa ae hmak. Ke adre me otilâ li hnyaba hobi kö Farao, Pithoma me Ramese, hnân ip omjeû hnyin.

Esodo 3:7

Ke Iehova ame ha, ka habe, Inya oge hia but wâ hna okongoâ lakeik walödra hnyi hnyei Aigupito, me löng anyidra tenge ûnyi ge je tuhan anyidra huliwa; anyin ae khanö nya anyidra vec;

Esodo 5:10

Me ame he but ta je tuhan tavat huliwa me je homakan gadra, me ha ka tavat, ka habe, Walang hna ha hnö Farao, ka habe, Oge me ca he hmetu ka ham thatûnyin hwit köbun.

Esodo 5:19

Ke a wâ but je homakan huliwa a je lakon Isaraela a odrin e kong ut ûnyi hnyi hna ha, ka habe, Öbun e ca he ka owakhaletâ je veto kânâ, waleji hûdröbun hnyi je bong.

Esodo 5:7

Ca he hmetu bi öbun ka ham thatûnyin hwit ka tavat hnân ânyâ veto kânâ helâ me ehac: hamödra ka hlo thatûnyin hwit hobi ködra bi.

Ta je Vejec 12:10

Haba at ae wisa, me ame betenge ge haleny meno: Ke haba ibetengiö anyin at ae kong, me wale beovecâ.

Numera 11:16

Haba Iehova ame ha kö Mose, ka habe, Ûkhacaköuâ thö könya je hnyat a sevente, a wahingatiny at Isaraela, wale u me wâhmakhmeto a wahingatiny hnyei, me homakan hnyei; ke hum ödrin ka hnyi uma ûkhacaköu, mʼ ödrin e he ka tha tot mou eling.

Deuteronomi 1:15

Waleling me oge me hom ta je taben anyibun je tribu, tavat ae metâ, adre wâhmakhmeto, me otilʼ ödrin hnân je homakan köbun, a je taben thauzan, me je taben haded, me je taben fifte, me je taben ten, me tavat musi, hoton anyibun je tribu.

Deuteronomi 16:18

Ke u me he ka otilâ hnyat owisa, me je taben hnyi em hnyei hia a ham köu hnö Iehova, hnyi ânyâm je tribu: ke ödrin e he ka owisa tavat ge hna owisa ae wisa.

Josua 24:1

KE haba Josua ame ûkhacaköuâ je tribu Isaraela hia hnyi Sekema, me hawâ wahingatiny at Isaraela, me je ban, me je hnyat owisa, me je homakan gadra; me adre me o hnyi hnyimakan Khong.

Josua 24:4

Ke oge me ham Jekob me Esau kö Isaaka; ke oge me ham bucen Seira kö Esau me me iny; ke Jekob ame he me lakon Aigupito ai.

Josua 8:33

Ke haba at Isaraela hia, me wahingatidrin, me anyidrin je taben, me anyidrin je hnyat owisa, ödrin e ûtitilen hnyi li baten tang hnyi hnyimakan hnyat bihut a at Levi, wale hnyat ödrin e vadren tangen ûhihinyköu anyi Iehova, a je atkanyua tha ödrin me tavat adre hnokoâ hnyi hnyei; haba ke keihen a hafiny adre me tot cicö bucen Gerizim, ke ke hafiny cicö bucen Ebala; helâji me Mose a athnyabai Iehova ame hûna, mʼ adre me he ka bödrin ka ha hnahicâ hnyei Isaraela.