Esodo 33:3 - Iaai Bible 1901 (New Caledonia)

³ ka hnyi hnyei ame di hnyin dân basin me hani: anyin a oge me ca he ka tha he möu; anyin a u hnyei ae hwege nyin: wâ oge ne he ka ohiö u eû hnyi gethen.

Esodo 33:3 ပူးပေါင်းရင်းမြစ်များ

II. Je Than 17:14

Ke so bi ödrin e höcö long, me ohwegiâ je nyidrin, helâ me nyin je lakamödrin, tavat adre me ca labageju bi kö Iehova Khongudrin.

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Esodo 13:5

Ke e ka he Iehova ka hum u ka hnyi hnyei Kanana, me Heth, me Amora, me Hivi, me Jebusi, waleji a khemanyin ka lakâmâm he ka hani köu, a hnyei ame di ge dân basin me hani, me u ma he ka ânyâ huliwa eang hnyi tehi eang.

Esodo 23:21

Wâ wia e bi, me löng hoton hwan hofuc: ca he ka ohmönyinâ: anyin a e ame ca he ka hna degecâ hnâm ta je hna hanyâûâ; anyin a eû hnyi hnyekon iök.

Esodo 3:17

kʼ oge hia but ha a oge me he ka hum öbun ûnyi hnyi ta je vec hnyi Aigupito ka hnyi hnyei iny at Kanana, me Heth, me Amora, me Perizi, me Hivi, me Jebusi, wale hnyei ame di hnyin debai me hani.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 32:14

Ke haba Iehova ame ietra monu, wale e ame ha he ka ânyâ ka lakeiny.

Esodo 33:5

Ke Iehova ame ha kö Mose, ka habe, Ha thö ka lakon Isaraela, ka habe, U hnyei ae hwege nyin: oge ne he hnyi wanbâm hnyi thuthubademak, me, oge me he ka ohiö u: anyin a wale u ma he walang ang ka uny jut je theibâm, me me khanö nya ûnyi oge me he ka ânyâ köu.

Esodo 34:9

Ke haingen, ka habe, Than lö u je ne betenge gak, ö u he Than ka tha he möhmun; anyin ae hwege nyin hnyei ang; ke u ma thang degecâ anyihmun monu me hulö, me wiʼ ohmun do mʼ ohmun e em hnyei

Isaia 48:4

E khanö nya a u at ûjöng, ke toiny fao nyem, ke bras barem;

Jeremia 11:5

me inye he ka ohwâdâ ûhihinyköu oge khemanyinâ ka lakamöbun, he ka ham kodra hnyei ame di hnyin debai me hani, helâ me hnyi bong ang. Me oge me thu me ha, ka habe, Iehova lö, Amen.

Ezekiela 20:6

haba hnyi bong eling oge me hinöbeny hnyin kodra he ka hum ödra ûnyi hnyi hnyei Aigupito ka hnyi hnyei waleji oge me elâm hobi kodra, kʼ ame di hnyin debai me hani, kʼ ame hmanenang hon ta je hnyei hia thithö:

Levitiko 20:24

Ke oge hia but ha köbun, ka habe, Ame he ka bu köbun idrin hnyei, ke oge me he ka ham e köbun he ka labâ, wale hnyei ame di hnyin debai me hani: Inya Iehova Khongubun, at ame ucʼ öbun ûnyi hnyi ta je hnyei.

Jona 3:10

Ke a wâ but Khong anyidra je huliwa, a adre me hwio ûnyi hnyi dedra ta je gethen ae kong; me haba Khong ame ietra ûnyi ae kong wale a ha he ka ânyâ kodra; ke e ame ca ânyâ bi.

Jona 3:4

Ke haba Jona ame hwân ka dit hnyi taun, ke khaca bong ka he, me e ame hongot, me ha, ka habe, Fâte biju ta bong me adre me he ka ohia but Nineve.

Numera 13:27

Ke ödrin e thumeto e, ka habe, Ohmun e o but ka hnyi hnyei u je kunʼ ohmun ka hnyin, ke e hnathu ame di ge debai me hani; ke walang waniny.

Numera 14:12

Oge me he ka kuc ödra ge mok me ohia hwajeköûdra, ke oge me he ka wiö u hnân hnyei ae gan me man hudra.

Numera 14:8

Ame ne senyin köta Iehova, me e ame he ka hum ota ka hnyi hnyei, me ham köta; a hnyei ame di hnyin debai me hani.

Numera 16:13

hawa unyi a ûhnyûkong a u je hum ohmun jem ûnyi hnyi hnyei ame di hnyin debai me hani, he ka hlingʼ ohmun hnyi hnyebuba, ke u je wem minya he ka bi than humun?

Numera 16:21

Ûsâkâûö but öbun me ûkhacaköu eang, mʼ inya he ka ohiʼ ödrin hnyi thuthubademak.

Numera 16:45

He thʼ öbu ûnyi hnyi ûkhacaköu eang, mʼ inye he ka ohiʼ ödra hnyi thuthubademak. Me ödru me ta ju hnyimaködru hnyikânâi.

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Deuteronomi 4:24

Anyin a meic ae han Iehova Khongom, Khong ame ciâ.

Josua 5:6

Anyin a haba lakon Isaraela adre me vheno hnyebuba fâte je huna, ke ne o but ame hia tavat adre hnyi vat ûhedra Aigupito, anyin adre me ca long hoton hofuc ho Iehova: me Iehova ame khemanyin ködra a gʼ ame ca he ka omanenâ ködra hnyei, waleji a khemanyin Iehova ka lakamödra he ka ham köta, wale hnyei ame di ge debai me hani.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.