Esodo 32:8 - Iaai Bible 1901 (New Caledonia)

⁸ adre hia but ie saû ûnyi hnyi gethen waleji oge hûna ködra; kʼ adre hia but ânyâ hobi ködra nokon kau adre oköiâ, me khudrung kâu, me bi hut kâu, me ha, ka habe, Isaraela lö, walang khongom, at ame hum u ûnyi hnyi hnyei Aigupito.

Esodo 32:8 ပူးပေါင်းရင်းမြစ်များ

I. Je Than 12:28

Me than ame ûhnenamö, me ânyâ li nokon kau gol; ke e ame ha ködrin, ha habe, E hmak köbun he ka he Jerusalema ai; Isaraela lö, wâ ju ang li khongom, a li at ödre hum u ûnyi hnyi hnyei Aigupito.

Nehemia 9:18

Eke, ödrin e ânyâ hobi ködrin nokon kau adre me okoiâ, me ha, ka habe, Walang Khongom, at ame hum u ûhem Aigupito, ke ödrin e ânyâ je ûnyi ae gan hnân ohmö-nyinâ;

Salamo 106:19

Adre me ânyâ nokon kau hnyi Horeba, Me khudrung ka hnatheat adre okoiâ.

Salamo 78:36

Ke adre me ûtakû ge hnyimödra kâu, Ke thoi kâu ge je bohmödra.

Esodo 20:23

Ca he öbun ka bi hanok ge khong, a je khong sileva me gol öbun e ca he ka mâdrâ hobi köbun.

Esodo 22:20

Adre me he ka ti ohia at ame bi hut ka ke khong, ke ca kö Iehova.

Esodo 32:4

Ke e ame kap ta je ûnyi eling gadra, me tretrauâ ge sulâ, me ânyâ me me nokon kau adre oköiâ: ke adre me ha, ka habe, Isaraela lö, walang khongom at ame hum u ûnyi hnyi hnyei Aigupito.

Esodo 34:15

wâ u nye he ka ûhihinyköu me tavat adre me labâ hnyei, kʼ adre me bi ûnyi monu me anyidra je khong, me bi hut ka anyidra je khong, kʼ ame ne he at ka hao u, me u me he ka hnyi an anyin hut;

Isaia 46:6

Haba tavat adre me hingâlâ gol ûnyi hnyi tang, ke tuluto sileva hnyi tulut, me adre me hawâ at ame huliwan gol, me e ame ânyâ e me me khong; adre me ta ju hnyikânâi, eke, adre me khudrung.

Jeremia 31:32

ca helâ me ûhihinyköu eji oge ânyâ me lakamödra, waleji hnyi bong oge hom hnyamödra he ka su Ödra ûnyi hnyi hnyei Aigupito; ke adre me thamuâ anyik ûhihinyköu eja ke ne oge ne helâ me âiân baga kodra, haingö Iehova.

Levitiko 17:7

Ke adre me ca he hmetu ka hudo anyidra je hut ka je khong waleji adre me bi ûnyi monu mē. Wale hnanyibu nyiele balua ködra hnyi anyidra ta je dö.

Deuteronomi 32:17

Adre me hudo ka ta je demoni, ke ca Khong bi, A je khong ae ca khanʼ ödra, Ae teb ûnyi kʼ ödrin e teb o, Kʼ ame ca outen ge lakamöbun.

Deuteronomi 9:12

Ke Iehova ame ha könya, ka habe, Todrö, ie utut ûhem ang; anyin ae kong ut ânyâm tavat wale u je hom ûheny Aigupito; adre me saû logot ûnyi hnyi gethen waleji oge hûna ködra; kʼ adre ânyâ hobi ködra hnatheat adre oköiâ.

Deuteronomi 9:16

Me oge me bwele, ke wâ bi e kong hwakecibun kö Iehova Khongubun; kʼ öbun e ânyâ nokon kau adre oköiâ hobi köbun; kʼ öbun e logot saû ûnyi hnyi gethen waleji a hûna köbun Iehova.

Josua 22:15

Ke ödrin e o but ka laku Reubena, me laku Gada, me hafiny tribu Manase hnyi hnyei Gileada, me ha ködrin ka habe,

Owisa 2:17

Ke ödrin e ca long ka tavat owisa kö drin, ke ödrin e bi ûnyi monu me je khong monu, me khudrung ködrin: ödrin logot saû ûnyi hnyi gethen a vheno lakamödrin waleji adre long hnanyibu anyi Iehova; ke ödrin e ca ânyâ bi helâe.

Owisa 8:24

Ke haba Gideona ame ha ködra, ka habe, Inya oge me sumat öbun, mʼ öbun e he ka ve ham bi könya je anen hnyikonyen a gol öbun e hûgûnâ. (Anyin ae hu gadrin je anen hnyikonyen a gol, anyin a at Isamaela ödrin.)