Esodo 4:20 - Iaai Bible 1901 (New Caledonia)

²⁰ Me haba Mose ame hom âiân, me lakon, me ip ödrin hon asina, me he hmetu ka hnyi hnyei! Aigupito: haba Mose ame hom uci anyin Khong hnyi hnyamen.

Esodo 4:20 ပူးပေါင်းရင်းမြစ်များ

Esodo 14:16

Ke hai thö ânyâm uci, me inâ but hnyamâm hon köiö, me me khekhe lo but: kʼ ame he lakon Isaraela ka he wanben köiö hnyi dok ae mada.

Esodo 17:9

Ke haingö Mose kö Josua, ka habe, Ûca thö hobi köta tavat, ke he thö ka vat me at Amaleka: haba nyi oge me he ka tot hnyi dok ae hut me uci anyin Khong hnyi hnyamök.

Esodo 18:6

ke ame ha kö Mose, ka habe, Inya Jethero ûngom oge me o köu me âiâm me lakom li baga a tha ödru me.

Esodo 2:22

Kʼ ame hnokoâ nokon baga, me ame hwenyi ien Geresoma: anyin a haingen, ka habe, Iny atkanyua hnyi ke hnyei bi.

Esodo 4:17

Ke u ma he ka hom uci ang hnyi hnyamâm, me u me he ka ânyâ ta je haten hnen e.

Esodo 4:2

Ke haba Iehova ame ha kâu, ka habe Ieû e hnyi hnyamâm? Ke ame ha, ka habe, Uci.

Numera 20:11

Ke Mose ame inâ hnyamen goranyai, me olo kot kic ge uci: kʼ ame patrutrua köiö ae gan, me ame ic ûkhacaköu me haledra omeno.

Ta je huliwa 7:29

Me ame kec ut Mose can hofuc eling, me laba atkanyua hnyi hnyei Midiana, waleji e ame hnokoâ hnyin lakon li baga.