Esodo 33:2 - Iaai Bible 1901 (New Caledonia)

² ke oge me he ka kunâ hnyi hnyimâkâm ke angela; ke oge me he ka obâ at Kanana, me Amora, me Heth, me Perizi, me Hivi, me Jebusi:

Esodo 33:2 ပူးပေါင်းရင်းမြစ်များ

Genese 15:21

me at Amora, me at Kanana, me at Girigasa, me at Jebusi.

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

I. Man Ûlabainy Je Than. 1:14

me at Jebusi, me Amora, me Girigasa;

Esodo 23:20

Wâ bi, inya oge me kunâ angela he ka bân hnyi hnyimâkâm he ka tuö u eû hnyi gethen, me hum u ka hnyi dok oge hia but penapena.

Esodo 3:17

kʼ oge hia but ha a oge me he ka hum öbun ûnyi hnyi ta je vec hnyi Aigupito ka hnyi hnyei iny at Kanana, me Heth, me Amora, me Perizi, me Hivi, me Jebusi, wale hnyei ame di hnyin debai me hani.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 32:34

Ke he thö walang ang me hom tavat ka hnyi dok waleji oge me ha köu: wâ bi, ame he ka he anyik angela hnyi hnyimâkâm: ke so bi, haba hori bong oge me he ka senâ, me oge me he ka bi hwaban anyidra hulö.

Esodo 33:12

Ke haingö Mose kö Iehova, ka habe, Me wâ bi, u je ha könya, ka habe, He thö ka hom tavat eang: ke u tiga ca omanenâ könya at u me he ka tha kunâ mönya. Ke so bi u je ha, ka habe, E khanö u inya me iâm, ke inya oge me betenge köu.

Esodo 34:11

Wâ wia hnök hna hûna köu hnyi bong ang: wâ bi, oge me he ka obâ hnyi hnyimâkâm at Amora, me Kanana, me Heth me Perizi, me Hivi, me Jebusi.

Esodo 34:24

Anyin oge me he ka obâ ta je hnyei hnyi hnyimâkâm, me ogânâ je hnyegöulâm: ke ame ca he ke at ka behnyekon em hnyei, u ka he ka manen hnyi hnyimakö Iehova Khongom, hnyi kun ta ûen hnyi huna.

Zakaria 12:8

Hnyi bong eling ame he Iehova ka söng aten Jerusalema; ke haba at ae sënyin gadra hnyi bong eling ame he ka helâ me Davita; ke ame he lap anyi Davita ka helâ me Khong, helâ me angela anyi Iehova hnyi hnyimaködra.

Deuteronomi 7:22

Ke ame he Iehova Khongom ka obâ ûsa ûhnyûkong je hnyei eling hnyi hnyimâkâm: u me ca he ka okhaca obʼ ödra, wâ ödra nye se hia but hom omenoiny hnyot.

Josua 24:11

Ke öbun e he hanyâûâ Joridano, me o hnyi Jeriko: ke ame vat möbun at Jeriko, me at Amora, me Perizi, me Kanana, me Heth, me Girigasa, me Hivi, me Jebusi; ke oge me hnʼ ödrin ka hnyi hny amöbun.

Josua 3:10

Ke haingö Josua, ka habe, Walang haten mʼ öbun e he ka wâ a e bi unyibun Khong ae möt, kʼ ame he ka ti obâ hnyi hnyimaköbun at Kanana, me Heth, me Hivi, me Perizi, me Girigasa, me Amora, me Jebusi.

Owisa 6:9

ke oge me omeli öbun ûnyi hnyi hnyamen at Aigupito, me ûnyi hnyi hnyamen tavat hia adre me hom ûhnyûkongu öbun, me obʼ ödrin hnyi hnyimaköbun me ham bi köbun idrin hnyei;