Esodo 40:7 - Iaai Bible 1901 (New Caledonia)

⁷ Ke u me he ka ip taben soû wanben uma ûkhacaköu me taben hut, me hingâlâ köiö ka hnyin.

Esodo 40:7 ပူးပေါင်းရင်းမြစ်များ

Salamo 26:6

Oge me he ka hinyem hnyi hwakecin ae ba hnyikongon; Ke helâe oge me he ka igigilo ânyâm taben hut, Iehova:

Esodo 38:8

Ke e ame ânyâ taben soû a bras, me can a bras, ûnyi hnyi je uselat anyin omomo adre ûkhacaköu he ka bi athnyaba hnyi hwanumen uma ûkhacaköu.

Esodo 40:6

Ke u me he ka ip taben leû hut cicö hwanumen uma mano a uma ûkhacaköu.

Esodo 40:8

Ke u me he ka otilâ hak igigilö me uhno hlinginy homagöuleny hak.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.