Esodo 32:17 - Iaai Bible 1901 (New Caledonia)

¹⁷ Ke a löng hnö Josua hwan imedien tavat adre me kuku, me e ame ha kö Mose, ka habe, Hwan vat ûnyi hnyi hna hunuma.

Esodo 32:17 ပူးပေါင်းရင်းမြစ်များ

I. Man Ûlabainy Je Than. 7:27

me Nuna a nokon baga, me Josua a nokon baga.

Jobu 39:25

Ame ne fuc dö trutru, me haingen, ka habe, Awe! Kʼ ame long bunen vat ke tiga sâkâû, A hwan thaniny je taben vat, me huo.

Salamo 47:1

TA je hnyei hia thithö lö, khaûkhaû ju je hnyamöbun; Hongot ka Khong ge hwan manhic.

Esodo 17:9

Ke haingö Mose kö Josua, ka habe, Ûca thö hobi köta tavat, ke he thö ka vat me at Amaleka: haba nyi oge me he ka tot hnyi dok ae hut me uci anyin Khong hnyi hnyamök.

Esodo 24:13

Ke Mose ame todrö me Josua athnyabainy: ke Mose ame öliâ bucen anyin Khong.

Esodo 32:16

Huliwa anyin Khong li veto ae lau, ke haba hna sihnalimen, me, a sihnalimen Khong, a kave hnyi li veto ae lau.

Esodo 32:18

Ke haingen, ka habe, Ca hwan vat eling hwan tavat hwege, ke haba khaca, ca hwan tenge anyin tavat ae bâ: ke so bi oge me löng hwan khumöng.

Esodo 32:6

Ke adre me vesâ hnyi hnyomakatu kong, me hudo je hut adre le, me hom je hudiny ûsoköu; me ame laba ju tavat he ka han me ic, me adre me todrö he ka mat.

Jeremia 51:14

Haba Iehova tuhan sabaoth ame khemanyin gan bi, ka habe, E hnathu oge me he ka ounöngöti u ge at helâ me je wahamon; ke adre me he ka hongot goranyai ûcom.

Amosa 1:14

ke oge me he ka hû meic hnyi hna up haginy Raba, ke e ame he ka thong degecâ je uma umen than hnyin e, me kuku hwege hnyi bonginy vat, me weneû hnyi bonginy hou:

Amosa 2:2

ke oge me he ka kunâ meic hon Moaba, me e ame he ka thong degecâ je uma umen than hnyi Kerioth; ke ame he Moaba ka mok hnyi mede, me kuku hwege, me hwan trutru:

Josua 6:10

Ke Josua ame ha ka tavat, ka habe, Ca he öbun ka hongot, kʼ adre me ca he ka long ifucibun, ke so ame ca o ke ong hofuc ûnyi hnyi hnyimöbun, ke ne o but bong oge me he ka kunʼ öbun ka kuku: me waleling öbun e he ka kuku.

Josua 6:16

Ke haba hnyi ûen a seveniny, kʼ ame tûö trutru hnyat bihut, me haba Josua ame ha ka hnyat bihut, ka habe, Kuku thö; anyin a hia but Iehova ham köbun taun.

Josua 6:20

Ke ame kuku tavat, me adre tûâ je trutru: ke ame long hnen tavat ifucin trutru, me ame kuku hwege tavat goranyai, me ame ū but hna up veto, me ame ve ölö thö tavat ka hnyi taun cici ödrin, me ödrin e hûgûnâ taun.

Josua 6:5

Ke e ka beû but hna tûâ trutruiny jubeli, ke öbun ka long ut ifuciny trutru me ame he tavat ka kuku hwege: me ame he ka ū but haginy taun adre up veten, me me ve ölö thö tavat hia thithö hnyi hnyimaködra.

Owisa 15:14

Ke e ame o ka hnyi Lehi, me haba at Filisiti ödrin e iouny mē me kuku kâu: ke ame utut ka hnyi hon hanu Iehova, ke haba li tö hnyi li benyin me helâ me wakunenu adre le ge meic, ke ame ok ut hna ca hnyi li benyin.

I. Samuela 17:20

Ke Davita ame vesâkong, me hna je mamoe ka at ame tuö, me hom je ûnyi me he, helâ me Jese ame hûna kâu; ke a ame o but hnyi hnen je kât kʼ ame tiga he ka hnyi vat je utbavat ke ödrin e tiga sue.

I. Samuela 17:52

Me ame todrö at Isaraela me at Juda me sue, me hnu at Filisiti ke ne o but hnyi Gai, me je homagouleny Ekerona. Ke ame ta tot tavat adre ât dö a at Filisiti eû hnyi gethen ame he Saraim ai, ke ne o but hnyi Gatha, me Ekerona.