Esodo 37:9 - Iaai Bible 1901 (New Caledonia)

⁹ Ke haba li kerubi ödru me lau goranyai je labenyidru me tube taben ibetengiö ge je labenyidru, ke ödru me ûhnyimaködruköu: haba li kerubi ödru me hnyimaködru ka hnyi taben ibetengiö.

Esodo 37:9 ပူးပေါင်းရင်းမြစ်များ

Genese 28:12

Ke e ame bwi, me wâ bi ke wacûat adre otilâ hon kânâ, kʼ ame kâlâ thö ethö drany ke hnyiban e: ke wâ bi ame ölö me utut hnyin ta je angela anyin Khong.

Genese 3:24

Waleling e ame obö Adamu but; ke e ame ip eiö hnyi hnyei Edena ta je Kerubi, me hele vat ae ubâhlâ ame wiwia ka hnyi je ke keihen hnyei hia, me hnân tuö gethen ka hnyi ûö hnân melen.

I. Je Than 6:27

Ke e ame ip li kerubi hnyi hnyin uma eiö hnyin: ke ame lau li labenyin li kerubi, me ame kâlâ hnyeige uma labenyin ke at, ke ame kâlâ ke hnyeige uma hnen labenyin ke kerubi; ke ame ûginö ke li labenyidru wanben uma.

Esodo 25:20

Kʼ ame he li kerubi ka lau goranyai li labenyidru, me me khavâ taben ibetengiö ge li labenyidru, ke ödru me he ka ûhnyimaködruköu; kʼ ame he li kerubi ka hnyimaködru ka hnyi taben ibetengiö.

Esodo 37:10

Ke e ame tibet laulau a utö öhum, lo li kubit ibeûen, ke khaca kubit ûlauen, ke khaca kubit me haf ibeûen goranyai:

Esodo 37:8

a khaca kerubi hnyi ke hnyiban, ke khaca kerubi hnyi ke hnyiban; ke ame ânyâ li kerubi hnyi li hnyiban a khaca me taben ibetengiö.

Isaia 6:2

Kʼ ame tot ethö hon e je serafi; ke ve hu labenyidra a siks; kʼ adre me tube je hnyimakodra ge li labenyidra, kʼ adre tube li cadra ge ke lo, kʼ adre me gâ ge ke lo hmetu.

Ioane 1:51

Ke e ame ha kâu, ka habe, E hnathu, e hnathu, inya oge me ha köbun, ka habe, Öbun e he bi ka wâ drany adre khong, me ta je angela anyin Khong adre me he ka ölö thö me utut hon Nokon at.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

Efeso 3:10

mʼ adre me he ka omanenâ walang ang ka ta je than me ta je musi hnyi je dok ethö hnyi drany, metâiny Khong ae ve bongon, a deny ekalesia,

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.