Esodo 32:32 - Iaai Bible 1901 (New Caledonia)

³² Ke walang ang, u je ne he ka ikhâlâ anyidra hulö—; ke ame ne ba ö u na he ka kot degeci nya ûnyi hnyi ânyâm tusi u je sihnalimen.

Esodo 32:32 ပူးပေါင်းရင်းမြစ်များ

II. Samuela 18:33

Ke ame hmak hmonyin than, me ölö ka hnyi hnyeule hon homagöule, me tenge: ke e ame he kʼ ame ha helâng, ka habe, Ekölö ge nökuk Abasoloma, e köiö ge nökuk, nökuk Abasoloma! Ekölö, iny na mokcu me hwabâm, Ekölö Abasoloma, nökuk, nökuk!

Salamo 139:16

A wâ but unyik hnen li emâkâm kʼ iny tiga ca bekhot ut, Ke u je sihnalimen hnyi ânyâm tusi je ong outhunyik hia, Waleji adre me tretrao hnyi ke bong me ke bong, Ke tiga ba ke ûnyi ae bekhot.

Salamo 56:8

U je aû hnok je hna ngenu: Hingâlâ but je deköiök ka hnyi ânyâm kaia; Hawa, ca e bi hnyi ânyâm tusi?

Salamo 69:28

E so adre me kot degeci ödra ûnyi hnyi tusiny möt, Ke ca tha sihnalimidra bi me tavat ae wisa.

Esodo 32:10

ke walang ang hnö nya but, me me ubâhlâ thö anyik hmönyin ködra, mʼ inye he ka ohiʼ odra; kʼ oge me he ka wiö u bi hnân hnyei ae gan.

Isaia 4:3

Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema:

Ezekiela 13:9

Ke ame he hnyamok ka ve e me je perofeta tavat adre me wâ ûnyi ae ûnyi baû, me bi khong thoi; adre me ca he ka hnyi hanen ûhnenamö anyin lakeik, ke adre me ca he ka sihnalimidra hnyi tusiny lap anyi Isaraela, ke adre me ca he ka o ka hnyi hnyei Isaraela; ke ame he ka khanʼ öbun a inya Iehova.

Daniela 12:1

KE haba hnyi ûen eling ame he Mikaela ka tot, wale than ae gan at ame tot singiny aten em hnyei: ke ame he ka hu ûen vec, e ba helâe hwân hnyi hna hwenyi ien, me hnyei, ke ne o but hnyi ûen eling: ke hnyi ûen eling adre me he ka omelo aten em hnyei, ödra hia adre me wâ hna sihnalimidra hnyi tusi.

Amosa 7:2

Ke hnyi ûen adre hia but an hia önyi-nginy hnyei, me oge me ha, ka habe, Than Iehova lö, ö u thang degecâ hulo: ama kâmâu Jekob he ka tot? anyin a e ûhnyûkong.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Malaki 3:17

Ke haba ödra me tang omjehek, haingö Iehova, hnyi bong oge me thu; ke oge me he ka betenge gadra helâ me at ame betenge ge nokon at ame huliwa kâu.

Numera 11:15

Ke u je ne ânyâ helâe könya, me ö u hlingö nya but u je ne betenge gak; mʼ oge me ca he ka wâ anyik hlöuhlöu.

Numera 11:25

Ke ame utut Iehova hnyin ûlâ, me fuc kâu, me hom ke keihen hanu unyin me ip hon wahingat a sevente: ke a mokut hanu hudrin, me ödrin e perofeta, ke ödrin e ca ânyâ hmetu helâe.

Numera 14:19

Ö u degec ut konginy tavat eang hoton ûganiny ânyâm ibetengiö, ke hoton hnâm hna thang monu anyin tavat eang, waleji hwân hnyi Aigupito ke ne o but hnyi bong ang.

Luka 10:20

Ke ca senyin bi ge hna ling öbun hnen ta je hanu; ke senyin dö ge hna sihnalimen je iöbun ethö hnyi drany.

Luka 23:34

Haba Iesu ame ha, ka habe, Cica lö, hnʼ ödra but; anyin ae ca khanʼ ödra hnödra hna mâdrâ. Ke adre me khenâ anyin je ûkhaû me ugleköbâ.

Roma 9:3

Anyin a helâke oge me wek la, a gʼ adre me he ka ovesei nya me Keriso can je liamekeiny mönya, wale je lahanök hoton unyin:

Deuteronomi 25:19

Anyin a wale e ka hia but Iehova Khongom omeno u ge je iwahnaihmiony hia möu igigilö, hnyi hnyei a ham köu Iehova Khongom me me em hnân labā, me u me he ka kot degecâ hna ûnykûme at Amaleka unyi eang hmeledrany; u me ca he ka hnying.

Deuteronomi 29:20

ke ame ca he Iehova ka hna e, ke so bi, ame he ka sâ hmönyin anyi Iehova me anyin ciâ ka at eling, kʼ ame he bi ka ta hon hnaûhango hia adre sihnalimen hnyi tusi ang, ke ame he Iehova ka kot degecâ ien ûnyi eang hmeledrany.

Deuteronomi 9:14

Ca thao nya me oge me he bi nya ka ohiʼ ödra, me kot degecâ iödra ûheny eang hmelen, ke oge me he bi nya ka wiö u me me hnyei ae gan me man hudra.

Filipi 4:3

Eke, oge me sumatö u minya at ame hadruo nya hnathu nya, ka habe, hom hadruâ thö omomo tavat adre me tha huliwa mönya hnyi ûthumetu ae so, me jia Kelemene minya, me keihen tavat adre me tha huliwa mönya, a eû hnyi tusiny möt je iödra.

Hna Omanenâ 17:8

Haba meno u me wâ, me, ka e bi ehac, ke ba bi walang ang; ke e ame he ka ölö ûheny eû hnyi hmonop ae dit hmonyin me he but ka hnyi hnaûhango. Ke ame he ka lâiâ hnen tavat adre me laba hnyi hmeledrany, tavat adre me ca hia but set je iödra hnyi tusiny möt hwân hnyi hna bi taben hmeledrany, ödra ka wâ meno, a e bi ehac, ke ba bi walang ang, kʼ ame he ka o.

Hna Omanenâ 21:27

ke ame ca he ka hnyi dit kâe ke ûnyi ae kong, me at ame ânyâ ikiki me thoi: ke hake ödra thibi tavat adre sihnalimidrin hnyi tusi anyin Arenio a tusiny möt.

Hna Omanenâ 22:19

ke a ne ke at ame ohia ke ong hofuc adre perofeta hnyi tusi ang, me ame he Khong ka ohia jekhon hnyi ûöiny möt, me ûnyi hnyi taun ae kap, wale adre me sihnalimen hnyi tusi ang.

Hna Omanenâ 3:5

Haba at ame ton, me adre me he bi ka okhaûâ helâe ge je ûkhaû ae hau; ke oge me ca he ka kot degecâ ien hnyi tusiny möt, ke oge me he ka ha ien hnyi hnyimakö Cica, ke hnyi hnyimakan anyin ta je angela.