Esodo 4:23 - Iaai Bible 1901 (New Caledonia)

²³ ke oge hia but ha köu, ka habe, Hna but nokuk me me he ka bi athnyaba könya; ke u je hia but behânâ: wâ bi, oge me he bi nya ka hlingâ nokom a atö.

Esodo 4:23 ပူးပေါင်းရင်းမြစ်များ

Salamo 105:36

E ame kot minya ta je lakudra a bân hia thithö hnyi idra hnyei, Je wan a bân hwegiödra hia.

Salamo 135:8

Waleji at ame kot watö hnyi Aigupito, Tavat me omeno.

Salamo 136:10

Kâu at ame kot Aigupito wale ta je lakudra a bân: Anyin a nyiele balua anyin ibetengiö:

Salamo 78:51

Me hlingâ watö hnyi Aigupito, Je wahwege ae nua hnyi je uma mano umö Hama:

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Esodo 10:4

Ke u je ne höcö hna lakeik wâ bi, haba nyi, oge me he ka kunâ je wahamon ka hnyi em hnyei:

Esodo 11:5

kʼ ame he ka mokcu ta je atö hia hnyi hnyei Aigupito, hwân ge atö noku Farao at ame tabâ anyin theron, ke ne o but ka atö nokon momo at ame khenyö hwit; ke je atö minya lakon je meno hia.

Esodo 12:29

Ke haba hnyi wanbenset Iehova ame kot ta je atö hia thithö hnyi hnyei Aigupito, hwân ge atö noku Farao a tabâ anyin theron, ke ne o but ka je atö lakon je bâ hnyi uma ceat; me je atö lakon je meno hia.

Esodo 13:15

ke e höcö Farao hnʼ ohmun, haba Iehova ame hlingâ je atö hia hnyi hnyei Aigupito, a atö lakon at me atö lakon meno: anyin a wale inya oge me hudo ta je nokon a bân kö Iehova, a obaga; ke oge me bi hwaban je atö a lakuk hia.

Esodo 18:8

Ke Mose ame thumeto ûngon ge ta je ûnyi hia a ânyâ Iehova kö Farao me at Aigupito hobi kâu at Isaraela, me ta je vec hia a o ködra eû hnyi gethen, me hna omeli odra ga Iehova.

Esodo 3:18

Ke adre me he ka löng hwâm: ke u ma he ka tha he me wahingatiny Isaraela ka than Aigupito, kʼ öbun e he ka ha kâu, ka habe, A hia but iouny möhmun Iehova Khongon at Heberu: ke walang ang, ö u hnʼ ohmun dut he ka he ka hnyi hnyebuba hnyi kun ta bong, he ka bi hut kö Iehova a Khonguhmun.

Esodo 5:1

KE hwaban dö e haba Mose me Arona ödru me he me ha kö Farao, ka habe, Walang hna ha hnö Iehova Khongu Isaraela, ka habe, Hna but lakeik mʼ adre me he ka bi jeû könya hnyi hnyebuba.

Esodo 6:11

He thö me ha kö Farao than Aigupito he ka hna but je lakon Isaraela ûnyi hnyi iny hnyei.

Esodo 7:16

Ke u ma he ka ha kâu, ka habe, A kunö nya Iehova, Khongon at Heberu, köu, he ka ha ka habe, Hna but lakeik mʼ adre me he ka biathnyabaik hnyi hnyebuba: ke wâ bi u je ca löng könya hnyi je bong eji.

Esodo 8:1

KE Iehova ame ha kö Mose, ka habe, Didrö kö Farao, me ha kâu, ka habe, Walang hna ha hnö Iehova, ka habe, Hna but lakeik mʼ adre me he ka bi athnyabaik.

Esodo 8:16

Ke Iehova ame ha kö Mose, ka habe, Ha thö kö Arona, ka habe, Inâ but ânyâm uci, me kot sesâiny kânâ, me ame he ka hu je uto hnyi hnyei Aigupito hia.

Esodo 8:17

Ke ödru me ânyâ helâe; ke Arona ame hai hnyamen me anyin uci, me kot sesâiny kânâ, me me hu uto hon at, me meno; ke uto hia but kânâ hnyi hnyei Aigupito hia.

Esodo 8:20

Ke Iehova ame ha kö Mose, ka habe, U ma vesâkong me tot hnyi hnyimakö Farao; wâ bi, e ame he ka hnyi köiö; ke u ma he ka ha kâu, ka habe, Walang hna ha hnö Iehova, ka habe, Hna but lakeik he ka bi athnyabaik.

Esodo 9:1

ME haba Iehova ame ha kö Mose, ka j habe, He thö ko Farao, me ha I kâu, ka habe, Walang hna ha hnö Iehova! Khongon at Heberu, ka habe, Hna but lakeik mʼ adre me he ka bi athnyabaik.

Esodo 9:13

Ke Iehova ame ha kö Mose, ka habe, Vesâkong ut, me tot knyi hnyimakö Farao, me ha kâu, ka habe, Walang hna ba hnö Iehova Khongon at Heberu, ka habe, Hna but lakeik mʼ adre me he ka bi athnyaba könya.

Esodo 9:2

Anyin a u je ne höcö hnʼ odra, me behanʼ odra bala bi,

Hosea 11:1

HNYI ûen ae tiga wanakat Isaraela, oge me betenge gan, me hawâ nokuk ûheny Aigupito.