Esodo 32:14 - Iaai Bible 1901 (New Caledonia)

¹⁴ Ke haba Iehova ame ietra monu, wale e ame ha he ka ânyâ ka lakeiny.

Esodo 32:14 ပူးပေါင်းရင်းမြစ်များ

Genese 6:6

Ke Iehova ame ietra a gʼ ame hia but op at eang hmelen, ke e hmak ut hnyekon.

II. Samuela 24:16

Ke hnyi ûen ame he angela ka lau hnyamen hon Jerusalema he ka okongoâ, me haba Jehova ame ietra kong eling, me ba ka angela at ame ohia tavat, ka habe, Soju; kât ju hnyamâm. Ke ame tot angela anyi Iehova hnyi hna huje hwit anyi Aruna at Jebusi.

I. Man Ûlabainy Je Than. 21:15

Ke Khong ame kunâ angela Jerusalema ai he ka ohia e: kʼ ame tiga he ka ohia, me haba Iehova ame wâ, me ietra ûnyi ae kong, me ha ka angela at ame ohia, ka habe, Soju, thu hmetu ju benyâm. Ke ame tot angela anyi Iehova hnyi hna huje hwit anyi Aruna at Jebusi

Salamo 106:23

Anyin a wale e ame ha he ka ohiʼ ödra, Ke so bi hnö Mose, waleji e ame ûca, hna tot hnyi iwatretra hnyi hnyimakan, He ka ohmeto anyin hmönyin, wâ e nye ohiʼ ödra but,

Salamo 106:45

Ke e ame ûnykûme hnân hobi kodra anyin ûhikinyköu, Me ame ietra hoton ûganiny anyin betenge.

Esodo 33:13

Anyin a wale, u je ne betenge gak, ö u omanenâ könya dem gethen, me me khanö nya u, me u me betenge gak: ke ûnykûme ju a haba hnyei ang me hing lakem.

Jeremia 18:8

ame ne he hnyei eling wale oge me fuc gan he ka hmetu ûnyi hnyi anyidra hulo, awe, oge me he ka ietra ûnyi ae kong waleji oge ûnykûme he ka ânyâ kodra.

Jeremia 26:13

Ke walang ang ânyâwia thö debun je gethen, me je hwakecibun, ke long ju ifuci Iehova Khongubun; me me he Iehova ka ietra ûnyi ae kong waleji e ame ha gabun.

Jeremia 26:19

Hawa ga Hezekia than Juda me at Juda hia, adre me hlingâ e? hawa, e ame ca outö Iehova, me khöû kö Iehova, ke haba Iehova ame ietra hulo waleji e ame ha gadra? Ate me ne ânyâ hulo ae gan hmâ köta bi.

Joela 2:13

kia but je hnyekubun, ke ca kia je ûkhaû bi, me hwio thö kö Iehova Khongubun: anyin a e at ame betenge baû, ke betenge vec, ke bec he ka hmonyin, ke gan hmâ anyin ibetengiö, kʼ ame ka ietra hulo.

Amosa 7:3

Haba Iehova ame ietra ûnyi e: Ame ca he ka hwâdâ haingo Iehova.

Amosa 7:6

Haba Iehova ame ietra ûnyi e: Ame ca he ka hwâdâ haingen Than Iehova.

Jona 3:10

Ke a wâ but Khong anyidra je huliwa, a adre me hwio ûnyi hnyi dedra ta je gethen ae kong; me haba Khong ame ietra ûnyi ae kong wale a ha he ka ânyâ kodra; ke e ame ca ânyâ bi.

Jona 4:2

Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Numera 14:20

Me haba Iehova ame thu, ka habe, Awe oge me hna degecâ hoton hwâm hofuc.

Deuteronomi 10:10

Ke oge laba hon bucen fâte je lany ke fâte je lit, helâ me ûen eji a bân: ke Iehova ame löng minya könya hayi ûen eling; ke ca we Iehova he ka ohiö u.

Deuteronomi 32:26

Oge ha, ka habe, Oge me he ka ovesei ödra, Oge me he ka bi obiny hna ûnykûmi ödra ge tavat:

Deuteronomi 32:36

Anyin ame he Iehova ka owisa lakeiny, Me ietra can lathnyabainy; E ka wâ ae ba manidrin man, Ke ba kolon, a hnyat adre ca, ke hnyat adre hna.

Owisa 2:18

Ke Iehova ame ham ködrin tavat owisa, me Iehova ame tha e me at owisa, me omeli ödrin ûnyi hnyi hnyamen je iwahnaihmiony mödrin hnyi ta je bong hia bongon at owisa: anyin a Iehova ame ietra can anyidrin mokhon ge tavat adre me sed ödrin me oveci odrin,

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.