Esodo 32:3 - Iaai Bible 1901 (New Caledonia)

³ Ke haba tavat hia adre me uny jut je anen hnyikönyen gol hnyi ta je hnyikönyidra me hom kö Arona.

Esodo 32:3 ပူးပေါင်းရင်းမြစ်များ

Genese 24:22

Ke a um dö ic je kamela, haba at ame hom otu gol haf sekel ihmakiny me li waen gol hobi kâu li hnyamen a libenyita ta sekel ihmakiny;

Genese 35:4

Ke ödrin e ham kö Jekob ta je hnatheat kanyua hia unyidra, me je wen ûnyi hnyi ta je hnyikonyödrin; ke Jekob ame ikhâlâ je ûnyi e hmelen iwajo hnyi haten Sekema.

Esodo 32:2

Ke haingö Arona ködra, ka habe, Uny jut je anen hnyikönyen a gol hnyi je hnyikönyen laöiöbun me je lakubun baga me hlu, ke hö jem könya.

Esodo 32:4

Ke e ame kap ta je ûnyi eling gadra, me tretrauâ ge sulâ, me ânyâ me me nokon kau adre oköiâ: ke adre me ha, ka habe, Isaraela lö, walang khongom at ame hum u ûnyi hnyi hnyei Aigupito.

Esodo 33:6

Ke haba lakon Isaraela adre me uny jut je theibidra hwân hnyi bucen Horeba.

Isaia 3:19

me je ûnyi adre ohima, me je waen, mē je ûnyi hnân tubi hnyimak;

Isaia 46:6

Haba tavat adre me hingâlâ gol ûnyi hnyi tang, ke tuluto sileva hnyi tulut, me adre me hawâ at ame huliwan gol, me e ame ânyâ e me me khong; adre me ta ju hnyikânâi, eke, adre me khudrung.

Jeremia 10:9

Adre me hom sileva adre kot halelöûâ ûnyi Tasesa, me gol ûnyi Ufaz, huliwa anyin at ame khavi, ke hnen hnyamen at huliwan gol: haba je khaûödra ae udrudrâ me udrudrâ hlit: huliwa hia anyin tavat a ödra metâ huliwa.