Esodo 32:9 - Iaai Bible 1901 (New Caledonia)

⁹ Ke Iehova ame ha kö Mose, ka habe, Oge wâ but tavat eang, me wâ but, odra tavat ae hwege nyin:

Esodo 32:9 ပူးပေါင်းရင်းမြစ်များ

II. Je Than 17:14

Ke so bi ödrin e höcö long, me ohwegiâ je nyidrin, helâ me nyin je lakamödrin, tavat adre me ca labageju bi kö Iehova Khongudrin.

II. Man Ûlabainy Je Than. 30:8

Ke ca he thʼ öbun walang ang ka ohwegiâ je nyibun, helâji me lakamöbun; ke so bi hnʼ öbun dut kö Iehova, me didro ka hnyi anyin dok ae kap, wale e ame hia but okabâ nyiele balua, me bi athnyabai Iehova a Khongubun, me me hwio ûnyi gabun anyin hmonyin ae gan hmâ.

Nehemia 9:16

Ke ödrin e bi gan me lakamödrin, me ohwegiâ je nyidrin, me ca long bi ânyâm je hnanyibu,

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Esodo 33:3

ka hnyi hnyei ame di hnyin dân basin me hani: anyin a oge me ca he ka tha he möu; anyin a u hnyei ae hwege nyin: wâ oge ne he ka ohiö u eû hnyi gethen.

Esodo 33:5

Ke Iehova ame ha kö Mose, ka habe, Ha thö ka lakon Isaraela, ka habe, U hnyei ae hwege nyin: oge ne he hnyi wanbâm hnyi thuthubademak, me, oge me he ka ohiö u: anyin a wale u ma he walang ang ka uny jut je theibâm, me me khanö nya ûnyi oge me he ka ânyâ köu.

Esodo 34:9

Ke haingen, ka habe, Than lö u je ne betenge gak, ö u he Than ka tha he möhmun; anyin ae hwege nyin hnyei ang; ke u ma thang degecâ anyihmun monu me hulö, me wiʼ ohmun do mʼ ohmun e em hnyei

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

Isaia 48:4

E khanö nya a u at ûjöng, ke toiny fao nyem, ke bras barem;

Jeremia 13:27

Oge hia but wâ hwakecâm ae ikiki, wale hnâm je hna bi ûnyi monu, me hwâm hwakuku helâ me hors, me ûganiny hnâm hna bi ûnyi monu hon je dok ae hut hnyi ta hnyei. Ekölö gam Jerusalema! u me ca he ka bo so; ke ne o but kehö?

Hosea 6:10

Oge hia but wâ hnyi lap anyi Isaraela ûnyi ae ti kong hmonyin; wale bi ûnyi monu anyi Eferaima, ke kong minya but Isaraela.

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Deuteronomi 10:16

Anyin a wale peritomonâ unen je hnyekubun, ke ca he hmetu bi öbun ka hwege nyin.

Deuteronomi 31:27

Anyin a oge wâ but hnâm hna ûkhin fuc, ke hwege nyem: wâ bi, iny tiga möt unyibun hnyi bong ang, me öbun e hia but ûkhin fuc me Iehova; ke hawa bi iny ka mokcu?

Deuteronomi 9:13

Ke haba khaca Iehova ame ha könya, ka habe, Oge wâ but tavat ang, ke wâ bi, ödra tavat ae hwege nyin:

Deuteronomi 9:6

Anyin a wale, u ma wâhmakhmetoâ a ca ûnyi ge wisainy hwakecâm me ame ham köu hnyei eang ae so hnö Iehova Khongom me me em: anyin a haba u me hnyei ae hwege nyin.