Esodo 33:9 - Iaai Bible 1901 (New Caledonia)

⁹ Ke hnyi ûen Mose ame didrö ka hnyi Uma mano, me ame utut ûlâ ame tot wisa, me laba hnyi hwanumen Uma mano, ke Iehova ame ûhnenamö me Mose.

Esodo 33:9 ပူးပေါင်းရင်းမြစ်များ

Genese 17:22

Ke e ame um dö ûhnenamö më, me Khong ame ölö thö ûheny ûnyi Aberahama.

Genese 18:33

Ke a um dö ûhnenamö Iehova me Aberahama, me ame he but: ke Aberahama ame hmetu ka hnyi hnyaban.

Salamo 99:7

E ame ha ködrin hnyi ûlâ ame tot wisa: Ödrin e vheno hnen je ohnatho, me hnanyibu waleji e ame ham ködrin.

Esodo 25:22

Ke oge me he ka iouny möu eling, me ûhnenamö möu ûnyi ethö hon taben ibetengiö, ûnyi hnyi wanben li kerubi hon tang hnân ohnatho, hnyi ta je hofuc oge me he ka hûna köu hobi kâu lakon Isaraela.

Esodo 31:18

Ke e ame ham kö Mose li veto ae lau anyin ûnyi hnân ohnatho, li veto ae lau a sihnalimen ge hnyamen Khong, hnyi ûen e ame um dö ûhnenamö më hon bucen Sinai.

Esodo 33:10

Ke a wâ but tavat hia ûlâ ame tot wisa a gʼ ame tot hnyi hwanumen Uma mano: me haba tavat hia adre me köûe me ve khudrung hnyi hwanumen umödra je uma mano.

Esodo 33:11

Ke Iehova ame fuc kö Mose ae ûcû hnyem, helâ me at ame ûhnenamö me waeny. Ke e ame he hmetu ka hnyi hna hunuma; ke kaba athnyabainy jia Josua noku Nuna, a bidröu, me ame ca he bi ûheny hnyin uma mano.

Esodo 33:8

Ke e ka he Mose ka hnyi Uma mano, me ame köûe thö tavat hia adre me ve tot hnyi je hwanumen umödra je uma mano, me ö Mose ke ne o but e ame didrö ka hnyi uma mano.

Esodo 34:3

Ke ca he ke at ka tha ölö möu, ke ca he ke at ka manen hnyi bucen hia; ke haba khaca, ca he je hnahat mamoe me kau ka han hnyi hnyimakan bucen eling.

Esodo 34:5

Ke Iehova ame utut hnyi ûlâ, me tha tot me eling me haimemenâ iö Iehova.

Esodo 34:9

Ke haingen, ka habe, Than lö u je ne betenge gak, ö u he Than ka tha he möhmun; anyin ae hwege nyin hnyei ang; ke u ma thang degecâ anyihmun monu me hulö, me wiʼ ohmun do mʼ ohmun e em hnyei

Ezekiela 3:22

Ke eling huk hnyamö Iehova: ke e ame ha könya, ka habe, Todrö, he thö ka hnyi dok ae tha hon, me oge me he ka fuc eling köu.

Numera 11:17

Ke oge me he ka utut me ûhnenamö eling mou: ke oge me he ka hom ke keihen hanu unyâm me ip hudrin; mʼ ödrin e he ka tha vadren mou tavat a ûnyi ae hmak, me u me ca he ka hake vadren.

Numera 7:89

Ke hnyi ûen ame didro Mose ka hnyi uma ûkhacaköu he ka ûhnenamö mē, me e ame löng Hwan ame fuc kâu ûheny thö hon taben ibetengiö wale hon tang ohnatho, ûheny hnyi wanben li kerubi: ke e ame fuc kâu.

Deuteronomi 31:14

Ke Iehova ame ha kö Mose, ka habe, Wâ bi, e hakekeny jut bong u me he ka mok hnyin: hawo Josua, mʼ öbu me he ka tha tot hnyi uma hnân ûkhacaköu, me oge me he ka hûna kâu. Me haba Mose me Josua, me, ödru me tha he me tot hnyi uma hnân ûkhacaköu.

Deuteronomi 31:15

Ke Iehova ame manen dut hnyi uma hnyi ûlâ ame tot wisa: ke haba ûlâ ame mokut hnyi hwanumen uma.