Esodo 4:5 - Iaai Bible 1901 (New Caledonia)

⁵ mʼ adre me he ka kap a ga manen köu Iehova, Khongon lakamödra, Khongu Aberahama, me Khongu Isaaka, me Khongu Jekob.

Esodo 4:5 ပူးပေါင်းရင်းမြစ်များ

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 18:1

KE Iehova ame manen dut kâu hnyi sawajo anyi Mamere, kʼ ame laba hnyi hwanumen umen uma mano hnyi jebigö;

Genese 26:2

Ke Iehova ame manen dut kâu, me ha, ka habe, Ca he Aigupito ai; laba ju hnyi hnyei oge me he ka ha köu:

Genese 28:13

Ke wâ bi, ame tot Iehova ethö hon e, me ha, ka habe, Inya Iehova, Khongu Aberahama a kâmâm, me Khongu Isaaka: haba kânâ u me mokut hnyin, oge me he ka ham e köu, me je mâtrânâm;

Genese 48:15

Ke e ame hahnahici Josefa, me ha, ka habe, E so ame he Khong, wale hnen lakamök Aberahama me Isaaka hna he hnyi hnyimakan, a Khong waleji at ame ha ök hwân kʼ iny tiga wanakat ke ne o but hnyi bong ang,

Genese 48:3

Ke haingö Jekob kö Josefa, ka habe, A manen dut Khong Aekhanahia könya ehac hnyi Luza hnyi hnyei Kanana, me hahnahici nya,

I. Je Than 18:36

Ke haba hnyi ûen hudo hudiny sahac, haba Elia perofeta ame hakekeny me ha, ka habe, Iehova lö, Khongu Aberahama, me Isaaka, me Isaraela, omanenâ thö hnyi bong ang a u Khongu Isaraela, me inya ang athnyabaem, me oge hia but ânyâ ta je ûnyi hia thithö ang ûnyi hnyi hofuc a hwâm.

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

Esodo 19:9

Ke haingö Iehova kö Mose, ka habe, Wâ bi oge me o but köu hnyi ûlâ ae khot, me me he tavat ka löng anyik ûhnenamö möu, mʼ adre me labageju bala köu. Haba Mose ame thumeta Iehova hofuc hwan tavat.

Esodo 3:15

Ke Khong ame ha minya kö Mose, ka habe, U ma he ka ha helâng ka lakon Isaraela, ka habe, A hia but kunö nya köbun Iehova, Khongon, lakamöbun, a Khongu Aberahama, me Khongu Isaaka, me Khongu Jekob; wale iök nyiele balua, ke wale hnân ûnykûmi nya hnyi ta je dö hia.

Esodo 3:16

He thö u he ka ûkhacaköuâ wahingatiny Isaraela, me ha ködra, ka habe, A manen dut könya Iehova, Khongon lakamöbun, Khongu Aberahama, me Khongu Isaaka, me Khongu Jekob, me ame ha, ka habe, Inya oge hia but senʼ öbun, me wâ ta je ûnyi adre ânyâ köbun e Aigupito:

Esodo 3:18

Ke adre me he ka löng hwâm: ke u ma he ka tha he me wahingatiny Isaraela ka than Aigupito, kʼ öbun e he ka ha kâu, ka habe, A hia but iouny möhmun Iehova Khongon at Heberu: ke walang ang, ö u hnʼ ohmun dut he ka he ka hnyi hnyebuba hnyi kun ta bong, he ka bi hut kö Iehova a Khonguhmun.

Esodo 3:4

Ke a wâ but Iehova, a e ame saû ka wâ, me haba Khong ame hawâ e ûnyi hnyi ûö ae ûdedö, me ha, ka habe, Mose, Mose lö. Ke haingen, ka habe, Inya ang.

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Esodo 4:1

KE haba Mose ame thu me habe, Wâ bi adre me ca he ka köp nya, me löng ifucik: anyin adre me he ka ha, ka habe, A ca manen köu Iehova.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Esodo 4:4

Ke Iehova ame ha kö Mose, ka habe, Inâ but hnyamâm ka hom obiny: (ke ame inâ but hnyamen me hom, kʼ ame uci hmetu but hnyi hnyamen:)

Isaia 7:9

Ke Samaria ban ka Eferaima, ke nöku Remalia ban ka Samaria. Öbun e ne ca labageju, e hnathu öbun e ca he ka tethmâ.

Jeremia 31:3

Haba Iehova ame manen dut könya ehac me ha, ka habe, Inya oge me betenge gam ge betenge a nyiele balua: anyin a wale oge hia but lili u ge betenge baû.

Ioane 11:15

Ke inya oge me senyin gabun, anyin ae hiö nya e, mʼ öbun e he bi ka labageju; otin he thö kâu.

Ioane 11:42

Ke e khanö nya a u me ling nya bala: ke oge me ha anyin a ödra se adre me tot igigili nya, mʼ adre me he ka kap a u je kunö nya.

Ioane 20:27

Ke e ame ha kö Toma, ka habe, Hö jem banyâm me wâ bi ang li hnyamok; ke hö jem hnyamâm, me inâ ju ka hnyi vhakök: me ca lolo bi, ke labageju ju.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 5:36

Ke hu but gak hnân ohnatho ae beönua hu Ioane: anyin a haba ta je huliwa a ham könya Kamen he ka ânyâ, me wale ta je huliwa oge me ânyâ hnân ohnathu nya a ga kunö nya Kamen.

Ta je huliwa 7:2

Me e ame ha, ka habe, Hnyat me lakeiny me lakamök lö, long ju. Haba Khong ae hmanenang ame manen dut kö Aberahama a kamöta, waleji ke tiga e bi hnyi Mesopotamia, ke tiga ca laba bi hnyi Karan,

Heberu 11:16

Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.