Esodo 4:21 - Iaai Bible 1901 (New Caledonia)

²¹ Ke Iehova ame ha kö Mose, ka habe, U ka he hmetu Aigupito ai, ûnykûme ju he ka ânyâ ta je ûnyi hnân lâiâ hia hnyi hnyimakö Farao, waleji oge ip hnyi hnyamâm: ke oge me he ka okhötâ hnyekon, me ame ca he ka hna tavat.

Esodo 4:21 ပူးပေါင်းရင်းမြစ်များ

Genese 6:3

Ke Iehova ame ha, ka habe, Ame ca he bala hanuk ba ûö hwege me at, anyin a e thibi unyin: ke so bi haba bonginy je bong ame he ka khaca haded ke twente ta je huna.

I. Je Than 22:22

Ke haba Iehova ame ha kâu, ka habe, U ma he ka kâmâu? Me haingen, ka habe, Oge me he ka he but, ke oge me he bi nya a hanu ae thoi hnyi hnyimen anyin ta je perofeta hia. Haingen, ka habe, U me he ka iyawâ, me u me he minya ka tom: he thö, me ânyâ helâe.

Salamo 105:25

E ame wia hnyekudra he ka hûkotiâ lakeiny, He ka iyawâ lathnyabainy.

Salamo 78:43

Me hnen hna otilâ hnyi Aigupito anyin ta je haten, Me anyin ta je ûnyi hnân lâiâ hnyi ta hnyei hnyi Zoana;

Esodo 10:1

KE haba Iehova ame ha kö Mose, ka habe, He thö kö Farao: anyin a oge hia but onâkâ hnyekon, me hnyekon lathnyabainy, mʼ inye he ka omanenâ hnyi hnyimaködrin ta je hatök eang:

Esodo 10:20

Ke Iehova ame onâkâ hnyeku Farao, kʼ ame ca hna bala lakon Isaraela.

Esodo 10:27

Ke Iehova ame ouâkâ hnyeku Farao, me ame höcö he ka hnʼ odra.

Esodo 11:10

Ke Mose me Arona ödru me ânyâ ta je ûnyi hnân lâiâ hnyi hnyimakö Farao: ke Iehova ame onâkâ hnyeku Farao, me ame ca hna lakon Isaraela ûnyi hnyi iny hnyei.

Esodo 11:9

Ke haba Iehova ame ha kö Mose, ka habe, Ame ca he Faroa ka ling öbu, mʼ adre me he ka osehia, anyik ta je ûnyi hnân lâiâ hnyi hnyei Aigupito.

Esodo 14:17

Ke haba inya oge me he bi nya ka onâkâ hnyekon at Aigupito, kʼ adre me he ka hnu hotudra ka hnyin: kʼ oge me he ka oganö nya bi ga Farao, me anyin je vat hia, me anyin je kariota, me anyin je hnyat tabö hos.

Esodo 14:4

Ke oge me he bi nya ka onâkâ hnyeku Farao, kʼ ame he ka hnu hotudra; kʼ ame he ka oganö nya ga Farao, me anyin je vat hia; kʼ ame he ka khana hnen at Aigupito a inya Iehova. Kʼ adre me ânyâ helâe.

Esodo 14:8

Ke haba Iehova ame onâkâ hnyeku Farao than Aigupito, kʼ ame hnu lakon Isaraela: anyin a haba lakon Isaraela adre me he me tang hwege.

Esodo 3:19

Ke manen könya a gʼ ame ca he than Aigupito ka hnʼ öbun, ke so bi hnen hnyamen ae hwege.

Esodo 3:20

Ke oge me he ka hai hnyamok me kot Aigupito ge ta je ûnyi hnân lâiâ, wale oge me he ka ânyâ eling: ke hwaban dö e, e ame he ka hnʼ öbun.

Esodo 7:13

Ke ame nâk ut hnyeku Farao, kʼame ca ling ödru, helâ me hna ha hnö Iehova.

Esodo 7:3

Ke oge me he ka onâkâ hnyeku Farao, me osehia anyik ta je haten me ta je anyi hnân lâiâ, hnyi hnyei Aigupito.

Esodo 8:11

Kʼ ame he ka hia ta je rana unyâm, me hnyi umâm uma, me unyin lathnyabaem, me je lakem, mʼ adre me he ka laba thibi hnyi wagewe.

Esodo 8:15

Ke a wâ but Farao a ga menâ thö, me ame onâkâ hmetu but hnyekon, kʼ ame ca löng ködru; helâji me hofuc ho Iehova.

Esodo 8:32

Ke Farao ame onâkâ hmetu but hnyekon hnyi ûen minya e, kʼ ame ca hna bala tavat.

Esodo 9:12

Ke haba Iehova ame onâkâ hnyeku Farao, kʼ ame ca ling ödru, helâji me hna ba hnö Iehova kö Mose.

Esodo 9:35

Ke nâk ut hnyeku Farao, kʼ ame ca hna but lakon Isaraela; helâji me hna ha hnö Iehova a deny Mose.

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Isaia 63:17

Ieû u je omonu öhmun gan Iehova ûnyi hnyi dem gethen, me okhötâ je hnyekuhmun mʼöhmun e ca outö u? Hmetu ju can je athnyabaem, a je tribuiny em hnyei.

Ioane 12:40

E ame owadruâ ta je emaködra, ke e ame okhötâ je hnyekudra; Wâ adre nye wâ ge je emaködra, me ûnykûme ge je hnyekudra, Wâ adre nye hmetu, Mʼ iny omeli ödra but.

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

Roma 9:18

Awe, e ame betenge ge at e ame! betenge gan, ke e ame onâkâ at e ame beonâkâ kâu.

II. Korinito 2:16

haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang?

Deuteronomi 2:36

E ba ke taun ae hwege huta, hwân hnyi Aroera hnyi baten hnyigöulen bucen e Arenona, me taun a e hnyi hnyigöulen bucen, ke ne o but Gileada: Iehova Khonguta ame hna but hia köta hnyi hnyima-köta:

Josua 11:20

Anyin a ûnyi ga Iehova he ka okhötâ je hnyekudra, mʼ adre me he ka vat me at Isaraela, me e ame he ka ti ohiʼ ödra, mʼ adre me ca he ka betenge gadra, ke ao bi mʼ adre me he ka ohiʼ ödra, helâji me Iehova ame ha kö Mose.

I. Peteru 2:8

me Veto hnân othoâ, me kic hnân öüo; anyin adre me thö thö hnyi hofuc, anyin adre me ca labageju: ke adre me ip ödra hnân ûnyi eling.