Esodo 4:1 - Iaai Bible 1901 (New Caledonia)

¹ KE haba Mose ame thu me habe, Wâ bi adre me ca he ka köp nya, me löng ifucik: anyin adre me he ka ha, ka habe, A ca manen köu Iehova.

Esodo 4:1 ပူးပေါင်းရင်းမြစ်များ

I. Je Than 13:3

Ke e ame bi haten hnyi bong eling, me ha, ka habe, Walang haten ame ha Iehova: Wâ bi, ame he ka hmouca taben hut, me hingölö je dröu ûnyi hnyi hon.

Esodo 2:14

Ke ame thu, ka habe, Ia otilö u hnân than me at owisa unyihmun? u me ûnykûme he ka hlingö nya heli me hnâm hna hlingâ at Aigupito? Ke Mose, ame ot, me habe, E hnatbu e manen dut ûnyi eling.

Esodo 3:15

Ke Khong ame ha minya kö Mose, ka habe, U ma he ka ha helâng ka lakon Isaraela, ka habe, A hia but kunö nya köbun Iehova, Khongon, lakamöbun, a Khongu Aberahama, me Khongu Isaaka, me Khongu Jekob; wale iök nyiele balua, ke wale hnân ûnykûmi nya hnyi ta je dö hia.

Esodo 3:16

He thö u he ka ûkhacaköuâ wahingatiny Isaraela, me ha ködra, ka habe, A manen dut könya Iehova, Khongon lakamöbun, Khongu Aberahama, me Khongu Isaaka, me Khongu Jekob, me ame ha, ka habe, Inya oge hia but senʼ öbun, me wâ ta je ûnyi adre ânyâ köbun e Aigupito:

Esodo 3:18

Ke adre me he ka löng hwâm: ke u ma he ka tha he me wahingatiny Isaraela ka than Aigupito, kʼ öbun e he ka ha kâu, ka habe, A hia but iouny möhmun Iehova Khongon at Heberu: ke walang ang, ö u hnʼ ohmun dut he ka he ka hnyi hnyebuba hnyi kun ta bong, he ka bi hut kö Iehova a Khonguhmun.

Esodo 4:10

Ke haba Mose ame ha kö Iehova, ka habe, Than lö, iny ca at khet, waleji ehac, me walang ang hwaban hnâm hna fuc könya a athnyabaem: anyin a teta ifucik, ke teta bohmök.

Esodo 4:30

me Arona ame ha je hofuc hia waleji a ha Iehova kö Mose, ke ame ânyâ ta je haten hnyi hnyimakan tavat.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Esodo 6:12

Ke Mose ame ha hnyi hnyimakö Iehova, ka habe, Me wâ, ame ca ling nya ge je lakon Isaraela; kʼ ama kâmâu, Farao ka ling nya, at adre ca peritomonâ esongodiny?

Esodo 6:30

Ke haba Mose ame ha hnyi hnyimakö Iehova, ka habe, Wâ bi, adre ca peritomonâ li esongodik, kʼ ama hawa Farao ka ling nya?

Jeremia 1:6

Me oge me ha, ka habe, Ekölö Than Iehova! wâ bi, e ca khanö nya he ka fuc: anyin a iny wanakat.

Ezekiela 3:14

Me hanu ame köp nya göranyai, me hum nya: ke oge me he but, ke iny vec me hmonyin, ke e hwege hnyamö Iehova huk.

Ta je huliwa 7:25

anyin a e ame ûnykûme a gʼ ame he je liamekeiny ka wâ ûnykûme a gʼ ame he Khong ka omeli ödra ûnyi ge hnyamen bi; ke adre me ca wâ ûnykûme.

Owisa 6:17

Ke haingen kâu, ka habe, Oge ne hia but kap betenge baû hnyi hnyimâkâm, u me he ka ânyâ könya haten, a u at ame ûhnenamö mönya.