Esodo 40:16 - Iaai Bible 1901 (New Caledonia)

¹⁶ Haba Mose ame ânyâ helâe: hoton ta je hofuc hia a hûna Iehova kâu.

Esodo 40:16 ပူးပေါင်းရင်းမြစ်များ

Genese 6:22

Haba Noa ame ânyâ helâe; e ame ânyâ hoton ta je ûnyi hia Khong ame hûna kâu.

Esodo 40:15

ke u me he ka hû odrin helâ me hnâm hna hû kamödrin, mʼ odrin e je at bihut könya: ke haba hna hû ödrin, me waleling me me hnyat bihut nyiele balua hnyi anyidrin ta je dö hia.

Esodo 7:6

Ke haba Mose me Arona ödru me ânyâ helâ me Iehova ame ha ködru, ödru me ânyâ helâe.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Jeremia 13:5

Me oge me he me ikhâlâ e hnyi Euferate hoton hna hûna könya ga Iehova.

Levitiko 8:13

Ke Mose ame hom laku Arona, me okhaûʼ odrin ge je ûkhaû, me oweikâ je hnyekudrin, me obicʼ odrin ge je hnabinybak; helâ me hna hûna hnö Iehova kö Mose.

Levitiko 8:21

Ke e ame hneû tang tiny ge köiö, me je can; ke Mose ame tha le hia mamoe baga hon taben hut, wale hut adre le hnân bo so, me hut a an hnen meic kö Iehova: helâ me Iehova ame hûna kö Mose.

Levitiko 8:9

Ke e ame obicâ e ge hnabinybak, me ip hnyi hnyimakan hnabinybak wahano gol, korona ae kap: helâ me hna hûna hnö Iehova kö Mose.

Numera 1:19

Ke e ame öû ödrin hnyi hnyebuba Sinai, hoton hnö Iehova hna hûna kö Mose.

Numera 9:22

Ame ne lo thibi li bong, ame ne khaca tehi, ame ne khaca huna, kʼ ame ne e bi ûlâ hon uma mano, me labö e, me haba lakon Isaraela adre me laba, me ca he bi: ke hnyi ûen adre me kap goranyai e, me adre me he.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

I. Korinito 4:2

Ke haba khaca, hamen tavat walang adre me tuö omjeû he ka ve hnathu.

Deuteronomi 12:32

Haba ta je ûnyi hia oge me hûna köbun, me öbun e he ka tuö me ânyâ: u me ca he ka bi hanen ka hnyin, me ohia hanen.

Deuteronomi 4:1

ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.

Heberu 3:2

waleji ame hnathu ka at a otilâ e, helâ me Mose minya hnyi hnyaban hia thithö.

Heberu 3:5

Ke e hnathu hmonyin Mose hnyi hnyaban hia, helâ me athnyaba, hnân ohnathoâ ta je ûnyi adre me he ka ha nyiele;