Esodo 32:22 - Iaai Bible 1901 (New Caledonia)

²² Haba Arona ame thu, ka habe, Than lö, ca he ka ubâhlâ ânyâm hmönyin tuhok: e khanö u hwakecin tavat a odra be monu.

Esodo 32:22 ပူးပေါင်းရင်းမြစ်များ

Genese 44:18

Me haba Juda ame hakekeny kâu, me ha, ka habe, Than lö, ö u hnö nya a athnyabaem he ka ha ong hofuc ka hnyi li hnyikönyen than, ke ca he ânyam hmönyin ka palulu ka athnyabaem: anyin a u ûcû me Farao.

Salamo 36:4

E ame ûnykûme ûokonguny hon hnen hna mokut; E ame labö vheno gethen ae ca so; E ame ca ikiki ge monu.

Esodo 14:11

Ke haingödra kö Mose, Hawa, e ba je erkemok hnyi Aigupito, mʼ u me hum ohmun ka mok ang hnyi hnyebuba? Ieû ang u je ânyâ köhmun, ka hum ohmun ûhehmun Aigupito?

Esodo 15:24

Ke haba tavat adre me etrö Mose, me habe, ohmun e he ka ic ieû?

Esodo 16:20

Kʼ adre me ca ling Mose; ke haba ke je hnyat odrin e hip kamec ke ne o but hnyomakatu me ame ahnyöng me meng: ke Mose ame hmönyin ködra.

Esodo 16:28

Ke haba Iehova ame ha kö Mose, ka habe, Ke ne o but kehö öbun e he ka höcö ka tuö hnök hna hûna me anyik je hnanyibu?

Esodo 32:1

KE a wâ but tavat a ga bec Mose he ka utut ûnyi hnyi hon bucen, me ame ûkhacaköu tavat unyi Arona, me ha kâu, ka habe, Todrö ka ânyâ ke khong hnân hobi köta me me hnyimakan anyita bunyen; ke haba Mose waleji at ame hum ota ûnyi hnyi hnyei Aigupito, me ca khanʼ öta ûnyi a o kâu.

Esodo 32:21

Ke haingö Mose kö Arona, ka habe, Ieû a anyâ köu tavat cang, mʼ u me okûâ ködra monu ae gan eang?

Ta je Vejec 4:16

Anyin adre me ca mokut ödra ka ca ânyâ hulo; Ame hia but hnödra bemokut ödra ka ca othöâ keihen.

Deuteronomi 31:27

Anyin a oge wâ but hnâm hna ûkhin fuc, ke hwege nyem: wâ bi, iny tiga möt unyibun hnyi bong ang, me öbun e hia but ûkhin fuc me Iehova; ke hawa bi iny ka mokcu?

Deuteronomi 9:24

Öbun e hia but ûkhin fuc me Iehova hwân hnyi bong oge ibi iouny möbun hnyin.

Deuteronomi 9:7

Ûnykûme ju, me ca he ka hnying hi ge hnâm hna ohmönyini Iehova Khongom hnyi hnyebuba: hwân hnyi bong u je hna but hnyin hnyei Aigupito, ke ne o but iöbun ang, me öbun e labö ûkhin fuc me Iehova.

I. Samuela 15:15

Me Saulo ame ha, ka habe, Adre me hom ûnyi ge at Amaleka: anyin a haba tavat adre me omelö je mamoe me je bolok ae so hnân hut kö Iehova Khongom; ke öhmun e hia but ti ohia je kolon.

I. Samuela 15:21

Ke haba tavat, me, ödrin e hom ta je hna hûgûnâ, a ta je mamoe, me ta je bolok, je ûnyi ae ûnyi hnathu hnân hake ip, he ka bi hut kö Iehova Khongom hnyi Gilegala.

I. Samuela 15:24

Ke Saulo ame ha kö Samuela, ka habe, Oge hia but ânyâ hulö: anyin oge hia but hanyâûâ hna hûna hnö Iehova, me hwâm hofuc: anyin oge outen tavat, me löng hodrin.